మళ్ళీ ఆ తప్పు చెయ్యను అంటూ మంచు విష్ణు కామెంట్స్..!

మంచు విష్ణు అందరికీ సుపరిచితమే. టాలీవుడ్ లో పలు సినిమాలు చేసాడు. కానీ అంత సక్సెస్ అవ్వలేకపోయాడు. ఇప్పుడు మంచు విష్ణు హీరోగా వస్తున్న సినిమా జిన్నా. ఈ సినిమాలో పాయల్ రాజ్‌పుత్, సన్నీ లియోన్ హీరోయిన్లుగా నటిస్తున్నారు.

వీరు మాత్రమే కాకుండా ఈ సినిమాలో ఎంతో మంది ప్రముఖ నటులు ముఖ్య పాత్రలు పోషిస్తున్నారు. ఈ సినిమాకి సూర్య దర్శకత్వం వహిస్తున్నారు.

మంచు విష్ణు ఈ సినిమాకి నిర్మాతగా వ్యవహరిస్తున్నారు. అనూప్ రూబెన్స్ ఈ సినిమాకి సంగీత దర్శకత్వం వహిస్తున్నారు. ఈ సినిమా టీజర్ ఇవాళ విడుదల అయ్యింది. టీజర్ చూస్తూ ఉంటే ఇది ఒక హారర్ కామెడీ సినిమా అని అర్థం అవుతోంది. ఈ సినిమాకి సంబంధించి ఇప్పటికే ఒక పాట రిలీజ్ చేశారు. ఆ పాటని మంచు విష్ణు కూతుర్లు అరియానా-వివియానా పాడారు.

ఆ పాటలో వారు కనిపిస్తారు. ఈ సినిమాలో మంచు విష్ణు గెటప్ చాలా డిఫరెంట్ గా ఉంది. ఇక ఇదిలా ఉంటే రెండు విషయాలను దృష్టిలో పెట్టుకున్నాను అని అంటున్నాడు విష్ణు. మళ్ళీ ఆ తప్పుని నేను చెయ్యను అని అంటున్నాడు. అదేమిటనేది చూస్తే.. అమ్మని, పిల్లల్ని సినిమాకు తీసుకువెళ్లి చూసేలా ఉండాలని మంచు విష్ణు అన్నాడు. పైగా నాకు సక్సెస్ అంతా కూడా కామెడీ సినిమాలతోనే వచ్చిందని.. కానీ వాటిని నేను వదిలేసి వేరేవి చేస్తున్నా అని చెప్పాడు విష్ణు. మళ్ళీ ఆ తప్పైతే చెయ్యనన్నాడు.

ఇదిలా ఉంటే విష్ణు కూతుర్లు అరియానా-వివియానా ని నటులు చేయాలని ఉందన్నాడు. అయితే అరియనా కి సింగర్ అవ్వాలని ఉందిట. వివియానా కి పెయింటింగ్ అంటే ఆసక్తి ఇష్టమట. తన కొడుకుకి అయితే డాన్స్ అంటే చాల ఇష్టమని చెప్పాడు విష్ణు.