ప్రశాంత్ వర్మ నెక్స్ట్ సూపర్ హీరో సినిమాలో హీరోగా నిర్మాత కొడుకు.!

సైలెంట్ గా రిలీజ్ అయ్యి సెన్సేషనల్ హిట్ అయిన సినిమా హనుమాన్. ఈ సినిమాకి ప్రశాంత్ వర్మ దర్శకత్వం వహించారు. భక్తి సినిమాలు అంటే మన దేశంలో మామూలుగానే ఆదరణ ఎక్కువగా ఉంటుంది. అలాంటిది మంచి కాన్సెప్ట్ తో ఉన్న భక్తి సినిమా వస్తే కచ్చితంగా ప్రేక్షకులు ఆదరిస్తారు అనే దానికి ఈ సినిమా మరొక నిదర్శనంగా నిలిచింది.

ప్రశాంత్ వర్మ సినిమాటిక్ యూనివర్స్ లో భాగంగా ఈ సినిమా రూపొందించారు. తర్వాత ఈ సినిమా కథతో సంబంధం ఉన్న సినిమాలు సినిమాలు చాలానే వస్తాయి అని చెప్పారు. దీని నెక్స్ట్ పార్ట్ అయిన జై హనుమాన్ సినిమాని కూడా ఈ సినిమా చివరిలో ప్రకటించారు. నెక్స్ట్ సూపర్ హీరో సినిమా “అధీర” తెరకెక్కించనున్నారు ప్రశాంత్ వర్మ. ఈ సినిమాతో ప్రముఖ నిర్మాత డివివి దానయ్య కొడుకు కళ్యాణ్ దాసరి హీరోగా పరిచయం కానున్నారు.