Ads
ప్రస్తుతం దేశవ్యాప్తంగా పొల్యూషన్ తగ్గించడం కోసం ప్రభుత్వాలు అనేక నిబంధనలు తీసుకొస్తున్నాయి. ఈ తరుణంలో డీజిల్, పెట్రోల్ వాహనాలు వాడితే పొగ ద్వారా వాతావరణం కలుషితం అవుతోందని భావించి ఎలక్ట్రికల్ వాహనాలు వాడకాన్ని పెంచాలని ఆదేశాలు జారీ చేసింది.
Video Advertisement
ఈ తరుణంలో ఎలక్ట్రికల్ కంపెనీలకు పర్మిషన్ లు ఇచ్చి వాహనాలను అందుబాటులోకి తీసుకొస్తున్నారు. పెట్రోల్, డీజిల్ రేట్లు పెరగడం వల్ల వాహనదారులు కూడా ఎలక్ట్రికల్ వాహనాల వైపు మొగ్గు చూపుతున్నారు.
ఈ వాహనానికి రిజిస్ట్రేషన్, సబ్సిడీ ఫ్రీగా కేంద్రం అందిస్తూ ప్రోత్సహిస్తోంది. ఈ నేపథ్యంలో ఎడాపెడా ఎలక్ట్రికల్ వాహనాలు కొనేస్తున్నారు. రోజుకో మోడల్ చొప్పున వివిధ రకాల కంపెనీలు మార్కెట్లోకి ఈ ఎలక్ట్రికల్ మోటార్ సైకిళ్లను తీసుకొస్తున్నాయి. ఇక మన హైదరాబాద్ నగరంలో సుమారుగా 5 నుంచి 6 కంపెనీలు వాహనాలను తయారు చేస్తూ ఉన్నాయి.
ఇక్కడే మొదలైంది అసలు బాధ. ఇప్పటివరకు ఈ వాహనాలు కొనుగోలు చేసిన వాటిలో చాలా వాహనాలు కాలిపోవడం మనం చూస్తూనే ఉన్నాం. ఎలక్ట్రికల్ మోటార్ వాహనాల్లో ఒక్కసారిగా మంటలు రావడం, ఛార్జింగ్ పెడుతున్న సమయంలో బ్యాటరీలు పేలడం వంటి ఘటనలు మనం అనేకం చూస్తూనే ఉన్నాం. ఈ ఘటన జరిగి చాలా మంది ప్రాణాలు కూడా కోల్పోతున్నారు.
దీంతో దేశంలో ఎలక్ట్రికల్ వాహనాల కొనుగోలు మాత్రం తగ్గుముఖం పట్టాయని చెప్పవచ్చు. వరుసగా ఈ వాహనాల్లో మంటలు వ్యాపించి దగ్ధం కావడం వల్ల కేంద్ర ప్రభుత్వం కూడా వీటిని సీరియస్ గా తీసుకుంది. దీంతో కేంద్ర మంత్రి నితిన్ గడ్కరీ దర్యాప్తుకు ఆదేశాలు జారీ చేశారు. డిఆర్ డిఓ ( భారత రక్షణ పరిశోధన సంస్థ) అసలు ఈ వాహనాల్లో మంటలు ఎందుకు వ్యాపిస్తున్నాయి అనే అంశం మీద విచారణ చేపట్టింది.
ఈ విచారణలో చాలా ఆసక్తికరమైన విషయాలు బయటకు వచ్చాయి. ఎలక్ట్రికల్ వాహనాల వినియోగంలో మంటలు వ్యాపించడానికి ప్రధానకారణం బ్యాటరీ లో లోపాలు అని వారు నివేదికలో తెలియజేశారు. ఆ లోపం వల్లనే ఛార్జింగ్ పెట్టే సమయంలో బ్యాటరీలు పేలడం వల్ల ఈ ప్రమాదాలు జరుగుతున్నాయని వారు అన్నారు.
End of Article
