Ads
ఇటీవల పవన్ కళ్యాణ్ పుట్టిన రోజు నాడు వకీల్ సాబ్ మోషన్ పోస్టర్ విడుదల అవ్వడం తో పాటు భవిష్యత్తులో రాబోయే ప్రాజెక్ట్స్ కూడా ఎనౌన్స్ చేశారు. అందులో ఒకటి పవన్ కళ్యాణ్ – హరీష్ శంకర్ కాంబినేషన్ లో వస్తున్న సినిమా. గబ్బర్ సింగ్ లాంటి బ్లాక్ బస్టర్ సినిమా తర్వాత మళ్లీ ఇప్పుడు వీళ్లిద్దరూ కలిసి వర్క్ చేయబోతున్నారు. ఈ సినిమాని మైత్రి మూవీ మేకర్స్ నిర్మిస్తున్నారు.
Video Advertisement
హార్లే డేవిడ్సన్ బైక్, పెద్ద బాలశిక్ష, గులాబీ పువ్వు, సర్దార్ వల్లభాయ్ పటేల్, సుభాష్ చంద్రబోస్ ఇలా ఒక పోస్టర్ లో ఎన్నో డీటెయిల్స్ ఇచ్చారు. దీన్నిబట్టి సినిమా ఏ రేంజ్ లో ఉండబోతోందో అనే విషయం మన ఇమాజినేషన్ కి వదిలేశారు. అంతేకాకుండా ఈసారి కేవలం ఎంటర్టైన్మెంట్ మాత్రమే కాదు (దిస్ టైం ఇట్స్ నాట్ జస్ట్ ఎంటర్టైన్మెంట్) అని కూడా ఆ పోస్టర్ లో ఉంది.
ఈ సినిమాకి దేవిశ్రీ ప్రసాద్ సంగీతం అందిస్తున్నారు. అయితే ఈ సినిమాలో హీరోయిన్ గా పూజా హెగ్డే ని ఎంపిక చేసినట్లు వార్తలు వస్తున్నాయి. ఇంతకుముందు హరీష్ శంకర్ దర్శకత్వం వహించిన దువ్వాడ జగన్నాథం లో పూజా హెగ్డే హీరోయిన్ గా నటించారు. గత ఏడాది విడుదలైన గద్దలకొండ గణేష్ చిత్రంలో కూడా పూజా హెగ్డే ఒక కీలక పాత్ర పోషించారు. మళ్లీ మూడవసారి హరీష్ శంకర్ దర్శకత్వంలో పూజా హెగ్డే నటిస్తున్నారా? ఈ వార్తలలో నిజం ఎంత ఉంది అనే విషయం అధికారికంగా వెల్లడించేంతవరకు వరకు ఆగాల్సిందే.
End of Article
