Health Adda

నిద్ర అనేది ఒక మనిషికి చాలా ముఖ్యమైనది. రోజు అంతా ఒక మనిషి ఎంతో పని చేస్తాడు. అంతే చురుగ్గా మరుసటి రోజు కూడా పని చేయాలి అంటే కచ్చితంగా నిద్ర ఉండాలి. అప్పుడే మెదడు విశ్రాంతి తీసుకొని, మళ్ళీ రీఛార్జ్ అయి పని చేస్తుంది. అదే నిద్ర లేకున్నా పని చేస్తే మాత్రం అది పని మీద కూడా ప్రభావం చూపుతుంది. విసుగు, చిరాకు వంటివి ఎక్కువగా వస్తాయి. అందుకే మనిషి నిద్రపోవడం అనేది చాలా ముఖ్యం. అది కూడా కేవలం ఒకటి, రెండు గంటలు మాత్రమే కాకుండా దాదాపు 7, 8 గంటలు నిద్రపోవాలి. అప్పుడే మెదడుకి విశ్రాంతి దొరుకుతుంది.

తక్కువ నిద్రపోయినా కూడా ఆ అలసట మన మీద ప్రభావం చూపుతుంది. అందుకే ఎక్కువసేపు నిద్రపోవాలి. అప్పుడే పని కూడా ప్రభావవంతంగా చేయగలుగుతారు. అయితే, నిద్రపోతున్నప్పుడు మీకు ఎప్పుడైనా మధ్య రాత్రి మెలకువ వస్తుందా? ఏదైనా అత్యవసరం అయ్యి లేచినప్పుడు వేరే విషయం. అలా కాకుండా తరచుగా మధ్యరాత్రి మెలకువ వస్తోంది అంటే దానికి ఒక కారణం ఉంది. టెక్నాలజీ పెరిగిపోయిన కారణంగా ఒక మనిషి టెక్నాలజీకి సంబంధించిన వస్తువులు రోజంతా చాలా వాడుతూ ఉంటారు. ఫోన్లు, టీవీ, లాప్ టాప్ ఇవన్నీ కూడా చాలా ఎక్కువ మోతాదులోనే ఒక మనిషి వాడుతున్నారు. ఈ కారణంగా వాటి నుండి వచ్చే మెలటోనిన్ వల్ల నిద్రకి ఆటంకం కలుగుతుంది.

రాత్రి నిద్రపోయే ముందు ఇలాంటి డిజిటల్ పరికరాలకు దూరంగా ఉండాలి. అప్పుడే వాటి ప్రభావం మన నిద్ర మీద పడదు. అంతేకాకుండా నిద్రపోయే కొద్దిసేపటి ముందు కాఫీ, టీ ఇలాంటివి తీసుకోకూడదు. కఫైన్ లాంటివి తీసుకోవడం వల్ల నిద్ర సరిగ్గా రాదు. దాంతో పడుకున్నప్పుడు నిద్రకి ఆటంకం కలుగుతుంది. ఎంత ప్రయత్నించినా కూడా నిద్ర రాదు. నిద్రపోయే గది శుభ్రంగా, చీకటిగా ఉండేలాగా చూసుకోవాలి. దోమల లాంటివి ఎక్కువగా ఉండకుండా కూడా చూసుకోవాలి. గాలి బాగా వచ్చేలాగా ఏర్పాటు చేసుకోవాలి. ఎటువంటి దుర్వాసనలు కూడా ఉండకుండా జాగ్రత్త పడాలి. గది వాతావరణం ప్రశాంతంగా ఉంటే నిద్ర బాగా పడుతుంది. ఆటంకం లేకుండా నిద్రపోతే మరుసటి రోజు పని బాగా చేసుకుంటారు.

ALSO READ : పిల్లలు పుట్టినా పరిస్థితి మారలేదు… చనిపోవాలి అనుకుని..? ఈ IAS అధికారి కథ తెలుసా..?

మనలో ఎక్కువ శాతం మంది ఎదుర్కునే ఆరోగ్య సమస్యల్లో గుండెకు సంబంధించిన సమస్యలు ఒకటి. అందులోనూ ముఖ్యంగా గుండెపోటు. ఈ గుండెపోటు తీవ్రత మనిషి మనిషికి మారుతూ ఉంటుంది. కొంత మందికి అధికంగా వస్తే కొంత మందికి మామూలు గుండెపోటు వస్తుంది. చిన్న చికిత్స ద్వారా ఇది నయమవుతుంది.

కానీ ఒకసారి గుండెపోటు వచ్చిందంటే తర్వాత ఆహార విషయాల్లోనూ, అలాగే ఆరోగ్య సంబంధిత విషయాల్లోనూ చాలా జాగ్రత్తగా ఉండాలి. గుండెపోటు ఎక్కువగా రావడానికి కారణం ఒత్తిడి ఎక్కువ అవ్వడం, అలాగే వయసు సంబంధిత సమస్యలు. అంతే కాకుండా మనం తీసుకునే ఆహారం కూడా గుండెపోటు తీవ్రతకి ఒక కారణం అవుతుంది.

గుండెపోటు అనేది కేవలం ఒకే వయసుకు సంబంధించిన వారికి మాత్రమే వస్తుంది అనే ఒక అపోహ ఉంటుంది. కానీ కాదు. గుండెపోటు లక్షణాలు అన్ని వయసుల వారికి వస్తాయి. ఎందుకంటే ఒత్తిడి అనేది కేవలం మధ్యవయస్కులకి లేదా పెద్ద వారికి మాత్రమే కాకుండా యువతకు కూడా ఎక్కువగా ఉంటుంది.

అలా ఒత్తిడికి గురైనప్పుడు, లేదా మన శరీరంలో ఏదైనా మార్పు వచ్చినప్పుడు మొదటిగా ప్రభావం అయ్యేది గుండె. అందుకే యువతకి కూడా గుండెపోటు సమస్య వచ్చే అవకాశం ఉంటోంది. గుండెపోటు వచ్చే ముందు ఎడమ చేయి నొప్పి పుట్టడం, గుండె ముందు భాగంలో నొప్పి రావడం వంటి లక్షణాలు కనిపిస్తూ ఉంటాయి.

ఈ లక్షణాలు తీవ్రంగా ఉంటే అది గుండెపోటు అని నిర్ధారించుకుంటాం. గుండెకి కరొనరీ ధమనులు రక్తం సరఫరా చేస్తాయి. పెద్దవాళ్ళకి, అలాగే స్థూలకాయం, షుగర్, కొలెస్ట్రాల్, బీపీ ఉన్నవాళ్లకి కొవ్వు ఈ కరొనరీ ధమనుల్లో పేరుకుపోయి అవి పాక్షికంగా కానీ, పూర్తిగా కానీ మూసుకుపోతాయి. అక్కడ ఉండే మూడు రక్తనాళాలు అలా పాక్షికంగా కానీ, పూర్తిగా కానీ మూసుకుపోయినప్పుడు గుండె నొప్పి అనేది వస్తుంది.

యుక్త వయసులో ఉన్న వాళ్ళకి అలా కొవ్వు పేరుకుపోదు. ఈ మూడు రక్తనాళాలు ముడుచుకుపోవడం వల్ల గుండె నొప్పి వస్తుంది. మనకి నొప్పి మొదలైనప్పుడు అది గుండెనొప్పి ఏమో అని అనుమానం రాగానే సార్బిట్రేట్ అనే టాబ్లెట్ తీసుకొని నాలుక కింద పెట్టుకోవాలి. టాబ్లెట్ పెట్టుకున్న 5 నిమిషాలలోపు నొప్పి తగ్గితే అది గుండెనొప్పే.

గుండె నొప్పికి ఇంట్లో చికిత్స చేయకూడదు. వెంటనే ఆసుపత్రికి తరలించాలి. ఆంబులెన్స్ లో గుండె నొప్పి ప్రథమ చికిత్సకు సంబంధించిన పరికరాలు ఉంటాయి. కానీ ఒక వేళ గుండె ఇంట్లో ఉన్నప్పుడే ఆగిపోతే, అంటే ఆ వ్యక్తి ఊపిరి పీల్చడానికి ఇబ్బంది పడుతున్నట్టు, లేదా నాడి ఆగిపోయినట్టు అనిపిస్తే, ఆ వ్యక్తిని నేలమీద పడుకోబెట్టాలి. చుట్టూ గుంపుగా జనం ఉండకుండా వ్యక్తికి గాలి ఆడేటట్టుగా చూసుకోవాలి.

ఆ వ్యక్తిని నేల మీద పడుకోబెట్టి మన చేతి మీద మరొక చేతిని పెట్టి గుండెకి ముందు వైపున ఉండే ఎముక మీద మన బరువు అంతా పెట్టి నిలబడి గట్టిగా నొక్కాలి. అలా గట్టిగా నొక్కడం ద్వారా గుండె ఒత్తిడికి గురయ్యి ఆ గుండె నుంచి రక్తం పారుతుంది. అలా ఒత్తిడికి గురవ్వడం ద్వారా ఆగిపోయిన గుండె మళ్ళీ కొట్టుకోవడం మొదలవుతుంది. దీనిని కార్డియో పల్మనరీ రీససిటేషన్ (సీపీఆర్) అని అంటారు.

అలాగే గుండె నొక్కుతూనే మధ్య మధ్యలో నోట్లోకి గాలి ఊదాలి. గాలి ఊదేటప్పుడు కర్చీఫ్ పెట్టుకుని ఊదటం మంచిది. అయితే షుగర్ ఉన్న వారిలో ఈ నొప్పి అంత ఎక్కువగా ఉండదట. గుండె నొప్పి వచ్చిన వారికి, గుండెకి రక్తం సరఫరా చేసే కరొనరీ ధమనుల్లో రక్తం గడ్డకట్టుకుపోతే ఆ గడ్డలను కరిగించడానికి స్టెప్టోకైనేస్ అనే పద్ధతిని వాడతారు. దీనిని ఎస్టీకే చికిత్స అంటారు.

సాధారణంగా మందుని ఇంజక్షన్ ద్వారా శరీరంలోకి ఎక్కిస్తారు. అలా మందు శరీరంలోకి ఎక్కించడం ద్వారా కరొనరీ ధమనుల్లో ఉన్న రక్తం గడ్డ కరిగిపోయి తొందరగా కోలుకుంటారు. కొన్ని సందర్భాల్లో యాంజియోగ్రామ్ చికిత్స చేస్తారు. ఒకవేళ గుండె పోటు వస్తే ఎలాంటి జాగ్రత్తలు తీసుకోవాలి? ఆ సమయంలో ఏం చేయాలి? అనే విషయం వివరంగా తెలుసుకోవాలి అంటే ఈ వీడియో చూడండి.

watch video :

సాధారణంగా మనం గమనించినట్లైతే కొందరికి కాలి బొటన వేలు దగ్గర వెంట్రుకలు ఉంటాయి. మీకు కూడా కాలి బొటనవేలుకి వెంట్రుకలు ఉన్నాయా…? ఒకసారి చెక్ చేసుకోండి. ఎందుకంటే దీనికి గుండె ఆరోగ్యానికి సంబంధం ఉంది. అదేంటి ఈ రెండిటికి మధ్య సంబంధం ఏమిటా అని ఆలోచిస్తున్నారా…? అయితే తప్పకుండా మీరు దీని కోసం తెలుసుకోవాలి.

మామూలుగా వెంట్రుకలు పెరగాలంటే తగిన పోషక పదార్ధాలు అందాలి. వెంట్రుకలు అనేవి చర్మం లోపల మొదలవుతాయి. ఇవి ఎదగడానికి రక్తం సహాయం అవసరం. మనం తీసుకునే ఆహారంలోని పోషకాలు రక్తంలో కలిసి వెంట్రుకల కుదుళ్ళకు చేరుతాయి. దీంతో వెంట్రుకలు ఏర్పడటం జరుగుతుంది. కణాలు నిర్మాణం అయ్యే కొద్దీ వెంట్రుకలు పెరుగుతూ వస్తాయి.

కాలి బొటనవేలుకి గుండెకి సంబంధం ఏమిటో తెలుసా…?

శరీరంలో మనకి వెంట్రుకలు మొలవడానికి తప్పకుండా ఆ ప్రదేశంలో రక్తం సరఫరా అవ్వాలి. కొందరికైతే కాలి బొటనవేలు పైన వెంట్రుకలు బాగా పెరుగుతాయి. కానీ మరి కొందరికి అసలు పెరగవు. కారణం ఏమిటంటే ఆ ప్రదేశంలో రక్తం సరఫరా అవ్వదు. రక్తం సరఫరా అవ్వక పోవడానికి కారణం రక్తాన్ని సరఫరా చేసే నాళాలైన ధమనుల్లో ఆటంకం ఏర్పడటం.. ఆహారం తినేటప్పుడు శరీరంలో ఎంతో కొంత కొవ్వు పేరుకుపోతుంది.

ఇలా పేరుకుపోయే కొవ్వు ముందుగా ధమనుల్లో చేరుతుంది. కొవ్వు ఎక్కువ పేరుకుపోతే రక్తం సరఫరా అవ్వదు. దీంతో వెంట్రుకలు పెరగడం జరగదు. మరి కొందరికి మనం గమనించినట్లైతే తల మరియు చేతుల పైన కూడా వెంట్రుకలు ఉండవు. వాళ్లకి గుండె జబ్బులు రావా అనేది చూస్తే తల భాగం, చేతులు గుండెకు దగ్గరగా ఉంటాయి. అయితే గుండెకి కాలి బొటనవేలు మాత్రం చాలా దూరంగా ఉంటుంది. అందుకే మనం దానిని లెక్కలోకి తీసుకోవాలి. కాలి బొటనవేలు పై వెంట్రుకలు బాగా పెరిగితే రక్తం సరఫరా బాగా ఉన్నట్లు. అంటే ఆరోగ్యంగా ఉన్నట్టే. దీంతో గుండెజబ్బులు వచ్చే అవకాశం తక్కువగా ఉంటుంది.

నిద్ర సుఖమెరుగదు అంటుంటారు కానీ.. కొంచమైనా సుఖం గా నిద్రపట్టకపోతే తెల్లారి పనులన్నీ అన్యమస్కం గా చేస్తుంటాము. ఆరోగ్యకరం గా పనులు చక్కదిద్దుకోవాలంటే.. ముందు రోజు రాత్రి హాయిగా నిద్రపోవాలి.చాలా మంది కలత నిద్రపోతూ ఉంటారు. పడుకున్నట్లే ఉంటారు కానీ.. గాఢం గా నిద్రపోలేరు.

ఫలితం గా రోజంతా అలసటను ఫీల్ అవుతూ ఉంటారు. సరైన పొజిషన్ లో పడుకుంటేనే నిద్ర హాయిగా పడుతుంది. అయితే కొందరు వైద్య నిపుణులు చెబుతున్న ప్రకారం ఎడమ వైపు తిరిగి పడుకుంటే ఆరోగ్య రీత్యా చాలా మంచిదట.

మీకు ఎడమవైపుకు తిరిగి పడుకునే అలవాటు ఉందా..? లేకపోతే అలవాటు చేసుకోండి. ఇలా పడుకోవడం వల్ల కలిగే ప్రయోజనాల గురించి ఈ ఆర్టికల్ లో తెలుసుకుందాం. ఎడమవైపుకు తిరిగి పడుకోవడం పై డాక్టర్ జోహన్ డుయిలర్డ్ అనే డాక్టర్ గతంలోనే చాలా పరిశోధనలు చేశారట. కుడివైపు తిరిగి పడుకోవడం వలన శరీరంపై నెగటివ్ ఎఫెక్ట్ పడుతుంది అని ఆయన గుర్తించారు.

Also Read:   అబ్బాయిలూ.. ఊరగాయలు ఎక్కువగా తింటున్నారా..? దాని వల్ల వచ్చే సమస్యలు తెలిస్తే ఇంకెప్పుడూ తినరు..!

అదే ఎడమవైపుకు తిరిగి పడుకునే వారిలో మాత్రం రెట్టింపు ఉత్సాహం ఉంటోందట. కుడివైపు తిరిగి పడుకుంటే జీర్ణ వ్యవస్థ పై ఆ ప్రభావం పడుతుంది. అదే ఎడమవైపు పడుకుంటే జీర్ణవ్యవస్థలోని ఆమ్లాలు సక్రమంగా పని చేస్తాయి. అంతేకాదు, తిన్న ఆహరం చక్కగా జీర్ణమవుతుంది. ఉదయాన్నే శరీరంలోని వ్యర్ధ పదార్ధాలు ఇబ్బంది లేకుండా బయటకి వెళ్లిపోతాయి. జీర్ణవ్యవస్థలో ముఖ్యమైన అవయవం అయిన లింఫ్ మనం ఎడమ వైపుకు తిరిగి పడుకోవడం వలన సక్రమంగా పని చేస్తుంది.

అంతే కాదు శరీరంలో ఇతర జీవ క్రియలు కూడా సక్రమంగా జరుగుతుందట. రక్తం శుద్ధి అవుతుందట. అన్ని అవయవాలకు సక్రమంగా రక్తం అందుతుంది. ఉదయాన్నే శరీరం ఉల్లాసంగా ఉంటుందట. ఇక, ఆ వైద్యుడు చెప్పిన మరిన్ని విషయాలను ఈ వీడియోలో చూసేయండి.

Also Read:  మోచేతికి ఒకోసారి సడన్ గా ఏదైనా తగిలితే “షాక్” కొట్టినట్టు ఎందుకు అనిపిస్తుందో తెలుసా.?

ఊబకాయం, అసిడిటీ, మలబద్ధకం వంటి సమస్యలు ఈ రోజుల్లో సర్వసాధారణం మారాయి. అసలు మన అలవాట్లతోనే ఇలా జరుగుతోందని చాలా మందికి అర్థం కాదు. ఎసిడిటీ, మలబద్ధకం వల్ల బరువు పెరగడం మొదలవుతుంది. ఇవన్నీ మన చెడు జీవనశైలి, తప్పుడు ఆహారపు అలవాట్ల ఫలితమేగా ఇలా జరుగుతుంది.
తప్పుడు అలవాట్లకు దూరంగా ఉంటూ మన ఆరోగ్యాన్ని మెరుగుపరుచుకోవచ్చు. ఇందులో ముఖ్యమైనది రోజు మనం తినే ఆహారం. ఇందులో మనం తెలుసుకోవల్సినది ఆహారం తిన్న తర్వాత.. ఆహారం తినక ముందు ఏం చేయాలో తెలుసుకోవాలి. ఆహారం తిన్న తర్వాత స్నానం చేయడం, పండ్లు తినడం, వ్యాయామం చేయడం వల్ల మన ఆరోగ్య సమస్యలు ఏర్పడుతాయి.

మీరు భోజనం లేదా అల్పాహారం తీసుకున్న వెంటనే స్నానం చేయడం అస్సలు మంచిది కాదు. ఈ సంగతి చాలా కాలంగా మన ఇంట్లోని పెద్దలు చెప్తూనే ఉంటారు. అందుకే స్నానం చేసిన తర్వాతే భోజనం చేయాలని సూచిస్తారు. దాని వెనుక శాస్త్రీయ కారణం కూడా ఉంది.

భోజ‌నం చేశాక మ‌న శ‌రీరంలో ర‌క్తం ఎక్కువ‌గా జీర్ణాశ‌యానికి స‌ర‌ఫ‌రా అవుతుంది. ఎందుకంటే తిన్న ఆహారాన్ని జీర్ణం చేసేందుకు కూడా శ‌క్తి అవ‌స‌రం. క‌నుక ఆ శ‌క్తిని అందించేందుకు జీర్ణాశ‌యానికి ఎక్కువ‌గా ర‌క్తం స‌ర‌ఫ‌రా అవుతుంది. అయితే తిన్న వెంటనే స్నానం చేస్తే అప్పుడు మ‌న శ‌రీర ఉష్ణోగ్ర‌త‌లో మార్పు వ‌స్తుంది. దీన్ని మెద‌డు వెంట‌నే గుర్తించి శరీర ఉష్ణోగ్ర‌త‌ను క్ర‌మ‌బ‌ద్దీక‌రించే ప‌నిలో ప‌డుతుంది. అప్పుడు ర‌క్తం మ‌న జీర్ణాశ‌యానికి కాక చ‌ర్మం వైపు స‌ర‌ఫ‌రా అవుతుంది. దీంతో జీర్ణ‌క్రియ‌కు ఆటంకం క‌లుగుతుంది.

ఒక వేళ మ‌నం తిన్నాక చ‌న్నీళ్ల స్నానం చేస్తే అప్పుడు ర‌క్త నాళాలు వెడ‌ల్పు అవుతాయి. దీంతో పెద్ద ఎత్తున ర‌క్త స‌ర‌ఫ‌రా జ‌రుగుతుంది. త‌ద్వారా శ‌రీర ఉష్ణోగ్ర‌త సాధార‌ణ స్థితికి చేరుకుంటుంది. అదే వేన్నీళ్ల స్నానం చేస్తే అప్పుడు చ‌ర్మంలో ఉన్న ర‌క్త నాళాలు పెద్ద‌విగా అయి అవి ఎక్కువ ఉష్ణాన్ని చ‌ర్మం ద్వారా బ‌య‌టికి పంపుతాయి. దీంతో శ‌రీరం సాధార‌ణ ఉష్ణోగ్ర‌త‌కు చేరుకుంటుంది.

ఈ ప్ర‌క్రియ ముగిసేంత వ‌ర‌కు జీర్ణాశ‌యానికి ర‌క్తం స‌రిగ్గా అంద‌దు. దీంతో తిన్న ఆహారం స‌రిగ్గా జీర్ణం కాక గ్యాస్‌, అసిడిటీ వంటి స‌మ‌స్య‌లు వ‌స్తాయి. అందుకే అలా స‌మ‌స్య‌లు రాకుండా ఉండ‌డం కోస‌మే తిన్న వెంట‌నే స్నానం చేయకూడ‌ద‌ని చెబుతారు. అలాగే తిన్న వెంటనే పండ్లు తినడం, వ్యాయామం చేయడం, ధూమపానం చేయడం, నిద్రపోవడం వంటివి కూడా మంచి అలవాట్లు కావు.

మనలో చాలామంది ఎక్కువగా నిద్రలేమితో బాధపడుతుంటారు. నిద్రలేమి అనే ఈ సమస్య క్రమేపి డిప్రెషన్ కి దారితీస్తుంది. ఎక్కువ ఒత్తిడికి గురవడం వల్ల నిద్రలేమి కలుగుతుంది అనేది మనకు తెలిసిందే.

కానీ ఒత్తిడి అనేది ఒక మనిషికి కలగడానికి చాలా కారణాలు ఉన్నాయి, అవి చూడడానికి చాలా చిన్నవిగా ఉన్న వాటి పర్యవసానం మాత్రం చాలా భారీగా ఉంటుంది. పిల్లల పరీక్షల యొక్క టెన్షన్, పని ఒత్తిడి, ఇంటి గొడవలు మొదలైనవి అన్ని మనలో ఈ సమస్యను పెంచుతాయి.

మనం ఆరోగ్యంగా ఉండాలి అంటే రోజులో కనీసం 8 గంటల నిద్ర తప్పనిసరి అని అందరికీ తెలిసిందే. కానీ ప్రస్తుత గందరగోళపు జీవనశైలి కారణంగా చాలామందికి నిద్ర కూడా పట్టని పరిస్థితి ఏర్పడింది. రాత్రిపూట నిద్ర లేకపోవడం వల్ల మరుసటి రోజంతా అలసటగా ఫీల్ అవుతాము. ఇది ఇలాగే కొనసాగితే క్రమేపి ఎన్నో ఆరోగ్య సమస్యలు కలుగుతాయి. ఈ సమస్యను కేవలం ఆరోగ్యకరమైన జీవనశైలి ద్వారానే మనం దూరం చేయగలుగుతాం. రోజు కంటినిండా నిద్రపోగలిగితే ఫ్రెష్ గా ,ఉత్సాహం గా ఉండడంతోపాటు మన శక్తి సామర్థ్యాలు పెరుగుతాయి. నిద్ర అనేది రోజు మొత్తం మనం పడిన అలసటను పోగొట్టి మన బాడీకి ఉపశమనాన్ని కలిగించే ఒక ప్రకృతి ప్రక్రియ.

నిపుణుల అధ్యాయనం ప్రకారం ఒక మనిషి నిద్రించే వ్యవధి అనేది అతని వయసును బట్టి ఆధారపడి ఉంటుంది. అప్పుడే పుట్టిన శిశువులు కనీసం రోజుకు 14 నుంచి 15 గంటల వరకు నిద్రపోవాలి. ఎదిగే పిల్లలు కు 12 నుంచి 14 గంటల వరకు నిద్ర చాలా అవసరం. అదే టీనేజర్లకు 10 నుంచి 12 గంటల విశ్రాంతి సరిపోగా, పెద్దల మాత్రం ఎనిమిది నుంచి పది గంటల వరకు నిద్రించడం అవసరం. అదే తిరిగి 60 ఏళ్లు దాటిన వాళ్ళు 6 నుంచి 7 గంటల వరకు నిద్రపోతే చాలు.

మన చుట్టూ ఎంత హడావిడి ఉన్నా, పనులను క్రమబద్ధీకరించుకొని సమయానికి తిని పడుకోవడం మన రోజువారి రొటీన్ లో భాగంగా మార్చుకోవాలి. రాత్రిపూట భోజనం చేసిన తరువాత కనీసం రెండు మూడు గంటల వ్యవధి ఇచ్చిన తరువాతే పడుకోవాలి. చాలామంది నిద్రలేమితో బాధపడుతున్నామని ప్రశాంతత లేదని కంప్లైంట్ చేస్తూ కనిపిస్తారు అలాంటివారు తమ బెడ్ రూమ్ నుంచి లాప్టాప్ లు ,టీవీలు ,మొబైల్ ఫోన్లు వంటివి తీసివేస్తే నిద్ర ఆటోమేటిక్గా అదే వస్తుంది.