Mohana Priya

తెలుగు సినిమా ఇండస్ట్రీలో పాన్ ఇండియన్ స్టార్ అనే గుర్తింపు తెచ్చుకున్న నటుడు ప్రభాస్. అప్పటి వరకు కేవలం రెండు తెలుగు రాష్ట్రాల్లో మాత్రమే ఉన్న క్రేజ్ బాహుబలి తర్వాత ప్రపంచ వ్యాప్తంగా పెరిగింది. మిర్చి తర్వాత బాహుబలిలో ప్రభాస్ నటించారు. బాహుబలిలో ప్రభాస్ అసలు అప్పటి వరకు నటించని ఒక పాత్రలో నటించారు. అందుకోసం చాలా కష్టపడ్డారు.

అందుకు తగ్గట్టుగా ఫలితం కూడా వచ్చింది. దాంతో ప్రభాస్ నెక్స్ట్ సినిమా ఏంటి అని అందరూ ఎదురు చూశారు. బాహుబలి తర్వాత వచ్చిన సాహో కూడా ప్రభాస్ కి ఉన్న క్రేజ్ ని దృష్టిలో పెట్టుకొని పాన్ ఇండియన్ సినిమాగా విడుదల చేసారు. కానీ ఈ సినిమా ప్రేక్షకుల అంచ‌నాల‌ని అందుకోలేక‌పోయింది. ఇటీవల విడుదల అయిన రాధే శ్యామ్‌కి వచ్చిన రెస్పాన్స్ కూడా అలాగే ఉంది.

ఈ సినిమాపై ప్రముఖ నటులు పరుచూరి గోపాల కృష్ణ రివ్యూ ఇచ్చారు. ఇందులో గోపాల కృష్ణ మాట్లాడుతూ సినిమా ఇలా రావడానికి కారణాలు ఏంటో చెప్పారు. “ఈ సినిమాని చూస్తూ ఉంటే పాతాళభైరవి అలాగే పాత మల్లీశ్వరి సినిమాలు గుర్తొచ్చాయి” అని అన్నారు. తన అంచనా ప్రకారం ఒకవేళ పాతాళభైరవి కంటే ముందు మల్లీశ్వరి విడుదల అయ్యి ఉంటే సూపర్ హిట్ అయ్యేది అని అన్నారు.

అలాగే “రాధే శ్యామ్ సినిమాలో పాటలు మళ్ళీ మళ్ళీ వినాలి అనిపించే లాగా లేవు” అని అన్నారు. అలాగే ఫైట్స్ కూడా మిస్ అయ్యాయి అని అన్నారు. అల్లూరి సీతారామరాజు సినిమా తర్వాత కృష్ణ నటించిన కొన్ని సినిమాలు ఫ్లాప్ అయ్యాయి అని అలాగే రాధే శ్యామ్ కి కూడా జరిగింది అని అన్నారు. సినిమా లైన్ బాగున్నా కూడా టైటిల్ కరెక్ట్ కాదు అని అన్నారు. అంతే కాకుండా ఈ సినిమా చూడాలి అని చెప్పారు. పరుచూరి గోపాల కృష్ణ ఈ సినిమా గురించి చెప్పిన వాటిపై చాలా మంది నెటిజన్లు కూడా కరెక్ట్ అని అంటున్నారు.

watch video :

కెరియర్ లో ముందుకు వెళ్లాలంటే ఎక్కడో ఒక చోట మొదలు పెట్టాల్సిందే. ఇవాళ ఇండస్ట్రీలో ఎంతో పేరు తెచ్చుకున్న కొంత మంది యాక్టర్స్ కూడా ఏదో ఒక రోల్ తో ఇండస్ట్రీలో అడుగు పెట్టారు.

మరి మొదటి సినిమాలో క్రెడిట్ లేని పాత్రలో గానీ సైడ్ రోల్స్ లో కానీ కనిపించి తర్వాత మెల్లగా లీడ్ రోల్ ప్లే చేసే స్థాయికి ఎదిగారు. అలా వారిలో ఇటీవల లైన్ గా హిట్ కొట్టిన హీరో కూడా ఉన్నారు.

వివరాల్లోకి వెళితే, నాగ చైతన్య హీరోగా నటించిన మొదటి సినిమా జోష్. ఈ సినిమాకి వాసు వర్మ దర్శకత్వం వహించారు. దిల్ రాజు ఈ సినిమాని నిర్మించారు. ఈ సినిమాతో ప్రముఖ హీరోయిన్ రాధ కూతురు కార్తీక కూడా హీరోయిన్ గా ఇండస్ట్రీలో అడుగు పెట్టారు. కాలేజ్ గొడవలు, ర్యాగింగ్, కాలేజ్ లో ఉండే రాజకీయాలు అనే విషయం చుట్టూ సినిమా తిరుగుతుంది. మొదటి సినిమాతోనే నాగ చైతన్య మంచి స్క్రిప్ట్ సెలెక్ట్ చేసుకున్నారు అనే పేరు సంపాదించుకున్నారు.

ఈ సినిమాలో ఒక చిన్న పాత్రలో నటించారు సిద్దు జొన్నలగడ్డ. సిద్దు మొదటి సినిమా ఇదే. ఈ సినిమా తర్వాత ఆరెంజ్ సినిమాలో, భీమిలి కబడ్డీ జట్టు సినిమాలో కూడా నటించారు సిద్దు. ఆ తర్వాత 2011లో లైఫ్ బిఫోర్ వెడ్డింగ్ అనే సినిమాతో హీరోగా పరిచయం అయ్యారు. ఆ తర్వాత చాలా సినిమాల్లో హీరోగా నటించారు. 2016లో వచ్చిన గుంటూర్ టాకీస్ సినిమాతో గుర్తింపు సంపాదించారు సిద్దు. రాజశేఖర్ హీరోగా ప్రశాంత్ వర్మ దర్శకత్వంలో వచ్చిన కల్కి సినిమాలో కూడా ఒక ముఖ్య పాత్రలో నటించారు.

సిద్దు ఇటీవల హీరోగా నటించిన కృష్ణ అండ్ హిజ్ లీల సినిమా నెట్‌ఫ్లిక్స్‌లో విడుదల అయ్యి హిట్ టాక్ సంపాదించుకుంది. అలాగే ఆ తర్వాత నటించిన మా వింత గాధ వినుమా సినిమా కూడా ఆహాలో విడుదల అయ్యింది. ఈ సినిమా కూడా పాజిటివ్ టాక్ సంపాదించుకుంది. అంతే కాకుండా ఈ రెండు సినిమాలకి రైటర్‌గా, ఎడిటర్‌గా కూడా చేశారు సిద్దు. అలాగే సిద్దు హీరోగా నటించిన డీజే టిల్లు సినిమా కూడా ఇటీవల విడుదల అయ్యింది. ఈ సినిమాకి కూడా కథ సిద్దు అందించారు. అలా హ్యాట్రిక్ హిట్స్ సంపాదించారు సిద్దు. థియేటర్స్ లోనే కాదు ఓటిటి లో కూడా డీజే టిల్లు సినిమా హిట్ టాక్ తో దూసుకుపోతోంది.

చాలా రోజులు వెయిట్ చేసిన తర్వాత భీమ్లా నాయక్ థియేటర్లలో విడుదల అయ్యింది. ఈ సినిమా ఎప్పుడో విడుదల కావాల్సి ఉన్నా కూడా అప్పుడు ఉన్న పరిస్థితుల కారణంగా ఆలస్యం అయ్యింది.

సినిమా రీమేక్ అనే విషయం తెలిసిందే. కానీ పవన్ కళ్యాణ్ నటిస్తూ ఉండటంతో, అది కూడా రానా దగ్గుబాటితో మల్టీస్టారర్ అవ్వడంతో ఈ సినిమాపై అంచనాలు భారీగా నెలకొన్నాయి.

అంతే కాకుండా సినిమాకి సంబంధించి కొన్ని మార్పులు జరిగాయి. ఆ మార్పులు కూడా వర్కవుట్ అయ్యాయి. మన నేటివిటీకి తగ్గట్టు చేసిన ఆ మార్పులు ప్రేక్షకులకు చాలా బాగా నచ్చాయి. ఒరిజినల్ సినిమా కంటే తెలుగు సినిమా దాదాపు 30 నిమిషాల నిడివి తక్కువ ఉంటుంది. వీటన్నిటి వల్ల సినిమా క్రేజ్ ఇంకా పెరగడంతో సూపర్ హిట్ టాక్ తో థియేటర్లలో దూసుకుపోయింది. మళ్లీ గబ్బర్ సింగ్ తర్వాత పవన్ కళ్యాణ్ కి ఈ సినిమాతో అంత పెద్ద హిట్ పడింది అని అంటున్నారు.

ఈ సినిమాలో తెలుగు, మలయాళ వెర్షన్‌కి చాలా మార్పులు ఉన్నాయి. సినిమా క్లైమాక్స్‌లో కూడా కొన్ని మార్పులు జరిగాయి. అసలు అయ్యప్పనుం కోషియుమ్ లో క్లైమాక్స్ ఇలా ఉండదు. కానీ తెలుగులో మాత్రం రానా దగ్గుబాటి పోషించిన డేనియల్ శేఖర్ పాత్ర భార్య వచ్చి బాధ పడడం చూసి భీమ్లా నాయక్ శేఖర్ ని వదిలేస్తాడు. అంతే కాకుండా తప్పు శేఖర్ ది అన్నట్టు చెప్తారు. కానీ మలయాళం వెర్షన్‌లో కోషి పాత్రకి భార్య ఉండడం లాంటివి చూపించలేదు. అలా తెలుగులో చాలా మార్పులు జరిగాయి. అయితే ఈ మార్పుల వెనకాల ఒక కారణం ఉంది.

సాధారణంగా గత కొంత కాలం నుండి వస్తున్న త్రివిక్రమ్ సినిమాలు చూస్తూ ఉంటే చివరిలో ఆడవాళ్ళు ఎన్నో యుద్ధాలను ఆపగలరు అని ఉద్దేశం వచ్చేలాగా చూపిస్తున్నారు. ఈ సినిమాలో కూడా అదే విధంగా చూపించడానికి ప్రయత్నం చేశారు. ఆ కారణంగానే డానియల్ శేఖర్ భార్య పాత్ర చివరిలో రావడం జరుగుతుంది. దాంతో డానియల్ శేఖర్ తను చెల్లెలిలా భావించిన అమ్మాయి భర్త అని తెలుసుకున్న భీమ్లా నాయక్ డానియల్ శేఖర్ ని వదిలేస్తాడు. అందుకే కథలో ఈ విధంగా మార్పులు చేశారు.

కేజీఎఫ్ కన్నడ సినిమా అయినా కూడా తెలుగులో చాలా పాపులారిటీ దక్కించుకుంది. ఒక తెలుగు సినిమా కోసం ఎలా అయితే ప్రేక్షకులు ఎదురు చూస్తారో కేజీఎఫ్ సినిమా కోసం కూడా తెలుగు ప్రేక్షకులు అలాగే ఎదురు చూస్తున్నారు. ఇటీవలే కేజీఎఫ్ – 2 ట్రైలర్ విడుదల అయ్యింది.

సెకండ్ పార్ట్ లో రవీనా టాండన్, సంజయ్ దత్, ఈశ్వరీ రావు, ప్రకాష్ రాజ్ కూడా ఉన్నారు. ట్రైలర్ చూస్తే ప్రకాష్ రాజ్ మనకి కథ చెబుతున్నట్లు తెలిసిపోతోంది. అనంత్ నాగ్ తో పాటు ప్రకాష్ రాజ్ కూడా ఈ సినిమాలో అలాంటి ఒక ముఖ్య పాత్ర పోషిస్తున్నారు. ట్రైలర్ కి చాలా మంచి రెస్పాన్స్ వస్తోంది.

మొదటి భాగంలో పోలిస్తే ఈ సినిమాలో చాలా విషయాలు ఉండబోతున్నాయి. అలాగే యాక్షన్ కూడా ఎక్కువగానే ఉంటుంది. ఈ సినిమాకి ప్రశాంత్ నీల్ దర్శకత్వం వహిస్తున్నారు. కేజీఎఫ్ – 2 సినిమా మరికొన్ని రోజుల్లో విడుదల అవ్వబోతోంది. సినిమా బృందం ప్రస్తుతం దేశవ్యాప్తంగా ప్రమోషన్స్‌లో పాల్గొంటున్నారు. సినిమాలో కథా పరంగా కూడా చాలా ట్విస్ట్‌లు ఉండబోతున్నాయి. సినిమాకి సంబంధించి ఒక ట్విస్ట్ కూడా బయటికి వచ్చింది. ఈ సినిమాకి సంబంధించిన ఒక ప్రెస్ మీట్ లో హీరోయిన్ శ్రీ నిధి శెట్టి మాట్లాడారు. శ్రీ నిధి శెట్టి మాట్లాడుతూ సినిమాకు సంబంధించిన ఒక ఆసక్తికరమైన విషయాన్ని చెప్పారు.

ఇందులో తన పాత్రకి, అధీరా పాత్రకి, అలాగే రమికా సేన్ పాత్రకి సంబంధం ఉంటుంది అని, అది ఏమిటో తెలిసిన తర్వాత ప్రేక్షకులు షాక్ అవుతారు అని అన్నారు. అలాంటివి అస్సలు ఎక్స్పెక్ట్ కూడా చేసి ఉండరు అని అన్నారు. అలాగే ఈశ్వరీ రావు పోషించిన పాత్ర కూడా సినిమాకి చాలా ముఖ్యమైన పాత్ర అని సమాచారం. అధీరా పాత్రలో ప్రముఖ బాలీవుడ్ నటుడు సంజయ్ దత్ నటిస్తున్నారు. రమికా సేన్ పాత్రలో రవీనా టాండన్ నటిస్తున్నారు. రమికా సేన్ ఒక రాజకీయ నాయకురాలు అని మనకి ట్రైలర్ చూస్తే అర్థం అవుతోంది. మరి వారి ముగ్గురి మధ్య ఉండే సంబంధం ఏంటో తెలియాలి అంటే సినిమా విడుదల అయ్యే అంతవరకు ఆగాల్సిందే.

కేజీఎఫ్ కన్నడ సినిమా అయినా కూడా తెలుగులో చాలా పాపులారిటీ దక్కించుకుంది. ఒక తెలుగు సినిమా కోసం ఎలా అయితే ప్రేక్షకులు ఎదురు చూస్తారో కేజీఎఫ్ సినిమా కోసం కూడా తెలుగు ప్రేక్షకులు అలాగే ఎదురు చూస్తున్నారు. ఇటీవలే కేజీఎఫ్ – 2 ట్రైలర్ విడుదల అయ్యింది.

సెకండ్ పార్ట్ లో రవీనా టాండన్, సంజయ్ దత్, ఈశ్వరీ రావు, ప్రకాష్ రాజ్ కూడా ఉన్నారు. ట్రైలర్ చూస్తే ప్రకాష్ రాజ్ మనకి కథ చెబుతున్నట్లు తెలిసిపోతోంది. అనంత్ నాగ్ తో పాటు ప్రకాష్ రాజ్ కూడా ఈ సినిమాలో అలాంటి ఒక ముఖ్య పాత్ర పోషిస్తున్నారు. ట్రైలర్ కి చాలా మంచి రెస్పాన్స్ వస్తోంది.

మొదటి భాగంలో పోలిస్తే ఈ సినిమాలో చాలా విషయాలు ఉండబోతున్నాయి. అలాగే యాక్షన్ కూడా ఎక్కువగానే ఉంటుంది. ఈ సినిమాకి ప్రశాంత్ నీల్ దర్శకత్వం వహిస్తున్నారు. కేజీఎఫ్ – 2 సినిమా మరికొన్ని రోజుల్లో విడుదల అవ్వబోతోంది. సినిమా బృందం ప్రస్తుతం దేశవ్యాప్తంగా ప్రమోషన్స్‌లో పాల్గొంటున్నారు. ఇదిలా ఉండగా, ప్రముఖ క్రిటిక్ ఉమైర్ సంధు ఈ సినిమా గురించి ట్వీట్ చేశారు. ఈ ట్వీట్‌లో ఉమైర్ సంధు ఈ విధంగా రాసారు, “ఇప్పటివరకు నేను చూసిన సినిమాల్లో చాలా హార్డ్ హిట్టింగ్ సినిమా ఇది. సినిమా గురించి ఇంకా ఆలోచిస్తూనే ఉన్నాను. యష్ చాలా బాగా నటించారు. ఒక మాస్ ఎంటర్టైన్మెంట్ సినిమా” అని రాశారు.