చిరంజీవి గారు మళ్లీ హీరోగా వరస సినిమాల్లో నటిస్తున్న సంగతి అందరికి తెలిసిందే. కానీ ఎక్కువగా రీమేక్ లే చేస్తున్నారు చిరంజీవి. ఈ క్రమంలో ఓ అభిమాని ట్విట్టర్ లో ఇలా ఓపెన్ లెటర్ పోస్ట్ చేసారు.

Video Advertisement

gautami about acting with chiranjeevi

చిరంజీవి గారు

ఒక సినిమాలో ఆ తార కాకుండా ఆ పాత్ర మాత్రమే కనిపించినప్పుడు అది అసలి నటన. కన్యాశుల్కంలో NTR కనిపించడు. గిరీశం మాత్రమే కనిపిస్తాడు. చంటబ్బాయి లో చిరంజీవి కనిపించడు. పాండురంగా రావు మాత్రమే ఉంటాడు. నాకు ఆ చిరంజీవి కావాలి.

ఆ రుద్రవీణ సూర్యం కావాలి. ఆ గాంగ్ లీడర్ రాజారాం కావాలి. ఈ ఖైదీ 150, సైరా, లూసిఫెర్ ఒద్దు! తెలుగు వాళ్ళకి సినిమా పిచ్చి సార్! లూసిఫెర్ మేము ఎప్పుడో చూసేసాం. అయినా మోహన్ లాల్ మనోడే. పృద్ధ్విరాజ్ మనోడే! మళ్ళీ అదే కథ మీతో చూసి ఏం చేయమంటారు?

అయినా రీ మేకులే తప్ప మన దగ్గర కథలు లేవా? కథనాలు లేవా? మీరు ఏదో మాటవరసకి “అర్థాకలి” అంటూ ఉంటారు గాని, మీకు ఆకలే లేదు. ఆ సూర్యం పాత్రలో “నేను సైతం” అంటూ బయటకొచ్చే నటుడు నాకు కనిపించట్లేదు. ఖైది 150 కి మీరెందుకు సార్? మీ రేంజ్ ఏంటి మీరు చేసే కథలేంటి? ఇంకెన్ని రోజులండి ఈ కథలు రాయడం రాని కథకులతో. వీళ్ళు సీన్లు తీయడంలో సినిమాని మర్చి పోయారు. మీరు పస్తు ఉండండి కొన్ని రోజులు. చిరంజీవి కనిపించకుండా నటించండి. అది చూడాలనుంది. తప్పుగా భావించకండి! మీకు అద్దం చూపించాలి మరి!