Ads
నివేతా థామస్.. ఈమెను తెలుగు ప్రేక్షకులకు పెద్దగా పరిచయం చేయనక్కర్లేదు. చేసింది తక్కువ సినిమాలే అయినా మంచి పాత్రలు ఎంచుకొని ప్రేక్షకులను అలరించారు. మొదటి నుంచి గుర్తుండిపోయే పాత్రలే చేస్తున్న ఈమె చాలా కాలంగా ప్రేక్షకుల ముందుకు రాలేదు.
Video Advertisement
ఆమె రెజీనా కాసాండ్రాతో కలిసి చేస్తున్న ‘శాఖిని ఢాకిని’ చిత్రం త్వరలో విడుదల కానుంది. మూవీ ప్రమోషన్లను కూడా ప్రారంభించింది చిత్ర యూనిట్. తాజాగా రెజీనా కాసాండ్రా తో కలిసి నివేదా ప్రమోషన్లలో కనిపించారు. నివేతాను చూసిన ఆమె అభిమానులు ‘నివేతా ఏంటి ఇలా అయిపోయింది?’ అని ఆశ్చర్య పోతున్నారు. బ్లాక్ డ్రెస్ లో అందంగా కనిపించిన నివేతా గతంలో కంటే కాస్త లావుగా కనిపిస్తున్నారు.
తెలుగు, తమిళం, మలయాళం భాషల్లో నటించిన ఆమె బాల నటిగా సినీ ప్రవేశం చేశారు. మలయాళ చిత్రం వెరుథె ఒరు భార్య లో బాల నటిగా చేసిన ఆమెకు విమర్శకుల నుంచి ప్రశంసలు అందాయి. ఆ చిత్రంలోని పాత్రకు గాను కేరళ రాష్ట్ర ఉత్తమ యువ నటి పురస్కారం పొందారు. తరువాత అనేక తమిళ, మళయాళ చిత్రాల్లో సహాయనటిగా నటించారు. రజనీ కాంత్ కు కుమార్తెగా దర్బార్ మూవీలో కూడా మెరిశారు నివేతా. నివేతా థామస్ హీరో నానితో కలిసి చేసిన జెంటిల్ మాన్ చిత్రంతో టాలీవుడ్ లోకి అడుగు పెట్టారు. తర్వాత శివ నిర్వాణ దర్శకత్వంలో వచ్చిన ‘నిన్ను కోరి’ చిత్రంలో నటించారు నివేతా.
ఆ చిత్రం క్లాసిక్ హిట్ గా నిలిచింది. అప్పటి నుంచి ఆమె నటనకు ఆస్కారం ఉన్న పాత్రలనే ఎంచుకుంటున్నారు. దర్శకుడు సుధీర్ వర్మ దర్శకత్వంలో రెజీనా, నివేతా ప్రధాన పాత్రల్లో నటించిన ‘శాఖిని డాకిని’ చిత్రం విడుదలకు సిద్ధంగా ఉంది. మరో వైపు దృశ్యం 2 దర్శకుడు జీతూ జోసెఫ్ రీమేక్ చేస్తున్న పాపనాశం 2 లో కూడా నటిస్తున్నారు నివేతా. ఈ సినిమాలో కమల్ హాసన్ కూతురు పాత్రలో నివేతా థామస్ నటిస్తున్నారు. అలాగే మరికొన్ని సినిమాల్లో కూడా నివేతా నటిస్తున్నారు.
watch video :
https://www.instagram.com/reel/CiO1cBevTkP/?utm_source=ig_embed&ig_rid=480a27ee-e84a-4cbb-a9d0-29e36017cbac
End of Article
