మొదటి ఎపిసోడ్ నుండి క్లైమాక్స్ వరకు… ఏం అవుతుంది అనే సస్పెన్స్..! ఈ సిరీస్ చూశారా..?

సినిమాలు ఎన్ని వస్తున్నాయో, అదే రేంజ్ లో వెబ్ సిరీస్ లు తెరకెక్కుతున్నాయి. ఓటీటీలు అందుబాటులోకి వచ్చిన తరువాత వెబ్ సిరీస్ చూసేవారి సంఖ్య భారీగా పెరిగింది. టెలివిజన్ లో సీరియల్స్ ను ఎలా చూస్తారో, ఇప్పుడు వెబ్ సిరీస్ లను కూడా అంత ఇంట్రెస్టింగ్ గా చూస్తున్నారు.

ఈ క్రమంలోనే వారం వారం కొత్త కొత్త వెబ్ సిరీస్ లు వివిధ ఓటీటీ మధ్యమలలో రిలీజ్ అవుతున్నాయి. గత ఏడాది రిలీజ్ అయిన బెస్ట్ వెబ్ సిరీస్ ‘సుడల్’. ఈ వెబ్ సిరీస్ లో ఐశ్వర్యా రాజేష్, పార్తీబన్, శ్రియా రెడ్డి వంటి వారు నటించారు. ఆ వెబ్ సిరీస్ ఎలా ఉందో ఇప్పుడు చూద్దాం..హీరోయిన్ ఐశ్వర్యా రాజేష్ డిఫరెంట్ స్టోరీలను ఎంచుకుని, నటిస్తూ తనకంటూ ప్రత్యేకమైన గుర్తింపును సొంతం చేసుకున్నారు. ఆమె ఒకవైపు సినిమాలలో నటిస్తూనే మరో వైపు వెబ్ సిరీస్ లలో కూడా నటిస్తున్నారు. అలా వచ్చిన వెబ్ సిరీస్ ‘సుడల్’. ఇది అమెజాన్ ప్రైమ్ లో స్ట్రీమింగ్ అవుతోంది. గత ఏడాది రిలీజ్ అయిన ఈ సిరీస్ 8 ఎపిసోడ్లుగా రూపొందింది. దీనిని తెలుగుతో పాటుగా ఇతర భాషల్లోకి కూడా డబ్ చేశారు.ఇక ఈ వెబ్ సిరీస్ కథ విషయాని వస్తే, షణ్ముగం(పార్తిబన్) చాలా కాలం నుంచి పెద్ద సిమెంట్ ఫ్యాక్టరీలో పని చేస్తుంటాడు. ఆ ఫ్యాక్టరీలో ఊహించని విధంగా అగ్ని ప్రమాదం సంభవిస్తుంది. అయితే ప్రమాదం జరిగిన రోజే  షణ్ముగం యొక్క చిన్న కుమార్తె నీలా కనిపించకుండా పోతుంది. ఫైర్ యాక్సిడెంట్ మరియు కనిపించకుండా పోయిన నీలా కేసులను సాల్వ్ చేయడం కోసం పోలీస్ డిపార్ట్మెంట్ రెజీనా(శ్రీయ రెడ్డి), చక్రి(కాథిర్) లను నియమిస్తుంది. ఈ కేసులను ఛేదించే క్రమంలో పోలీసులకు తెలిసిన షాకింగ్ విషయాలు ఏమిటి?నీలా ఎందుకు మిస్ అయ్యింది? వారు ఈ కేసులను సాల్వ్ చేశారా లేదా అనేది మిగతా కథ. రొటీన్ స్టోరీ అయినప్పటికీ, గ్రిప్పింగ్ నరేషన్, ఇంటెన్స్ కథనంతో ఈ సిరీస్ ని తీర్చిదిద్దిన విధానం, ఆడియెన్స్ కి థ్రిల్ ని కలిగిస్తుంది. ఇక ఈ వెబ్ సిరీస్ లో కీలకమైన ట్విస్టులు, ప్రతి క్యారెక్టర్ యొక్క క్యారక్టరైజేషన్ కూడా ఇంపాక్ట్ కలిగిస్తాయి. ఈ సిరీస్ నిడివి ఎక్కువగా ఉండడం వల్ల సాగదీసిన భావన కలుగుతుంది.

Also Read: “తల ఏదో తేడాగా ఉందేంటి..?” అంటూ… చంద్రముఖి-2 నుండి “రాఘవ లారెన్స్” పోస్టర్‌పై 15 ట్రోల్స్..!