పునీత్ రాజ్‌కుమార్ ఎంత గొప్ప వ్యక్తో తెలుసా.? కళ్లు దానం చేయడం మాత్రమే కాకుండా.?

కన్నడ స్టార్ నటుడు పునీత్ రాజ్‌కుమార్ గుండెపోటు కారణంగా మరణించారు. పునీత్ కి కేవలం కన్నడలో ఇండస్ట్రీలో మాత్రమే కాకుండా, ఇతర భాషల ఇండస్ట్రీలలో కూడా చాలా ఫాలోయింగ్ ఉంది. శుక్రవారం ఉదయం జిమ్ లో వ్యాయామం చేస్తున్నప్పుడు పునీత్ ఒక్కసారిగా కిందపడిపోయారు. ఆస్పత్రికి వెళ్లే సరికి పునీత్ పరిస్థితి చాలా విషమంగా ఉంది అని డాక్టర్లు చెప్పారు. చికిత్స అందించిన కొంతసేపటి తర్వాత పునీత్ తుది శ్వాస విడిచారు.

పునీత్ చెన్నైలో పుట్టారు. తనకి ఆరు సంవత్సరాల వయసున్నప్పుడు కుటుంబమంతా మైసూర్ కి వెళ్ళిపోయారు. పునీత్ చైల్డ్ ఆర్టిస్ట్ గా కెరీర్ మొదలు పెట్టారు. 2002లో అప్పు సినిమాతో హీరోగా పరిచయం అయ్యారు. ఈ సినిమా ఇడియట్ సినిమా రీమేక్. తర్వాత ఎన్నో సూపర్ హిట్ సినిమాల్లో నటించారు. ఫ్యాన్స్ అందరూ పునీత్ ని అప్పు, పవర్ స్టార్ అని పిలుస్తారు. పునీత్ మంచి నటుడు మాత్రమే కాకుండా మంచి డాన్సర్ అలాగే మంచి సింగర్ కూడా. తన సినిమాల్లో ఎన్నో పాటలు పాడారు.

పునీత్ సామాజిక కార్యక్రమాల్లో కూడా ముందుంటారు. 45 ఉచిత స్కూల్స్ కట్టించారు. 26 అనాధాశ్రమాలని, 16 వృద్ధాశ్రమాలని, 19 గోశాలలని కూడా నిర్మించారు. ఇవన్నీ మాత్రమే కాకుండా 1800 మంది విద్యార్థులకు విద్యని అందించారు. చనిపోయేముందు కూడా తన రెండు కళ్ళను దానం చేశారు పునీత్. ఆయన ఎంత గొప్ప వ్యక్తి అనేది చెప్పడానికి ఇవే ఉదాహరణలు. అంతే కాకుండా కొత్త టాలెంట్ ని ప్రోత్సహించడంలో కూడా ముందుంటారు. తన నిర్మాణంలో వచ్చే సినిమాల క్వాలిటీ కోసం ఎక్కడ వెనకాడరు. అలా ఎన్నో మంచి సినిమాలను పునీత్ నిర్మించారు.