షారుఖ్ ఖాన్ “జవాన్” లో మరొక హీరో..! ఎవరంటే..?

బాలీవుడ్ లో ప్రస్తుతం భారీ అంచనాల మధ్య రిలీజ్ కు సిద్ధంగా ఉన్న చిత్రం జవాన్. షారుఖ్ ఖాన్ నటించిన ఈ చిత్రం కోసం అభిమానులు ఎప్పటినుంచో ఎదురుచూస్తున్నారు.

కోలీవుడ్ యంగ్ డైరెక్టర్ అట్లీ డైరెక్షన్ లో తెరకెక్కుతున్న ఈ చిత్రం నుంచి రీసెంట్‌గా విడుదలైన ప్రివ్యూ చిత్రం పై హైపును మరింత పెంచింది. ఈ వీడియోలో గుండుతో ఉన్న షారుక్ గెటప్ సోషల్ మీడియాలో వైరల్ అయింది.

అయితే ప్రస్తుతం ఈ చిత్రంలో షారుక్ తో పాటు మరో స్టార్ హీరో కూడా నటిస్తున్నారు అని ఒక టాక్ నడుస్తోంది. అయితే మొదట రోల్ కోసం ఐకానిక్ స్టార్ అల్లు అర్జున్ బెటర్ ఆప్షన్ అని భారీ ఎత్తున ప్రచారం జరిగింది. కానీ ఇప్పుడు ఆ రోల్ ఇళయ దళపతి విజయ్ జోసెఫ్ చేస్తున్నట్లు ప్రచారం జరుగుతుంది. ప్రీ వ్యూ లో కనిపించిన కొన్ని ఇంట్రెస్టింగ్ షాట్స్ అట్లీ తెరకెక్కించిన తేరి మూవీ కి లింక్ ఉన్నట్లు అనిపించడమే దీనికి కారణం.

ఇంకా ఈ అంశంపై అఫీషియల్ గా చిత్ర యూనిట్ నుంచి ఎటువంటి క్లారిటీ రాలేదు. అయితే ఈ మూవీ లో యాక్షన్ సీక్వెన్స్ కోసం స్టంట్ డైరెక్టర్ గా చేసిన యానిక్ బెన్ రీసెంట్ గా ఇచ్చిన ఒక ఇంటర్వ్యూలో ఈ విషయంపై స్పష్టత ఇచ్చారు. జవాన్ మూవీలో విజయ్ కూడా ఉన్నట్లు ఆయన కన్ఫామ్ చేశారు.

ఈ క్రేజీ ప్రాజెక్టులో విజయ్ కూడా భాగం కావడంతో దీనికి క్రేజ్ మరింత పెరిగింది అని చెప్పవచ్చు.జవాన్ మూవీకి బాలీవుడ్ లోనే కాక సౌత్ లో కూడా విజయ్ వల్ల కలెక్షన్స్ ఎక్కువ వచ్చే ఆస్కారం ఉంది. ఈ మూవీ సెప్టెంబర్ 7న వరల్డ్ వైడ్ గ్రాండ్ రిలీజ్ కు సిద్ధంగా ఉంది. ఒకేసారి తెలుగు ,తమిళ్ మరియు హిందీ మూడు భాషలలో ఈ చిత్రం విడుదల కానుంది.

ALSO READ : విపరీతమైన నష్టం మిగిల్చిన నిఖిల్ “స్పై” మూవీ..!