మెగాస్టార్ చిరంజీవి “వాల్తేరు వీరయ్య” టీజర్‌లో… ఆ ఒక్క విషయం “మైనస్” అయ్యిందా..?

ప్రస్తుతం చిరంజీవి వరుస సినిమాలతో బిజీగా ఉన్నారు. గాడ్ ఫాదర్ తర్వాత తన నెక్స్ట్ సినిమాకి సంబంధించిన షూటింగ్ పనిలో ఉన్నారు చిరంజీవి. ఈ సినిమాకి వాల్తేరు వీరయ్య అని టైటిల్ పెట్టారు. ఈ సినిమాకి బాబీ దర్శకత్వం వహిస్తున్నారు. దేవి శ్రీ ప్రసాద్ ఈ సినిమాకి సంగీత దర్శకత్వం వహిస్తున్నారు.

ఈ సినిమాలో రవితేజ కూడా ఒక ముఖ్య పాత్రలో నటిస్తున్నారు. అంతకుముందు చిరంజీవి హీరోగా నటించిన అన్నయ్య సినిమాలో రవితేజ నటించారు.

ఇప్పుడు మళ్లీ ఈ సినిమాలో నటిస్తున్నారు. అయితే ఈ సినిమా టైటిల్ టీజర్ విడుదల అయిన సంగతి తెలిసిందే. ఇందులో చిరంజీవి మాస్ గెటప్ లో కనిపిస్తున్నారు. లుంగీ ని కట్టుకుని అలా మెగా స్టార్ నడిచి వస్తే అందరికి ముఠామేస్త్రి గుర్తు వస్తోంది. ఇక టీజర్ గురించి చూస్తే… అందరు అనుకున్నట్టే ‘వాల్తేరు వీరయ్య’ టైటిల్ ని ఫిక్స్ చేసేసారు. దీపావళి కానుకగా ఈ సినిమా టీజర్ ని తీసుకొచ్చింది చిత్ర యూనిట్. ఇక టీజర్ విషయానికి వస్తే.. హైదరాబాద్ అల్యూమినియం ఫ్యాక్టరీలో ఓ ఫైట్ సీక్వెన్స్ ఉంటుంది ఇందులో. నెక్స్ట్ ఏమో ఏంట్రా వాడొస్తే పూనకాలన్నారు.. అడుగేస్తే అరాచకం అన్నారు..కానీ సౌండే లేదు అని విలన్ అంటే ఇంతలో ఒక బాంబ్ బ్లాస్ట్ అవుతుంది.

తరవాతేమో ఇలాంటి ఎంటర్టైన్మెంట్ ధమాకాలు చూడాలనుకుంటే లైక్, షేర్ అండ్ సబ్స్క్రైబ్ టు అని నోట్లో బీడీ పెట్టుకుని చిరు నడిచి వస్తారు. ఇవన్నీ బాగానే ఉన్నప్పటికీ దేవి శ్రీ ప్రసాద్ నేపధ్య సంగీతం లో కొత్తేమి లేదు. చాలా కామన్ గా వుంది. దీనిలో ఏ మాత్రం కొత్తదనం లేదు. గబ్బర్ సింగ్, లెజెండ్, సర్దార్ గబ్బర్ సింగ్, రంగస్థలం, సరిలేరు నీకెవ్వరు టైటిల్ సాంగ్స్ ని మిక్స్ చేసి డబ్బులను కొట్టారని అంతా అంటున్నారు. తమన్ కి ఎక్కువ అవకాశాలు వస్తున్నాయి కనుక డీఎస్పీ జాగ్రత్తగా ఉండాలని అంతా అంటున్నారు.