Ads
2009 బాణం మూవీతో టాలీవుడ్ లో హీరోగా ఎంట్రీ ఇచ్చారు నారా రోహిత్. డిఫరెంట్ కంటెంట్ తో, ఆలోచింపచేసే కథనంతో వెరైటీ మూవీస్ చేసే నారా రోహిత్ హీరోగా మంచి పేరు తెచ్చుకున్నారు. అయితే 2018 తర్వాత నారా రోహిత్ నుంచి మరొక సినిమా అప్డేట్ ఇంతవరకు రాలేదు.
Video Advertisement
ఈ నేపథ్యంలో త్వరలో ప్రతినిధి 2 మూవీతో అతను ప్రేక్షకుల ముందుకు రాబోతున్నారు. గత కొద్ది కాలంగా రాజకీయాలలో బాగా బిజీగా ఉన్న నారా రోహిత్ ఇప్పుడు గుర్తుపట్టలేనట్టుగా మారిపోయారు.
సినిమాల్లోకి వచ్చిన కొత్తల్లో ఎంతో యూత్ ఫుల్ గా ఉండే రోహిత్ ఇప్పుడు ఎంతో గంభీరంగా కనిపిస్తున్నారు. జూలై 25న నారా రోహిత్ జన్మదిన సందర్భంగా ఆయన బంధువులు, అభిమానులు మరియు సన్నిహితులు సోషల్ మీడియా వేదికగా ఆయనకు పుట్టినరోజు శుభాకాంక్షలు తెలియజేశారు. మీరు తెలుగు రాష్ట్రాలలోని నారా రోహిత్ అభిమానులు ఆరోజున పలు దేవాలయాలలో పూజా కార్యక్రమాలు నిర్వహించడంతోపాటు అనాధాశ్రమాలలో అన్నదాన కార్యక్రమాలను జరిపారు.
2014లో నారా రోహిత్ హీరోగా విడుదలైన ప్రతినిధి చిత్రం మంచి సక్సెస్ను అందుకుంది. ఇప్పుడు ఈ చిత్రానికి సీక్వెల్ గా ప్రతినిధి 2 2024 జనవరి 25వ తారీఖున రిపబ్లిక్ డే సందర్భంగా థియేటర్లలో విడుదల కానుంది. గత కొన్ని రోజులుగా ఈ మూవీ గురించి సోషల్ మీడియాలో బాగా ప్రచారం జరుగుతోంది. ఈ చిత్రానికి సంబంధించిన టైటిల్ మరియు ఫస్ట్ లుక్ నిన్ను అనౌన్స్ చేయడం జరిగింది.
వానర ఎంటర్టైన్మెంట్స్ పతాకంపై నిర్మిస్తున్న ఈ చిత్రంకు సంబంధించిన మిగిలిన నటీనటుల వివరాలు త్వరలోనే ప్రకటిస్తారు. ఒక సామాన్యుడు ఏకంగా ముఖ్యమంత్రినే కిడ్నాప్ చేసి దేశంలోని విధివిధానాలను మార్చే డిమాండ్లు చేయడం ముఖ్య కథగా సాగిన ప్రతినిధి చిత్రం ఈసారి పొలిటికల్ కంటెంట్‌తో రాబోతోంది. ఈ చిత్రం కూడా మొదటి చిత్రం లాగా సక్సెస్ అవుతుందా లేదా అనేది వేచి చూడాలి.
ALSO READ : సాలిడ్ మూవీతో లాంచ్ కాబోతున్న నందమూరి నట వారసుడు..! డైరెక్టర్ ఎవరంటే..?
End of Article
