Ads
ఎంతో కాలం ఎదురు చూసిన తర్వాత ప్రభాస్ హీరోగా నటించిన కల్కి 2898 ఏడి సినిమా విడుదల అయ్యింది. దాదాపు నాలుగు సంవత్సరాలు కష్టపడి ఈ సినిమా రూపొందించారు. ఈ సినిమా ఎప్పుడో విడుదల కావాల్సి ఉంది. కానీ వాయిదా పడి ఇప్పుడు విడుదల అయ్యింది. ఈ సినిమా కేవలం కల్కి సినిమాటిక్ యూనివర్స్ లో ఒక భాగం మాత్రమే. ఈ సినిమా తర్వాత కొనసాగింపుగా ఇంకా చాలా సినిమాలు వస్తున్నాయి. సినిమా క్లైమాక్స్ కూడా నెక్స్ట్ పార్ట్ కి ప్రశ్న లాగా ఉండేలాగానే ముగించారు.
Video Advertisement
ఫస్ట్ హాఫ్ అంతా కూడా పాత్రలని పరిచయం చేయడంతోనే అయిపోతుంది. సెకండ్ హాఫ్ లోనే అసలు కథ ఉంటుంది. ఫస్ట్ హాఫ్ వెళుతున్నంతసేపు కూడా సాధారణంగానే అనిపిస్తుంది. ఇంటర్వెల్ సమయంలో సినిమా ఒక మంచి సీన్ తో ముగుస్తుంది. ఇంటర్వెల్ తర్వాత నుండి సెకండ్ హాఫ్ లో ఎమోషన్స్ ఎక్కువగా ఉండేలాగా చూసుకున్నారు. ఇంటర్వెల్ సినిమాకి చాలా పెద్ద హైలైట్ గా నిలిచింది. ఆ తర్వాత నుండి సినిమా పరిగెడుతూనే ఉంటుంది. ఎంతో మంది నటీనటులు ఈ సినిమాలో అతిధి పాత్రలో కనిపించారు. వాళ్లని తెర మీద చూస్తేనే బాగుంటుంది.
కొంత మంది నటులు కనిపించే స్క్రీన్ టైం చాలా తక్కువగా ఉంటుంది. అందరి పాత్రలని చూపించారు కానీ, కృష్ణుడి పాత్రను మాత్రం చూపించలేదు. అంటే పాత్రను చూపించారు. కాకపోతే కృష్ణుడి పాత్రలో కనిపించిన నటుడు ఎవరు అనేది చూపించలేదు. ఆ పాత్రలో నటించింది ఎవరు అనే ఆసక్తి అందరిలో నెలకొంది. ఈ సినిమాలో కృష్ణుడి పాత్రలో నటించిన యాక్టర్ పేరు కృష్ణ కుమార్. కృష్ణ కుమార్ తమిళ్ నటుడు. సూర్య హీరోగా నటించిన ఆకాశమే నీ హద్దురా సినిమాలో హీరో ఫ్రెండ్ పైలట్ గా నటించారు. ఇప్పుడు కల్కి సినిమాలో కూడా నటించారు. ఈ విషయాన్ని కృష్ణ కుమార్ సోషల్ మీడియాలో షేర్ చేసుకున్నారు. కృష్ణుడి పాత్రని పోషించినట్టు కృష్ణ కుమార్ పోస్ట్ చేసారు.
End of Article
