ఆర్ఆర్ఆర్ సినిమాతో రామ్ చరణ్ గ్లోబల్ స్టార్ గా మారిపోయారు. ఆయనతో సినిమా చేయడానికి ఇండియాలో ఉన్న స్టార్ డైరెక్టర్లు అందరూ ఆసక్తి చూపిస్తున్నారు. అయితే తన సంఘ రామ్ చరణ్ బాలీవుడ్ స్టార్ డైరెక్టర్ రాజ్ కుమార్ ఇరానీ తో సినిమా చేస్తున్నాడు అనే వార్త బయటకు వచ్చింది. ఈ సినిమాని ప్రముఖ క్రికెటర్ ఎంఎస్ ధోని నిర్మిస్తున్నాడని కూడా చెప్పారు.
అయితే ఆ వార్తల పైన దర్శకుడు రాజ్ కుమార్ హిరానీ వివరణ ఇచ్చారు.ఆ వార్తలను తాను కూడా పేపర్లలో చూశానని అయితే అందులో నిజం లేదని తేల్చి చెప్పాడు. ఆర్ఆర్ఆర్ సినిమాలో రామ్ చరణ్ నటన అద్భుతంగా ఉందని ఆయన నటన తనకి ఎంతగానో నచ్చిందని చెప్పుకొచ్చాడు. రామ్ చరణ్ తో సినిమా చేయడం తనకి ఆసక్తిగానే ఉందని అయితే అది వెంటనే కాదని త్వరలోనే చేస్తానని చెప్పాడు. తాజాగా రాజ్ కుమార్ హిరానీ షారుక్ ఖాన్ తో డంకీ అనే సినిమాని రూపొందించాడు.
ఈ సినిమా సలార్ కి పోటీగా విడుదల అయ్యి మంచి టాక్ తెచ్చుకుంది. రాజకుమార్ హీరాని సినిమాలన్ని చాలా డిఫరెంట్ గా ఉంటాయి. ఈ సినిమా కూడా చాలా డిఫరెంట్ గానే తీశారు. ఎమోషనల్ సినిమా గా మంచి గుర్తింపు పొందింది. అయితే రామ్ చరణ్ తో సినిమా పైన ఆయన ఒక క్లారిటీ చేయడంతో సోషల్ మీడియాలో వచ్చిన న్యూస్ ఫేక్ అని తేలింది
