Filmy Adda

సంక్రాంతి కానుకగా ఈ రోజు విడుదలైన సినిమా “గేమ్ ఛేంజర్”. శంకర్ దర్శకత్వంలో దిల్ రాజు నిర్మాతగా “రామ్ చరణ్” హీరోగా తెరకెక్కిన ఈ సినిమా ఎలా ఉందో రివ్యూ చూసేద్దాం.

చిత్రం : గేమ్ ఛేంజర్
నటీనటులు : రాంచరణ్, అంజలి, కియారా అద్వానీ, ఎస్‌జే సూర్య, శ్రీకాంత్ తదితరులు
నిర్మాత : దిల్ రాజు, శిరీష్
దర్శకత్వం : శంకర్
కథ: కార్తీక్ సుబ్బరాజ్
సినిమాటోగ్ర‌ఫీ: ఎస్‌ తిరుణ్ణావుక్క‌ర‌సు
డైలాగ్స్: సాయి మాధ‌వ్ బుర్రా
సంగీతం : ఎస్‌ ఎస్‌ త‌మ‌న్
విడుదల తేదీ : జనవరి 10, 2025

స్టోరీ :

రామ్ నందన్(రామ్ చరణ్)… IPS నుండి IAS ఆఫీసర్ గా మారతాడు. విశాఖ కలెక్టర్ గా బాధ్యతలు తీసుకుంటాడు. దౌర్జన్యాలు మానేయాలని రౌడీలకి వార్నింగ్ ఇస్తాడు. ఈ క్రమంలోనే మినిస్టర్ బొబ్బిలి మోపిదేవి (ఎస్.జె.సూర్య)తో గొడవ మొదలవుతుంది. ఇది ఇలా ఉండగానే… రామ్ కి దీపిక ఎదురుపడుతుంది. కాలేజీలో ఉన్నప్పుడు దీపిక(కియారా అద్వానీ) తో ప్రేమలో ఉంటాడు. ఆమె కోసమే IAS కూడా అవుతాడు. కానీ ఇద్దరికీ బ్రేకప్ అవుతుంది.

మరోవైపు బొబ్బిలి మోపిదేవి తండ్రి అయిన ఏపీ సీఎం బొబ్బిలి సత్యమూర్తి (శ్రీకాంత్)‌ అవినీతికి దూరంగా ఉండాలని మంత్రులకు ఆదేశాలు ఇస్తారు. ఇది అతని కుమారులు అయిన బొబ్బిలి మోపిదేవి , రామచంద్రలకు ఏ మాత్రం నచ్చదు. ఒకప్పుడు సత్యమూర్తి…అప్పన్నకు చేసిన మోసాన్ని గుర్తు చేసుకొని పాశ్చ్యాతాపం పడుతూ ఉంటాడు. అతని చివరి కోరిక వల్లే కథలో ట్విస్ట్ ఉంటుంది. దౌర్జన్యంగా సీఎం అవ్వాలన్న బొబ్బిలి మోపిదేవి ప్లాన్ ని అడ్డుకోవాలని అనుకుంటూ ఉంటాడు రామ్ నందన్.

రామ్ నందన్ తన తల్లిదండ్రులు అప్పన్న (రాంచరణ్), పార్వతి (అంజలి)కి ఎలా దూరం అయ్యాడు. మోపిదేవిని రామ్ నందన్ ఎలా అడ్డుకున్నాడు. సత్యమూర్తి కొడుకుని కాదని రామ్ నందన్ ని సీఎం చేయాలని ఎందుకు అనుకున్నాడు. రామ్ నందన్ కి దీపికతో ఎందుకు బ్రేకప్ అయ్యింది.? ఇవన్నీ తెలియాలంటే సినిమా చూడాల్సిందే.

రివ్యూ :

ఇండియన్ 2 ఫ్లాప్ తర్వాత “శంకర్” దర్శకత్వంలో తెరకెక్కిన ఈ సినిమాపై ఆడియన్స్ కి ముఖ్యంగా రామ్ చరణ్ అభిమానులకి ఎన్నో అనుమానాలు ఉన్నాయి. ఈ సినిమాకి కార్తీక్ సుబ్బరాజు కథను అందించారు. కానీ అందులో కొత్తదనం ఏం కనిపించలేదు. అప్పన్న ఎపిసోడ్ లో తప్ప సినిమాలో శంకర్ మార్క్ అంతగా కనిపించలేదు. 90 స్ లో సోషల్ మీడియా లేనప్పుడు ఉన్న రాజకీయాలు లాగా నాటకీయంగా ఉంది ఈ సినిమా. రియాలిటీకి దూరంగా ఉంది. ఇంటర్వెల్ ట్విస్ట్ బాగుంది. స్క్రీన్ ప్లే కూడా రొటీన్ పొలిటికల్ డ్రామా లాగా ఉంటుంది. రామ్ చరణ్ ఇంట్రడక్షన్ సీన్ మాస్ ఆడియన్స్ కి నచ్చేలాగా తెరకెక్కించారు. కానీ రామ్ నందన్, దీపిక ల లవ్ ట్రాక్ ని మాత్రం అంతగా తెరకెక్కించలేకపోయారు దర్శకుడు.

ఇంటర్వెల్ ట్విస్ట్ తో సెకండ్ హాఫ్ మంచి హైప్ తో మొదలవుతుంది. ఫస్టాఫ్‌లో పెంచిన అంచనాలకు తగ్గట్టుగానే అప్పన్న స్టోరీ సెకండ్ హాఫ్ లో ఆకట్టుకుంటుంది. రామ్ నందన్, పార్వతి (తల్లి కొడుకులు) మధ్య సెంటిమెంట్ సీన్లు బాగున్నాయి. కానీ ప్రీ క్లైమాక్స్, క్లైమాక్స్ లో రొటీన్ మాస్ ఫైట్ తో ముగించారు శంకర్. అందుకే క్లైమాక్స్ అంతగా ఆకట్టుకోలేకపోయింది.

ఇక నటన విషయానికొస్తే రామ్ చరణ్ ఆకట్టుకున్నారు. శ్రీకాంత్, జయరామ్, సముద్రఖని, ఎస్.జె సూర్య తమ పాత్రలకు న్యాయం చేసారు. సునీల్, నవీన్ చంద్ర, రాజీవ్ కనకాల పర్వాలేదనిపించారు.

ఈ సినిమాలో పాటలను అందంగా తెరకెక్కించారు. థమన్ మ్యూజిక్ కూడా ఆకట్టుకుంది. గ్రాఫిక్ వర్క్ బాగుంది. మొత్తానికి దర్శకత్వంలో శంకర్ ఇంకొన్ని జాగ్రత్తలు తీసుకుంటే బాగుండేది. సంక్రాంతికి వచ్చిన ఈ సినిమా అంతగా అంచనాలను అందుకోలేకపోయింది కానీ పరవాలేదు అనిపించింది.

ప్లస్ పాయింట్స్ :

• అప్పన్న రోల్
• ఇంటర్వెల్ ట్విస్ట్
• థమన్ సంగీతం
• సాంగ్స్ విసుఅల్స్

మైనస్ పాయింట్స్:

• రొటీన్ స్టోరీ

రేటింగ్: 3/5

ట్యాగ్ లైన్ :“గేమ్ ఛేంజర్” గేమ్ ఇంకొంచెం బాగుంటే సినిమా ఇంకొంచెం బాగుండేది.

TRAILER:

ఈ ఫోటోలో ఉన్న అబ్బాయి, ఇప్పుడు స్టార్ హీరో. ఇండస్ట్రీలో ఎంతమంది స్టార్ హీరోలు ఉన్నప్పటికీ, సూపర్ స్టార్ అనగానే టక్కున గుర్తొచ్చే పేరు ఆయనదే. కొత్త హీరోలు ఎంతమంది వచ్చిన ఆయన క్రేజ్ ను దాటడం ఎవరికి సాధ్యం కాదు. ఇప్పటికి ఎన్నో రికార్డ్స్ ఆ హీరో పేరు మీదే ఉన్నాయని చెప్పవచ్చు.

ప్రపంచవ్యాప్తంగా అభిమానులను ను సంపాదించుకున్న తొలి సౌత్ హీరోగా కూడా రికార్డ్ ఆయన పేరు మీదనే ఉంది. ఆయన నటించిన చిత్రాలు విదేశాల్లో కూడా ఆకట్టుకుంటాయి. అన్నిటి కన్నా ఎక్కువగా జపాన్ లో విపరీతంగా అభిమానిస్తారు. ఆయనెవరో కాదు సూపర్ స్టార్ రజినికాంత్. ఆయన చిన్నప్పటి ఫోటో సోషల్ మీడియాలో చక్కర్లు కొడుతోంది.
రజనీకాంత్ 1950లో డిసెంబరు 12న మైసూరురాష్ట్రంలోని బెంగళూరులో మరాఠీ ఫ్యామిలిలో జన్మించాడు. రజనీకాంత్ అసలు పేరు శివాజీరావు గైక్వాడ్. ఆయన తల్లి గృహిణి, తండ్రి పేరు రామోజీరావు గైక్వాడ్.  పోలీస్ కానిస్టేబుల్ గా పని చేసేవారు. వీరి ఫ్యామిలీ మహారాష్ట్ర నుంచి బెంగళూరుకు వచ్చి, స్థిరపడ్డారు. నలుగురు పిల్లల్లో రజినీకాంత్ చిన్నవాడు. రజినీకాంత్ 9 ఏళ్లు ఉన్నప్పుడు తల్లిని కోల్పోయాడు.
రజినీకాంత్ గవర్నమెంట్ కన్నడ ప్రైమరీ స్కూల్ లో చదువుకున్నాడు. ఆ తరువాత రజినీకాంత్ ను రామకృష్ణ మఠంలో చేర్చారు. అక్కడ ఆధ్యాత్మిక పాఠాలతో పాటుగా నాటకాలలో పాల్గొనేవాడు. మఠంలో ఒకసారి జరిగిన  పౌరాణిక నాటకంలో రజినీకాంత్ ఏకలవ్యుడి స్నేహితుడి పాత్రలో నటించారు. రజిని నటనకు ప్రముఖ కన్నడ కవి డిఆర్.బెంద్రే ప్రశంసించారు. అప్పటి నుండి ఆయనకు నటన పట్ల ఆసక్తి పెరుగుతూ వచ్చింది. చదువు పూర్తి అయిన తరువాత రజనీకాంత్ కూలీపనితో సహా ఎన్నో పనులు చేశాడు.
ఆ తర్వాత బెంగుళూరు ట్రాన్స్‌పోర్ట్ లో బస్ కండక్టర్‌గా జాబ్ వచ్చింది. ఆ ఉద్యోగం చేస్తున్న కొత్తగా ఏర్పాటు చేసిన మద్రాస్ ఫిల్మ్ ఇన్‌స్టిట్యూట్‌ ప్రకటన కనిపించింది. దానిలో చేరి నటనలో శిక్షణ తీసుకోవాలనుకున్నాడు. అతని ఫ్రెండ్, సహోద్యోగీ రాజ్ బహదూర్ ఇన్‌స్టిట్యూట్‌ లో చేరేలా ప్రోత్సహించడమే కాకుండా, ఆర్థికంగా కూడా సహాయం చేశాడు. అక్కడే తమిళ దర్శకుడు కె.బాలచందర్ రజినికాంత్ ను గుర్తించాడు. అయితే కోలీవుడ్ లో శివాజీ గణేశన్‌ స్టార్ హీరోగా ఉన్నారు. ఇద్దరి పేర్లు ఒకేలా ఉండడంతో బాలచందర్ శివాజీ పేరును రజినీకాంత్‌ గా మార్చారు.
అలాగే తమిళంలో మాట్లాడటం కూడా నేర్చుకోమని సలహా ఇచ్చాడు. రజనీకాంత్ ఆ సలహాను పాటించి తమిళం నేర్చుకున్నారు. 1975 లో బాలచందర్ దర్శకత్వంలో తెరకెక్కిన ‘అపూర్వ రాగంగళ్;సినిమాతో ఇండస్ట్రీలో అడుగుపెట్టాడు. మొదట్లో చిన్న చిన్న పాత్రలు చేసిన రజినికాంత్, 1977 లో తెలుగులో తొలిసారిగా ‘చిలకమ్మ చెప్పింది’ అనే సినిమాలో హీరోగా నటించారు. ఆ తరువాత పలు తెలుగు సినిమాలలో నటించిన రజినికాంత్ సౌత్  సూపర్ స్టార్ గా ఎదిగారు. ప్రస్తుతం జైలర్ తో బ్లాక్ బస్టర్ హిట్ అందుకున్నారు.

Also Read: వాళ్ల సంగతి సరే..! మరి వీళ్ళు ఏం చేస్తున్నారు..?

ప్రతి మనిషి పొరపాటు చేయడం అనేది సహజం. దర్శకులు కూడా అప్పుడప్పుడు చిన్న చిన్న పొరపాట్లు చేస్తుంటారు. వాటిని మనం సినిమా విడుదలైనప్పుడు అంత పట్టించుకోము కానీ, ఎప్పుడైనా తర్వాత మళ్లీ ఆ సినిమా చూసినప్పుడు “అరే ఇది పొరపాటు కదా” అని అనిపిస్తుంది. అలా భరత్ అనే నేను సినిమాలో కూడా ఒక చిన్న పొరపాటు ఉంది. సినిమా వచ్చి రెండేళ్లయ్యింది, కానీ పైన చెప్పినట్టుగా ఎప్పుడైనా అంటే అది ఎన్ని సంవత్సరాల తర్వాత అయినా కానీ మళ్లీ సినిమా చూసినప్పుడు మాత్రమే ఇలాంటివి గమనిస్తాం.

ఈ సినిమాలో భరత్ సీఎం అయిన తర్వాత వసుమతి ని చూస్తాడు. తర్వాత వసుమతి తో మాట్లాడుతాడు. సివిల్స్ కి ప్రిపేర్ అవుతున్న వసుమతి, తన స్టడీలో భాగంగా భరత్ ఆఫీస్ కి వస్తుంది. ఆ తర్వాత ఇద్దరి మధ్య పరిచయం ఏర్పడుతుంది. అప్పుడు ” ఇది కలలా ఉన్నదే” పాట వస్తుంది. కింద ఉన్న స్టిల్ ఆ పాట లోది. ఇక్కడ మీరు గమనిస్తే వెనకాల ఉన్న కార్స్ అన్ని బ్లాక్ కలర్ లో ఉన్నాయి.

ఇప్పుడు ఈ షాట్ గమనించండి. ఇది పైన మెన్షన్ చేసిన దానికి కంటిన్యూషన్ షాట్. కానీ రెండిట్లో తేడా ఏంటో ఈ పాటికే మీకు అర్ధమైపోయి ఉంటుంది. ఒక షాట్ లో బ్లాక్ కలర్ లో ఉన్న కార్స్, నెక్స్ట్ షాట్ లో వైట్ కలర్ లో ఉంటాయి.

మనం ఇలా మాట్లాడుకుంటూ వెళ్తే ఈ ఒక్క సినిమా ఏంటి? ఎన్నో సినిమాల్లో ఎన్నో చిన్న చిన్న పొరపాట్లు కనిపిస్తాయి. ఇలా సినిమాల్లో పొరపాట్లు జరగడానికి కొన్ని కారణాలు ఉంటాయి. అందులో ఒకటి ఏంటంటే ఒక దానికి సంబంధించిన సన్నివేశాలను ఒకటే రోజు చిత్రీకరించరు.

వాళ్ల సమయాన్ని బట్టి, షెడ్యూల్ ని బట్టి సీన్స్ షూట్ చేస్తారు. కాబట్టి ఒకవేళ ఒక సీన్ ఎక్కువ రోజులు షూట్ చేస్తే, యాక్టర్స్ ఒకటే గెటప్ లో ఎక్కువ రోజులు ఉండాల్సి వస్తే అప్పుడు బహుశా ఇలాంటి పొరపాట్లు జరుగుతాయి.

ఎంతో టాలెంట్ ఉంటే కానీ హీరోలు అవ్వలేరు. డాన్స్, నటన అన్నింటిలో కూడా టాలెంట్ ఉండాలి. అప్పుడే హీరో అవ్వడానికి అవకాశాలు ఎక్కువగా ఉంటాయి. కొంతమంది అయితే ఎంత టాలెంట్ ఉన్నా సరే ఏదో అడ్డంకి వచ్చి కెరియర్ లో సక్సెస్ అవ్వలేరు. ఎంత ప్రయత్నం చేసినా సక్సెస్ అవ్వలేరు.

నిజానికి టాలెంట్ తో పాటు లుక్ కూడా ఉండాలి. అప్పుడు మాత్రమే ఇండస్ట్రీలో నిలబడగలరు. ఇదిలా ఉంటే ఇప్పుడు ఎక్కడ చూసినా ”కాంతారా” సినిమా పేరే వినబడుతోంది. ఎందుకంటే ఇటీవల ఈ సినిమాకి నేషనల్ అవార్డ్ వచ్చింది. ఇందులో నటించిన రిషబ్ శెట్టి ఉత్తమ నటుడిగా నేషనల్ అవార్డు అందుకున్నారు.

ఇది ఒక కన్నడ సినిమా. ఈ సినిమాలో రిషబ్ శెట్టి హీరోగా నటించారు. అలానే ఈ సినిమాకి దర్శకత్వం కూడా రిషబ్ శెట్టి ఏ వహించారు నిజానికి ఈ సినిమాలో రిషబ్ శెట్టి యాక్టింగ్ చాలా అద్భుతంగా ఉంది. యాక్టింగ్ చూసి చాలా మంది ఫిదా అయిపోతున్నారు. అయితే ఒక హీరో హీరో కింద నటించడమే కాకుండా దర్శకత్వం కూడా వహించడం అంటే కష్టమైన పనే. కానీ ఇండస్ట్రీలో ఇదేమీ కొత్త కాదు. చాలా మంది హీరోలు హీరోగా నటించడమే కాకుండా దర్శకత్వం కూడా వహించారు మరి ఆ నటుల జాబితా ఇప్పుడు చూద్దాం.

#1. రిషబ్ శెట్టి:

”కాంతారా” సినిమాకి రిషబ్ శెట్టి దర్శకత్వం వహించారు. పైగా హీరో కూడా ఇతనే.

#2. ధనుష్:

”పా పండి” చిత్రంకి ధనుష్ దర్శకత్వం వహించారు. పైగా హీరో కూడా.

#3. విశ్వక్ సేన్:

ఫలక్ నుమా దాస్ అనే సినిమాకు దర్శకత్వం వహించారు మరియు నటించారు.

#4. మాధవన్:

రాకెట్రీ : ది నంబి ఎఫెక్ట్’ కి ఈయనే హీరో. ఈయనే దర్శకుడు.

#5. రక్షిత్ శెట్టి:

‘ఉలిదవరు కందంతే’ చిత్రాన్ని డైరెక్ట్ చేసారు రక్షిత్ శెట్టి. అలానే రిచర్డ్ ఆంథోనీ ని కూడా డైరెక్ట్ చేస్తున్నారట.

#6. రాజ్ బి శెట్టి:

”ఒండు మొట్టేయ కథ,” ”గరుడ గమన వృషభ వాహన” సినిమాలకు దర్శకత్వం వహించారు మరియు నటించారు.

#7. పవన్ కళ్యాణ్:

జానీ సినిమాకు హీరో, దర్శకుడు పవన్ కళ్యాణ్ ఏ.

#8. పృథ్వీరాజ్ సుకుమారన్:

‘లూసిఫర్’ కి దర్శకత్వం వహించిన ఈయన కూడా ఆ సినిమాలో ఓ కీలకమైన రోల్ చేసారు.

#9. విశాల్:

తుప్పరివాలన్2 (డిటెక్టివ్ 2) కి విశాల్ దర్శకత్వం వహించనున్నారు.

#10. అడివి శేష్:

కర్మ, కిస్ సినిమాలకు ఈయనే హీరో. ఈయనే దర్శకుడు.

సోషల్ మీడియా ప్రస్తుతం సినీ సెలబ్రెటీలకు, ఫ్యాన్స్ కు మధ్య వారధిగా మారింది. ఒకప్పుడు అభిమాన తారలను చూడడానికి, కలవడానికి అభిమానులు చాలా పాట్లు పడేవారు. ఫేవరెట్ హీరో సినిమాల విజయోత్సవ సభల్లో చూడడానికి చాలా దూరం వెళ్లాల్సివచ్చేది.

కానీ ఇప్పుడు సోషల్ మీడియా ద్వారా నేరుగా తమ అభిమాన నటీనటులతో ఫ్యాన్స్ ముచ్చటిస్తున్నారు. ఎప్పటికప్పుడు వారి మూవీ అప్టేట్స్ తెలిసిపోతున్నాయి. ఇటీవల కాలంలో తమ అభిమాన స్టార్స్ చిన్నప్పటి ఫోటోలను షేర్ చేస్తున్నారు. అలా తాజాగా ఒక టాప్ హీరో చిన్ననాటి ఫోటో వైరల్ అవుతోంది. మరి ఆ హీరో ఎవరో ఇప్పుడు చూద్దాం..
గత కొద్దిరోజులుగా సోషల్ మీడియాలో సినీ తారల చిన్ననాటి ఫోటోలు ఎక్కువగా వైరల్ అవుతున్నాయి. పైన ఫోటోలో  ఉన్న పిల్లల్లో ఒకర టాప్ హీరో ఉన్నారు. ఆ హీరోని గుర్తుపట్టగలరా? ఆయన ప్రస్తుతం తెలుగు ఇండస్ట్రీలో స్టార్ హీరో. ఆ హీరోకి తెలుగు రాష్ట్రాల్లో విపరీతమైన ఫ్యాన్ ఫాలోయింగ్ ఉంది. హీరోలలో సైతం ఆయనకు అభిమానులు ఉన్నారు.
ఆ హీరో మాటలకు పదును ఎక్కువ. ఆయన పేరు ఆయన ఫ్యాన్స్ కు మంత్రం. కొందరికి బ్రాండ్. ఆయనకు టాలీవుడ్ లో ప్రాణాలిచ్చే ఫ్రెండ్స్, ఫ్యాన్స్ ఉన్నారు. ఆయన కున్న ఫాలోయింగ్ టాలీవుడ్ లో ఎప్పుడు సెన్సేషన్ అని చెప్పవచ్చు. ఆ హీరో మరెవరో కాదు పవర్ స్టార్ పవన్ కళ్యాణ్. నేడు పవన్ కళ్యాణ్ పుట్టినరోజు సందర్భంగా సోషల్ మీడియా అంతటా పవన్ నామస్మరణ జరుగుతోంది.
ఎక్కడ చూసిన పవన్ కళ్యాణ్ ఫోటోలు కనిపిస్తూ, వైరల్ గా మారుతున్నాయి. అలా పవన్ చిన్నప్పటి పలు ఫోటోలు కూడా నెట్టింట్లో సందడి చేస్తున్నాయి. పవన్ కళ్యాణ్ నటిస్తూన్న సినిమాల నుండి కూడా అప్డేట్స్ రిలీజ్ అయ్యాయి. ఓజి మూవీ నుండి రిలీజ్ అయిన టీజర్ కు ఫ్యాన్స్  నుండి విపరీతమైన రెస్పాన్స్ వస్తోంది. టీజర్ లో గ్యాంగ్ స్టార్ గా కనిపించిన లుక్ కి ఫ్యాన్స్ ఫిదా అవుతున్నారు.

Also Read: “థాంక్యూ సుజిత్ అన్నా..!” అంటూ… “పవన్ కళ్యాణ్” OG గ్లింప్స్ పై 15 మీమ్స్..!

అతిలోక సుందరి శ్రీదేవి బాలనటి గా కెరీర్ ను మొదలు పెట్టిన సంగతి తెలిసిందే. బాల కృష్ణ కూడా బాల నటుడి గానే కెరీర్ ను మొదలు పెట్టారు. కానీ ఈ ఇద్దరి కాంబినేషన్ లో ఒక్క సినిమా కూడా రాలేదు. సూపర్ స్టార్ కృష్ణ హీరో గా వచ్చిన సినిమా “మా నాన్న నిర్దోషి” అనే సినిమా 1970 లో వచ్చింది.

ఈ సినిమా లో శ్రీదేవి బాల నటి గా కనిపించింది. ఆ తరువాత “బడిపంతులు”, “విధి విలాపము” “నేను మనిషినే” వంటి సినిమాల్లో కూడా బాలనటి గా నటించింది. ఆ తరువాత 1978 లో వచ్చిన “పదహారేళ్ళ వయసు” సినిమా లో శ్రీదేవి హీరోయిన్ గా కనిపించింది.

ఆ తరువాత చాలా తెలుగు సినిమాల్లో చేసారు. మోసగాడు, వేటగాడు, కొండవీటి సింహం, ప్రేమాభిషేకం, బెబ్బులి పులి, కిరాయి కోటిగాడు, దేవత వంటి సినిమాలలో నటించనుంది. హటాత్తు గా ఆమెకు ఉత్తరాది లో అవకాశం వచ్చింది. 1974 లో బాలకృష్ణ బాలనటుడి గా సినిమాలు చేయడం ప్రారంభించారు. “తాతమ్మ కల” సినిమా తో బాలకృష్ణ తెలుగు తెర కు పరిచయం అయ్యారు. ఆ తరువాత భలే దొంగ, మంగమ్మ గారి మనుమడు, రామ్ రహీమ్, అన్నదమ్ముల బంధం, ముద్దుల మావయ్య, ముద్దుల కృష్ణుడు వంటి సినిమాల్లో కనిపించారు.

శ్రీదేవి హీరోయిన్ గా అయిన తరువాత వెంకటేష్, చిరంజీవి, నాగార్జున వంటి హీరోలందరితో కలిసి నటించింది కానీ బాలకృష్ణ తో మాత్రం శ్రీదేవి ఒక్క సినిమా కూడా చేయలేదు. దీనికి కారణం ఏంటనే విషయమై పలు రూమర్లు చక్కర్లు కొడుతున్నాయి. వాస్తవానికి వీరిద్దరి కాంబినేషన్ లో రెండు సినిమాలు రావాల్సి ఉంది.

1987 లో దర్శకేంద్రుడు రాఘవేంద్ర రావు వీరిద్దరి కాంబినేషన్ లో “సామ్రాట్” అనే సినిమా ను అనౌన్స్ చేసారు. ఆ తరువాత 1989 లో కోదండరామిరెడ్డి దర్శకత్వం లో “భలేదొంగ” సినిమా లో కూడా శ్రీదేవి నే హీరోయిన్ గా తీసుకోవాలనుకున్నారు. అయితే, శ్రీదేవి హిందీ సినిమాలతో వరుస ఆఫర్లతో బిజీ అయిపోయారు. దీనితో, బాల కృష్ణతో ఒప్పుకున్నా సినిమాల నుంచి తప్పుకోవాల్సి వచ్చింది. రౌడీ రాముడు, కొంటె కృష్ణుడు సినిమా లోను, అనురాగ దేవత అనే సినిమాలో కూడా వీరిద్దరూ ఒక ఫ్రేమ్ లో కనిపించారు. కానీ, బాల కృష్ణ, శ్రీదేవి జంట గా మాత్రం ఎపుడు కనిపించలేదు.

తమిళ్, తెలుగు సినిమాల్లో ఎన్నో సంవత్సరాల నుండి నటించి స్టార్ హీరోయిన్ గా గుర్తింపు తెచ్చుకుంది త్రిష. త్రిష సినిమాల్లో ఎన్నో పాత్రలలో నటించింది. కానీ ఒకే యాక్టర్ త్రిషకీ నాన్నగా, మామగా, లవర్ గా, అన్నగా నటించాడు. ఇంతకి ఆ నటుడు ఎవరో తెలుసా ప్రకాష్ రాజ్.

ప్రకాష్ రాజ్ సౌత్ సినీ ఇండస్ట్రీలో విలక్షణ నటుడిగా ప్రత్యేక ఇమేజ్ ను తెచ్చుకున్నారు. రెండు వందల చిత్రాలకు పైగా నటించారు. 5 భారతీయ భాషల మీద పట్టున్న యాక్టర్. ఇప్పటివరకు నాలుగు నేషనల్ అవార్డ్స్ ని అందుకున్నారు. తెలుగు,మళయాళం, కన్నడ,తమిళ్, హింది భాషా చిత్రాలలో నటించారు. హీరోగా, విలన్ గా, క్యారెక్టర్ ఆర్టిస్ట్ గా ఏ పాత్ర చేసిన అందులో ఒదిగిన తీరు ఆకట్టుకుంటుంది. ఎక్కువగా తండ్రి పాత్రల్లో నటించారు.ఇక నటుడిగానే కాకుండా దర్శకుడిగా, నిర్మాతగా వ్యవహరించారు.ఇక చెన్నై బ్యూటి త్రిష ఇండస్ట్రీకి ఇచ్చి ఇరవైమూడు ఏళ్లు గడుస్తున్నా వన్నె తరగని అందంతో ఇంకా నటిస్తూనే ఉంది. హీరోయిన్స్ పది ఏళ్లలోనే పరిశ్రమ నుండి ఫేడ్‌ అవుట్ అయ్యే రోజుల్లో కూడా 23 ఏళ్లుగా అగ్ర నటిగా నిలదొక్కుకున్న ఘనత త్రిషాకే దక్కింది. ఆ మధ్య సరైన హిట్స్ లేక కాస్త వెనక్కి తగ్గిన ఆమె ps-1 సినిమాతో కమ్‌బ్యాక్‌ అయ్యింది. మణిరత్నం దర్శకత్వంలో వచ్చిన ఈ సినిమా త్రిష కెరీర్‌ను మళ్ళీ మలుపు తిప్పింది. కుందవై యువరాణి పాత్రలో అద్భుతంగా నటించి మ్యాజిక్‌ చేసింది.ఇక అసలు విషయంలోకి వస్తే త్రిష, ప్రకాష్ రాజ్ కలిసి ఎన్నో సినిమాల్లో నటించారు.కానీ ఒకే హీరోయిన్ కి లవర్ గా, మామగా, నాన్నగా, అన్నగా ఇలా అన్ని పాత్రల్లోనూ చేసిన ఒకే ఒక నటుడు ప్రకాష్ రాజ్, ఆ హీరోయిన్ త్రిష. ఇలా వీరు నటించిన ఆ సినిమాల్లో వీరిద్దరూ పోటీ పడి నటించారు. ఆ ఘనత విరిద్దరికే దక్కుతుంది. ఆకాశమంతా సినిమాలో తండ్రి కూతుర్లుగా జీవించారు. నువ్వొస్తానంటే నేనొద్దంటానా మూవీలో త్రిష ప్రేమించిన అబ్బాయి తండ్రిగా, కాబోయే కోడలికి మంచితనం గుర్తించే మామగా, సైనికుడు సినిమాలో విలన్ బావమరిదిగా, త్రిషకి వరుసకి అన్నగా చేసాడు.తమిళంలో విజయ్‌ హీరోగా వచ్చిన గిల్లీ సినిమా,ఇది తెలుగులో మహేశ్‌ ‘ఒక్కడు’ సినిమాకి రీమేక్‌. ఇక్కడ హీరోయిన్ గా భూమిక నటించగా, తమిళ్ లో త్రిష నటించింది.త్రిషను ప్రేమించే విలన్ గా రెండు చోట్లా ప్రకాష్ రాజ్ నటించాడు. ఇలా తండ్రీ కూతుళ్లు గా, నాయికా ప్రతినాయకులుగా ఎలా కనిపించినా కూడా ప్రకాశ్‌రాజ్‌, త్రిష కాంబోను ఇటు తెలుగు ఆడియెన్స్ , అటు తమిళ ఆడియెన్స్ ఆదరించారు. తాజాగా వీరిద్దరు ముఖ్య పాత్రలు పోషించిన ‘పొన్నియిన్‌ సెల్వన్‌ 1’సూపర్ హిట్ అయ్యింది.

తెలుగు చలన చిత్ర పరిశ్రమలో ఎందరో మహానుభావులు అయిన నటులు ఉన్నారు. వారిలో చాలా మంది రంగస్థలం నుంచి వచ్చిన వారే. వారిలో ఒకరే కళ్యాణం వెంకటసుబ్బయ్య. కానీ ఈ పేరు చెబితే ఈయన్ను ఎవరు గుర్తుపట్టరు.

అదే ఈలపాట రఘురామయ్య అంటే చప్పున గుర్తుపడతారు కళాభిమానులు. అలాగే ఆయన పాడిన శ్రీ రామాంజనేయ యుద్ధం లోని ‘రామ నీల మేఘ శ్యామా’ పాత కూడా ఇప్పటికి వినిపిస్తూ ఉంటుంది.

తెలుగు రంగస్థల, చలనచిత్ర నటుడు అలాగే గాయకుడు అయిన రఘురామయ్య తన శ్రావ్యమైన గాత్రం, ఈలపాట తో ఎంతో గుర్తింపు సాధించుకున్నారు. రఘురామయ్యగారు నోటిలో వ్రేలు పెట్టి ఈల వేస్తూ పద్యాలను, పాటలను పాడేవారు. ఈయన ప్రతిభను తెలుసుకొని జవహర్‌లాల్ నెహ్రూ, ఇందిరాగాంధీ, రవీంద్రనాథ్ ఠాగూర్, సర్వేపల్లి రాధాకృష్ణ, వి.వి.గిరి మొదలైనవారు స్వయం గా ప్రశంసించారు. నెహ్రు గారు ఈయన తన చేతిలో ఏదైనా పరికరాన్ని దాచారా అని అడిగేవారట.

గుంటూరు జిల్లా సుద్దపల్లి లో 1901, మార్చి 5 వ తేదీన కళ్యాణం నరసింహరావు, కళ్యాణం వేంకట సుబ్బమ్మ దంపతులకు రఘురామయ్య జన్మించారు. చిన్ననాటి నుండే నాటకాలు వేసాడు. రఘురాముని పాత్ర పోషించడంలో ఈయన చాలా ప్రఖ్యాతిపొందాడు. అలాగే ఎన్టీఆర్ కంటే ముందు ఈయన్ని చూసి కృష్ణుడు అంటే ఇలాగే ఉండేవాడు అనుకొనేవారు ప్రజలు.

రఘురామయ్యకి సంగీతం పుట్టుకతో వచ్చింది. పశువులు కాస్తూ, ఆవులను తన గానంతో నిలిపి వేయగలిగేవాడు. ఆయన ప్రతిభ ఒక ఈలపాట నాటక ప్రముఖుడి దృష్టిలో పడటంతో రఘురామయ్య మకాం గుంటూరుకు మారింది. ఆయనలోని నటననుచూసిన కాశీ నాధుని నాగేశ్వరరావు ఆయనకు రఘురామయ్యగా నామకరణం చేశారు. గుంటూరు చుట్టుపక్కల మొదలయిన రఘు రామయ్య నాటకాలు అనతికాలంలోనే ఆంధ్ర దేశ మంతా ప్రదర్శనకు నోచుకున్నాయి. కొన్ని సినిమాల్లో పాత్రలు వేసినా, పాటలు పాడినా ఆయన మనసు మాత్రం నాటకరంగంమీదే.

డెబ్భై ఏళ్ళ వయసులో కూడా నాటకాలను ఎంతో హుషారుగా వెయ్యటమే కాకుండా భారత సాంస్కృతిక బృందంలో సభ్యుడిగా జపాన్, ఇతర తూర్పు ఆసియా ఖండ దేశాలకు వెళ్ళాడు. అక్కడ ఆయన కృష్ణుడిగా మేకప్ వేసుకుని బయటకు వచ్చేసరికి జపాన్ లోని రామకృష్ణ మిషన్ సభ్యులందరు లేచి నిలబడి నమస్కారం చేశారు. అంత గొప్పగా వుండేది ఆయన కృష్ణుడి వేషం.

కేంద్ర సంగీత, నాటక అకాడమీ అవార్డు అందింది. ఆ అవార్డ్ ని నాటి రాష్ట్రపతి తెలుగు ప్రముఖుడు వి.వి. గిరి చేతులమీదుగా అందుకున్నారు. అలాగే రఘురామయ్య ఈలపాట గురించి విన్న ఆనాటి ప్రధాని ఇందిరాగాంధీ తన అధికార నివాసానికి పిలిపించుకుని ఆయన ఈలపాట విన్నారు. తన పుట్టినరోజు వేడుకల్లో భాగంగా శ్రీకృష్ణ తులాభారం ప్రదర్శించమని సత్యసాయిబాబా ఆహ్వానం అందుకుని ప్రదర్శించటమేకాక సాయి బాబా మన్ననలు పొందారు. అప్పటికి ఆయన వయస్సు డెబ్బెమూడు సంవత్సరాలు.

రఘురామయ్య ఇంచుమించు 20 వేల నాటకాలలో మరియు 100 చలన చిత్రాలలో నటించారు. ఇక ఈయన వ్యక్తిగత జీవితం విషయానికి వస్తే.. రంగస్థల నటి ఆదోని లక్ష్మి గారితో ఈయన వివాహం 1938లో బాపట్లలో జరిగింది. వీరికి అయిదుగురు సంతానం.

వీరిలో రూపాదేవి, కళ్యాణం రామకృష్ణ సినీ రంగం లో ఉన్నారు. రఘురామయ్య గారు తన 75వ ఏట 1975 లో గుండెపోటు తో మరణించారు. భారత ప్రభుత్వం వీరికి పద్మశ్రీ అవార్డును ప్రధానం చేసింది. ఆయన జన్మించిన సుద్దపల్లి గ్రామంలో ఇటీవలే ఆయన కాంస్య విగ్రహాన్ని ఏర్పాటు చేశారు.