Anudeep

సీనియర్ ఎన్టీఆర్ కి ఎంత పేరు ఉందో మనకి తెలుసు. నటనతో ప్రత్యేకమైన ఇమేజ్ ని క్రియేట్ చేసుకున్నారు ఎన్టీఆర్. సినిమా పరిశ్రమలో ఎదురులేని నాయకుడిగా పేరు తెచ్చుకున్నారు. పౌరాణిక పాత్రల తో తెలుగు ప్రేక్షకులను మెప్పించారు ఎన్టీఆర్. నిజానికి అన్న గారి గురించి ఎంత చెప్పినా తక్కువే. ఆయన భౌతికంగా మన మధ్య లేకపోయినా ఆయన నటించిన సినిమాలు ఆయనని నిత్యం ప్రేక్షకుల గుండెల్లోనే ఉంచుతాయి. ఆయన గురించి ప్రతి విషయాన్నీ ఇప్పటికీ ఆసక్తిగా తెలుసుకునే అభిమానులు ఉన్నారంటే అది అతిశయోక్తి కాదు.

ఎన్టీఆర్ నట వారసులుగా బాలకృష్ణ, హరికృష్ణ బాగానే పేరు తెచ్చుకున్నారు. వీరి కుమారులు, ఎన్టీఆర్ కు మనవళ్ళు చైతన్య కృష్ణ, తారక రత్న, ఎన్టీఆర్, కళ్యాణ్ రామ్ లు మూడవ తరం నటులుగా నట వారసత్వాన్ని అందుకున్నారు.

2002 లో ఒకటో నెంబర్ కుర్రాడు సినిమా తో ఇండస్ట్రీలోకి అడుగు పెట్టిన తారక రత్న తాను కూడా మంచి నటుడు అవ్వాలని, స్టార్ హీరోగా పేరు తెచ్చుకోవాలని కలలు కన్నారు. అమరావతి సినిమాలో ఆయన చేసిన నెగిటివ్ షేడ్స్ ఉండే పాత్ర కి ఎంతో పేరు వచ్చింది. ఆ సినిమా కి నంది అవార్డు కూడా అందుకున్నారు. హీరోగా కొన్ని సినిమాలు చేశారు. మనమంతా లో ఒక ముఖ్య పాత్ర కూడా చేసారు. రాజా చెయ్యివేస్తే సినిమాలో నెగిటివ్ రోల్ చేశారు. తారకరత్న చివరిగా 2017 లో వచ్చిన ఖయ్యుమ్ భాయ్ సినిమా లో కనిపించారు.

ఆ తరువాత తారక రత్న ఇక సినిమాలలో కనిపించలేదు. మంచి నటుడు అయినా.. నటించాలన్న కోరిక కలిగి ఉన్నా సినిమాలకు దూరం అవ్వడంతో తారక రత్న విషయంలో అభిమానులు చాలా నిరుత్సాహ పడ్డారు. సరైన అవకాశాలు రాలేదేమోనని భావించారు. తాను సినిమాలకు దూరంగా ఉండడానికి అసలు కారణం ఏంటో తారక రత్న ఇటీవల ఓ ఇంటర్వ్యూలో వివరించారు. తారక రత్న సినిమాల్లోకి ఎంట్రీ ఇచ్చే టైం కే.. నందమూరి వారసుడిగా వచ్చిన జూనియర్ ఎన్టీఆర్ “ఆది” సినిమాతో ఫుల్ ఫామ్ లో ఉన్నారు. ఆ టైం లో తారకరత్న ఎన్టీఆర్ కు పోటీ గా వచ్చారు అంటూ ప్రచారం జరిగింది.

ఆ తరువాత పలు సినిమాలలో నెగటివ్ షేడ్స్ ఉన్న పాత్రలు చేసినప్పటికీ తారకరత్న ఎన్టీఆర్ కు కాంపిటీషన్ గా వచ్చారు అన్న ప్రచారం మాత్రం ఆగలేదు. ఇది తారకరత్న కు ఇష్టంలేదు. తనకంటే ముందే ఇండస్ట్రీ లోకి వచ్చినా.. ఎన్టీఆర్ పట్ల మంచి స్నేహ భావమే ఉండేది. ఈ కాంపిటీషన్ అనేది నచ్చని తారకరత్న సినిమాలకు దూరంగా ఉంటూ వచ్చారు. నందమూరి వంశాన్ని ఎవరు ముందుకు తీసుకెళ్లినా అది మా అందరికి సంతోషమేనని.. మా మధ్య కాంపిటీషన్ లాంటివి ఉండవని చెప్పుకొచ్చారు. ఆయన చెప్పుకొచ్చిన విషయాలను మీరు ఈ కింద వీడియోలో చూడొచ్చు.

Watch Video:

ఎస్పీ బాలు గారి గురించి ఎవరికీ కొత్తగా పరిచయం చేయాల్సిన అవసరంలేదు. ఆయన సంగీత ప్రపంచంలో గానగంధర్వుడు. 50 వేలకు పైగా పాటలను పలు భాషల్లో పాడి శ్రోతలను మంత్రముగ్ధులను చేస్తుంది ఆ కంఠం.

ఎస్పీ బాలు కేవలం గాయకుడు గానే కాదు సంగీత దర్శకుడిగా, నటుడిగా, డబ్బింగ్ ఆర్టిస్ట్ గా ఎంతో మంచి గుర్తింపును సంపాదించుకున్నారు.

ఈయన 1946 జూన్ 4వ తేదీన జన్మించారు. 2020 సెప్టెంబర్ 25వ తేదీన మరణించారు. కోవేట్ కారణంగా అయిన భౌతికంగా ఈ ప్రపంచాన్ని విడిచి వెళ్ళినా ఇంకా ఆయన పాటలతో అభిమానుల మదిలో సజీవంగా ఉన్నారు.ఈరోజు ఆయన జయంతి సందర్భంగా సినీ పరిశ్రమ మరియు అభిమానులు ఆయన మధురమైన గాత్రాన్ని గుర్తు చేసుకుంటున్నారు. ఆయన స్నేహితుడైన ఇళయరాజా తో వచ్చిన చిన్న గొడవ తప్ప, వివాదాలకు దూరంగా ఉంటారు. ఎల్లప్పుడూ అందరినీ చిరునవ్వుతో పలకరిస్తూ ఉండేవారు.

ఎస్పీ బాల సుబ్రహ్మణ్యం గారు డబ్బింగ్ చెప్పిన చిత్రాలు ఎన్నో ఉన్నాయి.  కేవలం తెలుగు లో కమల్ హాసన్ చిత్రాలకు మాత్రమే ఆయన స్వరాని అందించేవారు. కమలహాసన్ అంతేకాకుండా మరొక నటుడు కూడా ఎస్పీ బాలు గారు తన గాత్రాన్ని అందించారు.అలా ఎస్పీ బాలు వారితో డబ్బింగ్ చెప్పించుకున్న ఆ నటుడు ఎవరో మీకు తెలుసా? ఆయనే నటుడు నాజర్ గారు. నాజర్ గారు స్వయంగా ఒక ఇంటర్వ్యూ లో ఈ విషయాన్ని వెల్లడించారు.

నాజర్ నటుడిగా తెలుగులో ఎన్నో చిత్రాలలో విలక్షణమైన పాత్రలు పోషించారు. నాజర్ మహేష్ బాబుకి తాతయ్యగా అతడు అనే చిత్రంలో నటించారు. నాగర్ పాత్రలకు ఎవరిచేత డబ్బింగ్ త్రివిక్రమ్ గారు ఆలోచించగా ఈ పాత్ర కు ఎస్పీ బాలు గారి వాయిస్ అయితే కరెక్ట్ అని బాలు గారిని సంప్రదించడం జరిగిందట. కమల్ హాసన్ కు తప్ప మరి ఏ పాత్రలకు నేను డబ్బింగ్ చెప్పాను అనే మొండి పట్టుతో ఉండే బాలు గారిని పట్టువీడని విక్రమార్కుడులా అతడు సినిమాకి  డబ్బింగ్ చెప్పడానికి ఒప్పించారు దర్శకుడు త్రివిక్రమ్.

ప్రముఖ బాలీవుడ్ నటుడు జాకీ ష్రాఫ్ ముద్దుల కుమారుడు టైగర్ ష్రాఫ్, తండ్రి నట వారసుడిగా బాలీవుడ్లోకి ఎంట్రీ ఇచ్చాడు. తండ్రి సినిమా రంగంలో ఉన్నత స్థాయి లో ఉన్నప్పుడే టైగర్ ష్రాఫ్ కూడా సినిమా రంగంలోకి రావాలని ఆశించాడు.

ఇప్పుడు బాలీవుడ్లో తనకంటూ ఒక ప్రత్యేక స్థానాన్ని ఏర్పరుచుకున్నాడు టైగర్ ష్రాఫ్. కొందరు స్టార్స్ కంటెంట్ తో సంబంధం లేకుండా తనకున్న బ్యాక్గ్రౌండ్ తో సినిమాలు చేస్తూ ఉంటారు. కానీ టైగర్ ష్రాఫ్ అలా కాదు.

హీరో కి ఉండవలసిన అన్ని స్కిల్స్ మరియు టాలెంట్ కూడా టైగర్ లో ఉన్నాయి.  2014 లో హీరోపంతి చిత్రంతో గ్రాండ్ వెల్కమ్ ఇస్తూ మంచి సక్సెస్ ను సాధించాయి. ఈ చిత్రం నుంచి టైగర్ ముందుకు దూసుకు వెళ్ళిపోయాడు. అక్కడక్కడ ఒకటో రెండో ఫ్లాపులు వచ్చినా గానీ, తన స్పీడ్ కి ఎక్కడా బ్రేక్ పడలేదు అని చెప్పవచ్చు. అయితే టైగర్ ష్రాఫ్ కెరియర్ ని టాప్ ప్లేస్ లో నిలబెట్టినవి 5 చిత్రాలు. అసలు విషయం ఏంటంటే ఈ ఐదు సినిమాలు కూడా మన తెలుగు, తమిళ సినిమాల నుంచి కాపీ కొట్టినవే.

అలా కాపీ కొట్టిన ఒక యాక్షన్ సీన్ ని నెటిజన్లు ట్రోల్ చేస్తున్నారు. 2015 హీరో అజిత్ నటించిన వేదళం చిత్రంలోని యాక్షన్ సన్నివేశాన్ని, హీరోపంతి 2 చిత్రంలో టైగర్ ష్రాఫ్ కాపీ కొట్టేసాడు అంటూ ట్రోల్ చేస్తున్నారు. ఈ యాక్షన్ ఈ సన్నివేశంలో అజిత్ నటన అదిరిపోయేనట్లు ఉంటే, అచ్చు అలాగే కాపీ కొట్టినా టైగర్ ష్రాఫ్ నటన హాస్యాస్పదంగా ఉందంటూ నెటిజన్లు అభిప్రాయాన్ని వ్యక్తం చేస్తున్నారు.

https://www.instagram.com/reel/CeGJl9yp4I7/?igshid=YmMyMTA2M2Y=

బుల్లి తెరపై వచ్చే షోల ద్వారా పాపులర్ అయిన వాళ్ళు చాలా మందే ఉన్నారు. ఇలా ఫేమ్ వచ్చిన తరువాత వారు సినిమాల్లో అవకాశాలు వెతుక్కుంటూ మంచి నటులుగా మారుతున్న వారు కూడా ఉన్నారు. ఇక పోతే సోషల్ మీడియా వీరికి మరో ఆయుధంగా మారింది.

సోషల్ మీడియాలో ఫేస్ బుక్, ఇంస్టాగ్రామ్ వంటి మాధ్యమాల ద్వారా వీరు మరింత ఫేమస్ అవుతున్నారు. ఇకపోతే బుల్లితెరపై ప్రసారం గల్లీ బాయ్స్ షో ఫేమ్ రియాజ్ కూడా అలానే పాపులర్ అయ్యారు.

తాజాగా.. ఈ ఆర్టిస్ట్ పెళ్లి చేసుకుని ఓ ఇంటివాడు అయ్యాడు. రియాజ్ పెళ్లి ఫోటోలు సోషల్ మీడియాలో ఓ రేంజ్ లో వైరల్ అవుతున్నాయి. అయితే.. రియాజ్ పెళ్లి చేసుకున్న అమ్మాయి ఎవరా అని సోషల్ మీడియాలో ఓ రేంజ్ లో డిస్కషన్ నడుస్తోంది. యు ట్యూబ్ కార్యక్రమాలతో పాపులర్ అయిన రియాజ్ కామెడీ పంచడం లో దిట్ట అనే చెప్పొచ్చు. గత ఫిబ్రవరిలోనే రియాజ్ పెళ్లి అయింది అంటూ వార్తలు వచ్చాయి. కానీ వాస్తవాలు తెలియరాలేదు. తాజాగా.. అషురెడ్డి రియాజ్ పెళ్ళినాటి ఫోటోలను పోస్ట్ చేసి వెడ్డింగ్ యానివర్సరీ శుభాకాంక్షలను తెలిపింది. దీనితో రియాజ్ పెళ్లి నాటి ఫోటోలు వైరల్ అవుతూ వచ్చాయి. రియాజ్ పెళ్లి చేసుకున్న ఆ అమ్మాయి పేరు నజిరా. ఈ ఫొటోల్లో వారిద్దరూ మురిసిపోతూ కనిపించారు.