వైరల్: ఇలాంటి మంచి దొంగ “నెవెర్ బిఫోర్…ఎవర్ ఆఫ్టర్”…ఇంతకీ ఏం చేసారంటే? (వీడియో)

మనిషిగా పుట్టిన ప్రతీవారికి ఎమోషన్ ఉంటుంది అనడంలో ఎటువంటి సందేహం లేదు.కొంతమంది నేరస్తులు కూడా స్వచంగా స్నేహం చెయ్యడం,ప్రేమించడం లాంటి ఘటనలను ఇప్పటిదాకా సినిమాలలో మనం చాలానే చూసాం.అయితే ఒక వ్యక్తి దగ్గర ఉన్న వస్తువులను ఇద్దరు దొంగలు దోచుకున్నారు.అయితే ఆ సదరు వ్యక్తి కన్నీరు పెట్టుకోవడంతో అతని వస్తువులు అతనికి తిరిగి ఇచ్చేసారు ఆ దొంగలు.కాగా ఈ ఘటన కరాచీలో చోటు చేసుకుంది..వివరాల్లోకి వెళ్తే ..

ఇటవల సోషల్ మీడియాలో ఒక వీడియో విడుదల అయ్యి అంతటా వైరల్ గా మారింది.ఆ వీడియో లో ఏముంది అంటే ..కరాచీ లో ఓ డెలివరీ బాయ్ ఒకచోట డెలివరీ ఇచ్చేసి రోడ్ పై బైక్ మీద వెళ్తూ ఉంటాడు.అయితే ఆ డెలివరీ బాయ్ ని ఇద్దరు దొంగలు వెంబడిస్తారు.కాగా ఎవరూ లేని ప్రదేశం దగ్గరకి వచ్చేటప్పటికి ఆ డెలివరీ బాయ్ ని ఆ దొంగలు ఆపి ఆ డెలివరీ బాయ్ దగ్గర ఉన్న విలువైన వస్తువులను తీసుకుంటారు.అయితే అంతలో ఆ డెలివరీ బాయ్ కంటతడి పెట్టుకుంటాడు.

దీంతో తీవ్ర భావోద్వేగానికి లోనయిన ఆ దొంగలు ఆ డెలివరీ బాయ్ వస్తువులు తిరిగి ఇచ్చేసి కౌగిలించుకుంటారు.అంతే కాకుండా ఆ డెలివరీ బాయ్ బండి మీద వెళ్తుండగా ఆ దొంగలు అతనితో నవ్వుతు మాట్లాడుతూ ఉంటారు.కాగా ఈ వీడియో చుసిన నెటిజన్లు ఎంత దొంగలైనా గాని వాళ్ళు కూడా మనుషులే అని నిరూపించుకున్నారు,మానవత్వం ఇంకా బతికే ఉంది అనడానికి ఇదే నిదర్శనం అంటూ కామెంట్స్ చేస్తున్నారు.