Ads
ఎన్నో రోజులు వెయిట్ చేసిన తర్వాత కేజీఎఫ్ చాప్టర్-2 విడుదల అయ్యింది. కేజీఎఫ్ మొదటి భాగం ఎవరూ ఊహించనంత పెద్ద హిట్ అయ్యింది. మొదటి భాగం మొత్తంలో కూడా రాకీ భాయ్ ఎలా ఎదిగాడు అనేది చూపించారు. రెండవ భాగంలో మాత్రం రాకీ భాయ్ ఎదిగిన తర్వాత తాను ఎదుర్కొన్న సమస్యలు ఏంటి అనేది చూపించారు? మొదటి భాగంలాగానే ఈ సినిమా కూడా పవర్ ఫుల్ గా ఉంటుంది.
Video Advertisement
అసలు రాకీ భాయ్ ని జనాలు అందరూ అంత గుర్తు పెట్టుకునే అంతగా ఏం చేసాడు అనేది ఈ సినిమాలో చూపించారు. కానీ మొదటి భాగంతో పోలిస్తే ఈ సినిమాలో ఎమోషన్స్ కొంచెం తక్కువగా ఉన్నట్టు అనిపిస్తాయి. అలాగే విలన్ పాత్ర కూడా మనం చాలా సినిమాల్లో చూసినట్టే అనిపిస్తుంది. కానీ యాక్షన్ సీన్స్ మాత్రం చాలా బాగా డిజైన్ చేశారు. ఈ సినిమాకి మెయిన్ హైలైట్ మాత్రం డైలాగ్స్.
సినిమా చివరిలో కూడా ఒక ట్విస్ట్ ఇచ్చారు. మరి నిజం గానే నెక్స్ట్ పార్ట్ ఉందా? ఉంటే అందులో ఎం ఉండబోతోంది? వీటి గురించి ప్రస్తుతానికి ఎలాంటి వార్తలు రాలేదు. అయితే పార్ట్ 3 కథ ఇదే అని ఒక కథ వైరల్ అవుతోంది. సినిమా చివరిలో రాకీ భాయ్ ని చంపేసినట్టు చూపిస్తారు. కానీ మనకు చూపించింది అబద్ధం. రాకీ భాయ్ బతికే అవకాశం ఉంది. మధ్యలో కొన్ని సంవత్సరాలు రాకీ ఏం చేసాడు అనేది మనకి చూపించలేదు.
రాకీని చంపడానికి వచ్చినవాళ్లు విదేశాలకు చెందిన వారు. వారితో రాకీకి ఏం సంబంధం ఉంది? 5 సంవత్సరాలు రాకీ ఏం చేశాడు? రాకీ మీద విదేశాల్లో క్రిమినల్ కేసులు ఎందుకు ఉంటాయి? అనేది మనం థర్డ్ పార్ట్ లో చూడొచ్చు. అంతే కాకుండా మూడవ పార్ట్ లో ఇనాయత్ ఖలీల్ మెయిన్ విలన్ అవుతారని సమాచారం. కొంతమందేమో రాకీ ఇదంతా ప్లాన్ చేశాడు అని, అలా విదేశాలకి సంబంధించిన ఆర్మీ వచ్చేలాగా రాకీ ప్లాన్ చేశాడు అని, అదంతా చేయడానికి గల కారణం ఏమిటో మనకి మూడవ పార్ట్ లో చూపిస్తారు అని అంటున్నారు. మరి ఇందులో ఎంతవరకు నిజం ఉందో తెలియాలి అంటే మరి కొద్ది రోజులు ఆగాల్సిందే.
End of Article
