సాధారణంగా ఒక సినిమా గురించి ప్రేక్షకులని ఎక్సైట్ చేసే అంశాలు హీరో డైరెక్టర్ కాంబినేషన్, హీరో హీరోయిన్ కాంబినేషన్, లేదా హీరో మ్యూజిక్ డైరెక్టర్ కాంబినేషన్, లేదా డైరెక్టర్, మ్యూజిక్ డైరెక్టర్ కాంబినేషన్. ఇంక హీరో, మరొక హీరో కాంబినేషన్ అంటే ఆ ఎక్సయిట్మెంట్ గురించి చెప్పాల్సిన అవసరం లేదు. అలా రాబోయే కొన్ని మల్టీస్టారర్ సినిమాలు ఏంటో ఇప్పుడు చూద్దాం.
#1 అయ్యప్పనుం కోషియుం రీమేక్
ఇందులో మొదటిసారిగా పవర్ స్టార్ పవన్ కళ్యాణ్, రానా దగ్గుబాటి కలిసి నటించబోతున్నారు. అప్పట్లో ఒకడుండేవాడు సినిమాకి దర్శకత్వం వహించిన సాగర్ కె చంద్ర ఈ సినిమాకి దర్శకత్వం వహించబోతున్నారు.
#2 పొన్నియన్ సెల్వన్
మణిరత్నం దర్శకత్వంలో రాబోతున్న ఈ సినిమాలో అమితాబ్ బచ్చన్, విక్రమ్, జయం రవి, కార్తీ కలిసి నటించబోతున్నారు. ఇది పాన్ ఇండియా సినిమాగా రూపొందుతోంది.
#3 ఆర్ ఆర్ ఆర్
రామ్ చరణ్, జూనియర్ ఎన్టీఆర్ కాంబినేషన్ లో రూపొందుతున్న ఈ సినిమా కోసం భారతదేశం మొత్తం ఆసక్తిగా ఎదురు చూస్తోంది.
#4 ఎఫ్3
విక్టరీ వెంకటేష్, వరుణ్ తేజ్ ఎఫ్ 2 తో అలరించారు. ఇప్పుడు ఎఫ్ 2 సీక్వెల్, ఎఫ్ 3 తో మన ముందుకు రాబోతున్నారు.
#5 ఆచార్య
మెగాస్టార్ చిరంజీవి, రామ్ చరణ్ హీరోగా నటించిన మగధీర, బ్రూస్ లీ సినిమాల్లో అతిథి పాత్రలో కనిపించారు. ఇప్పుడు ఆచార్య సినిమాలో రామ్ చరణ్ ఫుల్ లెంత్ రోల్ లో కనిపిస్తారని కొరటాల శివ ఒక సందర్భంలో చెప్పారు.
#6 మాస్టర్
విజయ్, విజయ్ సేతుపతి కలిసి ఈ సినిమాలో కనిపించబోతున్నారు. కొంతకాలం క్రితం విడుదలైన మాస్టర్ తమిళ్, తెలుగు టీజర్స్ ఇప్పటికే ఎక్కువ వ్యూస్, లైక్స్ తో రికార్డ్ సృష్టించాయి.
#7 మహా సముద్రం
ఆర్ఎక్స్ 100 డైరెక్టర్ అజయ్ భూపతి దర్శకత్వంలో వస్తున్న ఈ సినిమాలో శర్వానంద్, సిద్ధార్థ్ కలిసి నటించబోతున్నారు. చాలా కాలం తర్వాత మళ్లీ సిద్దార్థ్ డైరెక్ట్ తెలుగు సినిమాలో కనిపించబోతున్నారు.
#8 భారతీయుడు 2
1996 లో విడుదలై బ్లాక్ బస్టర్ సాధించిన భారతీయుడు సినిమా సీక్వెల్ లో కమల్ హాసన్ తో పాటు సిద్ధార్థ్, బాబీ సింహ కూడా నటించబోతున్నారు.
ఇవే కాకుండా ఇంకా అధికారికంగా ప్రకటించని చాలా మల్టీస్టారర్ సినిమాల పేర్లు ప్రచారంలో ఉన్నాయి.
