“కల్కి 2898 ఏడీ” సినిమాలో ప్రభాస్‍ను ఎందుకు ఎంపిక చేసుకున్నారంటే..?

రెబల్ స్టార్ ప్రభాస్ హీరోగా, నాగ్ అశ్విన్ దర్శకత్వంలో వహిస్తున్న సినిమా ‘కల్కి 2898 ఏడీ’. ఈ మూవీ భారీ బడ్జెట్‍తో తెరకెక్కుతోంది. ఈ చిత్రంలో దీపికా పదుకొనే హీరోయిన్ గా నటిస్తుండగా, కమల్ హాసన్, అమితాబ్ బచ్చన్, దిశా పటాని కీలక పాత్రలలో నటిస్తున్నారు.

రీసెంట్ గా రిలీజ్ అయిన గ్లింప్స్‌తో ఈ సినిమా పై అంచనాలు మరింతగా పెరిగాయి. తెలుగు సినిమాని హాలీవుడ్ లెవెల్ టేకింగ్, ఉండడంతో అందరిలోను ఇంట్రెస్ట్ మరింతగా పెరిగింది. దర్శకుడు నాగ్ అశ్విన్ ఇటీవల ఇచ్చిన ఒక ఇంటర్వ్యూలో కల్కి 2898 ఏడీ సినిమాకి ప్రభాస్‍ను ఎందుకు సెలెక్ట్ చేసుకున్నారనే విషయన్ని తెలిపారు. ఆ వివరాలు ఏమిటో ఇప్పుడు చూద్దాం.. దర్శకుడు నాగ్ అశ్విన్ ‘కల్కి 2898 ఏడీ’ సైన్స్ ఫిక్షన్ సినిమాగా రూపొందిస్తున్నారు. ఈ సినిమాలో హీరో ప్రభాస్ కల్కి పాత్రలో నటిస్తున్నారని తెలుస్తోంది. కొన్ని రోజులుగా కల్కి 2898 ఏడీ సినిమాకి సీక్వెల్ ఉంటుందని వినిపిస్తోంది. ఈ విషయం గురించి దర్శకుడు నాగ్ అశ్విన్ రీసెంట్ గా ఇచ్చిన ఇంటర్వ్యూలో వెల్లడించారు.అలాగే మూవీలో ప్రభాస్‍ను ఎందుకు తీసుకున్నారనే విషయం గురించి కూడా మాట్లాడారు. ‘కల్కి 2898 ఏడీ’ సినిమా సీక్వెల్ గురించి ఇప్పుడు తాను ఆలోచించడం లేదని నాగ్ అశ్విన్ అన్నారు. అలాగే ఈ మూవీ ఫ్రాంచైజీ గురించి కూడా ఇంత వరకు ఏం ప్లాన్ చేయలేదని చెప్పారు.ఇక ‘కల్కి 2898 ఏడీ’ స్టోరీ రాసుకునే సమయంలో ఎవరు హీరో అయితే బాగుంటుందని ఆలోచించానని అన్నారు. ఆ సమయంలో ఆ క్యారెక్టర్ లో ప్రభాస్‍ను ఊహించుకునే ఈ స్టోరీ రాసుకున్నానని తెలిపారు. ఈ స్టోరీ కోసం తన ఆలోచనలో ప్రభాస్ మాత్రమే ఉన్నాడని, అందుకే ప్రభాస్ నే ఈ మూవీకి హీరోగా ఎంచుకున్నట్లు దర్శకుడు నాగ్ అశ్విన్ వెల్లడించారు.

Also Read: LGM REVIEW : “మహేంద్ర సింగ్ ధోనీ” నిర్మించిన మొదటి సినిమా LGM ఆకట్టుకుందా..? స్టోరీ, రివ్యూ & రేటింగ్.!