“ఆ సినిమాలో నా పాత్ర నాకే నచ్చలేదు..!” అంటూ రాశి కామెంట్స్..! ఏ సినిమా గురించి అంటే..?

చైల్డ్ ఆర్టిస్ట్ గా కెరీర్ మొదలు పెట్టి, స్టార్ హీరోయిన్ గా వెలిగారు రాశి. అప్పట్లో ఎంతో మంది స్టార్ హీరోలతో నటించారు. ఆ తర్వాత ఎన్నో ముఖ్య పాత్రల్లో కూడా నటించారు. ఇప్పుడు రాశి సినిమాలతో పాటు సీరియల్స్ కూడా చేస్తున్నారు.

సినిమాల్లో కూడా కేవలం సెలెక్టివ్ గానే పాత్రలు చేస్తున్నారు. ఇటీవల రాశి జానకి కలగనలేదు సీరియల్ లో నటించారు. ఇప్పుడు బాలకృష్ణ హీరోగా నటిస్తున్న ఒక సినిమాలో రాశి ఒక ముఖ్య  పాత్రలో నటిస్తారు అనే వార్త వినిపిస్తోంది. మరి అది ఎంత వరకు నిజం అనేది అధికారిక ప్రకటన వచ్చేంత వరకు తెలియదు.

రాశి తన కెరీర్ లో ఎన్ని సంవత్సరాలు అయినా సరే ప్రేక్షకులకి గుర్తుండిపోయే పాత్రలు ఎన్నో చేశారు. అలాంటి సినిమాల్లో నిజం సినిమాలో రాశి పోషించిన పాత్ర ఒకటి. ఈ సినిమాలో గోపీచంద్ పక్కన రాశి నటించారు. మహేష్ బాబు హీరోగా నటించిన ఈ సినిమాకి తేజ దర్శకత్వం వహించారు. మల్లి అనే పాత్రలో రాశి నటించారు. ఈ సినిమాలో నటించిన వారి నటన ఇప్పటికీ ప్రేక్షకులకి గుర్తుండిపోయింది. అయితే రాశి ఒక యూట్యూబ్ ఛానల్ మొదలు పెట్టారు.

అందులో తన వ్యక్తిగత జీవితానికి సంబంధించిన విషయాలతో పాటు, సినిమాల్లో నటిస్తున్నప్పుడు తాను ఎదుర్కొన్న సంఘటనల గురించి కూడా అప్పుడప్పుడు మాట్లాడుతూ ఉంటారు. ఆ ఛానల్ పేరు రాశి విజన్స్. అయితే చాలా మంది రాశిని నిజం సినిమాలో తను పోషించిన పాత్ర గురించి అడిగారు. “అలాంటి పాత్ర ఎలా పోషించారు? కొన్ని అభ్యంతరకరమైన సీన్స్ లో ఎలా నటించారు?” అని అడిగారు. అందుకు రాశి సమాధానం చెప్పారు.

రాశి ఈ సినిమా గురించి మాట్లాడుతూ, దర్శకుడు తేజ సినిమాలో తన పాత్ర గురించి ఒక రకంగా చెప్పారు అని, తర్వాత మరొక రకంగా చూపించారు అని చెప్పారు. సినిమా మొత్తం కూడా తను ఇష్టం లేకుండానే ఆ పాత్ర చేశాను అని చెప్పారు. అప్పటి వరకు పాజిటివ్ పాత్రల్లో మాత్రమే కనిపించిన రాశిని ఈ సినిమాలో ఇలాంటి నెగటివ్ పాత్రలో చూడడం ప్రేక్షకులకు కొత్తగా అనిపించింది. పాత్ర ఏదైనా సరే రాశి మాత్రం తన పాత్రకి 100% న్యాయం చేస్తారు. ఈ పాత్రలో కూడా చాలా బాగా నటించారు.

watch video :

ALSO READ : హీరో గోపీచంద్ తండ్రి గారు డైరెక్ట్ చేసిన ఈ 10 సినిమాలు తెలుసా..? లిస్ట్ ఓ లుక్ వేయండి..!