టమోటాల ధరల గురించి బాలకృష్ణ సినిమాలో అప్పుడే చెప్పారా..?

దేశవ్యాప్తంగా టమాటా హాట్ టాపిక్ గా మారింది. ప్రస్తుతం ఎక్కడ చూసినా, ఏ ఇద్దరు కలిసిన టమాటా ధర పెరగడం గురించే మాట్లాడుకుంటున్నారు. ఒక వైపు రైతుల పై సిరులు కురిపిస్తున్న టమాటా ధర, మరో వైపు సామాన్య ప్రజలకి  కళ్లలో నీళ్లు తెప్పిస్తున్నాయి.

టమాటా రేట్ సోషల్ మీడియా వరకు వెళ్ళింది. దాంతో టమాటా ధర పై సోషల్ మీడియాలో మీమ్స్, జోక్స్ వైరల్ అవుతున్నాయి. వాటిలో ఒక వీడియోని చూసినవారు టమాటా ధర గురించి అప్పుడే చెప్పారా? అంటూ కామెంట్స్ చేస్తున్నారు. ఆ వివరాలు ఇప్పుడు చూద్దాం..
టమాటా ధరలు ఆకాశాన్ని అంటుతుండడంతో ఎప్పుడూ లేనిది విచిత్రంగా మొదటిసారి టమాటాల దొంగతనాల వార్తలు కూడా వినిపిస్తున్నాయి. మొన్నటి దాకా షాపుల్లోని టమాటాలు దొంగలు ఎత్తుకెళ్లడం వినిపించింది. కానీ ప్రస్తుతం టమాటా దొంగలు రూటు మార్చి, టమాటా తోటల్నే లక్ష్యం చేసుకుంటున్నారు. గతంలో టమాటా పండించిన రైతులు భారీగా నష్టపోయేవారు. కిలో టమాటా రూపాయికి అమ్మేసిన సందర్భాలు కూడా ఉన్నాయి. చాలా సార్లు గిట్టుబాటు ధర రాలేదని కొందరు రైతులు కోపంతో టమాటాలను రోడ్ల పై పడేసిన సందర్భాలు ఉన్నాయి.
కానీ ఇప్పుడా సీన్ అంతా రివర్స్ అయ్యింది. ఎన్నో ఏళ్ల  తర్వాత టమాటాలు మంచి ధర పలుకుతుండడంతో  రైతులు సంతోషంలో ఉన్నారు. టమాటా ధర పెరుగుదల వల్ల రకరకాల సంఘటనలు జరుగుతున్నాయి. ఇటీవల ఒక రైతు టమాటాలను అమ్మి కోటీశ్వరుడు అయిన విషయం వైరల్ గా మారింది. ఇక టమాటా క్రేజ్ సోషల్ మీడియా దాకా చేరింది. టమాటా ధర పై జోక్స్, మీమ్స్ వైరల్ అవుతున్నాయి.
ఈ క్రమంలోనే కరీంనగర్ కుర్రోడు అనే ఇన్ స్టా పేజీలో ఒక వీడియో షేర్ చేశారు. నందమూరి బాలకృష్ణ నటించిన ఆదిత్య 369లోని సీన్ అది. బాలకృష్ణ టైమ్ మిషన్ లో భావిష్యత్తులోకి వెళ్ళినపుడు బ్రహ్మానందంకు అతని భార్య కాల్ చేసి ‘ఈ రోజూ టమాటాల చాలా చీప్ గా ఉన్నాయట. కిలో 1500 అంట, 2 కిలోలు తీసుకురండి అని చెప్తుంది. ఆ తరువాత అదుర్స్ మూవీలో బ్రహ్మానందం ‘ఆవిడ కరెక్ట్ గానే చెప్పింది రా. చాలా సేపు సస్పెన్స్ తరువాత నాక్కుడా  అర్ధం అయ్యింది’ అనే సీన్ వస్తుంది. ఇది చూసిన నెటిజెన్లు తమదైన రీతిలో కామెంట్స్ చేస్తున్నారు.

https://www.instagram.com/reel/Cuq8gsxJ-ss/?igshid=NjZiM2M3MzIxNA%3D%3D

Also Read: నటుడు “మనోజ్” – స్మిత సంఘటనలో వెలుగులోకి వచ్చిన కొత్త విషయాలు..! అసలు వీరి పరిచయం ఎలా మొదలైంది అంటే..?