Ads

రెబల్ స్టార్ ప్రభాస్‌ హీరోగా, నాగ్‌ అశ్విన్ తెరకెక్కిస్తున్న ‘ప్రాజెక్ట్‌ K’ టైటిల్‌ మరియు గ్లింప్స్‌ను ప్రతిష్టాత్మక ‘కామిక్‌ కాన్ 2023’ ఈవెంట్ లో మేకర్స్‌ రిలీజ్ చేశారు. భారీ బడ్జెట్ తో రూపొందుతున్న ఈ పాన్ ఇండియా మూవీలో కమల్‌హాసన్, అమితాబ్‌ బచ్చన్ వంటి లెజండరీ యాక్టర్స్ నటిస్తున్నారు.

Video Advertisement

ఈ భారీ బడ్జెట్‌ చిత్రాన్ని ప్రముఖ టాలీవుడ్ ప్రొడ్యూసర్ అశ్వనీదత్‌ నిర్మిస్తున్నారు. దీపికా పదుకోనే హీరోయిన్‌గా నటిస్తున్న ఈ చిత్రంలో దిశా పటానీ కీలక పాత్రలో నటిస్తోంది. తాజాగా రిలీజ్ అయిన ఈ మూవీ గ్లింప్స్‌ పై సోషల్ మీడియాలో పలు మీమ్స్ ట్రెండ్ అవుతున్నాయి. ఆ వివరాలు ఇప్పుడు చూద్దాం..
ప్రభాస్ ఫ్యాన్స్‌ ఎప్పుడెప్పుడా అని వెయిట్ చేస్తున్న ‘ప్రాజెక్ట్‌ K’ టైటిల్ రివీల్‌ అయింది. ఈ మూవీకి ‘కల్కి 2898 ఏడీ’ అనే టైటిల్‌ను ప్రకటించారు. ఇక ‘ప్రాజెక్ట్ k’ లో ఏముంది? అనే విషయాన్ని గ్లిమ్ప్స్ రూపంలో చూపించారు. ఈ గ్లిమ్ప్స్ నిడివి 1 నిముషం 16 సెకన్ల ఉంది. ప్రభాస్ సూపర్ పవర్స్ ఉన్న హీరోగా కనిపించబోతున్నట్టు ఈ గ్లింప్స్ ద్వారా తెలుస్తోంది. “ప్రపంచాన్ని చీకటి కమ్మినపుడు ఒక శక్తి ఉద్భవిస్తుంది. అప్పుడే అంతం మొదలవుతుంది ” అని ప్రారంభం అయిన గ్లింప్స్‌ ప్రభాస్‌ ఫ్యాన్స్ కు సంతోషం కలిగించేలా ఉంది.
హాలీవుడ్‌ సినిమాల రేంజ్‌లో ఈ మూవీలో యాక్షన్‌ సీక్వెన్స్‌ మరియు గ్రాఫిక్స్‌ విజువల్స్‌ అదిరిపోయాయి. సూపర్‌ హీరోగా ప్రభాస్‌ ఎంట్రీ, లుక్‌ ఆకట్టుకున్నాయి. హీరోయిన్ దీపికా పదుకొనే పాత్రని ఆసక్తికరంగా రూపొందించినట్లు తెలుస్తోంది. ఇక ‘వాటీజ్‌ ప్రాజెక్ట్‌- K’ అనే డైలాగ్‌తో మూవీ పై మరింత ఇంట్రెస్ట్ ను పెంచారు. మహానటి సినిమా తర్వాత నాగ్ అశ్విన్‌ దర్శకత్వం వహిస్తున్న ఈ క్రేజీ ప్రాజెక్టు పై అంచనాలు మరింత పెరిగాయి. శాన్‌డియాగో కామిక్‌ కాన్‌ ఫెస్టివల్‌లో విడుదలైన తొలి భారతీయ సినిమాగా ‘కల్కి 2898 ఏడీ’ రికార్డ్ సృష్టించింది. ఈ వేడుకలో కమల్ హాసన్, హీరో ప్రభాస్, రానా దగ్గుబాటి తదితరులు సందడి చేశారు. ఇది ఇలా ఉంటే ‘కల్కి 2898 ఏడీ’ మూవీ గ్లింప్స్‌ పై నెట్టింట్లో పలు మీమ్స్ ట్రెండ్ అవుతున్నాయి. అవి ఏమిటో మీరు చూడండి..