Mohana Priya

సూపర్ స్టార్ రజనీకాంత్ అభిమానులు ఎప్పటినుంచో ఆసక్తిగా ఎదురుచూస్తున్న చిత్రం జైలర్. ఇందులో రజనీకాంత్ కు జంటగా తమన్నా నటిస్తోంది. నెల్సన్ డైరెక్షన్లో ఎంతో ప్రతిష్టాత్మకంగా తెరకెక్కుతున్న ఈ చిత్రం నిర్మాణ బాధ్యతలను సన్ పిక్చర్స్ నిర్వహిస్తుంది.

ఈ చిత్రానికి సంబంధించిన రెండవ పాట ‘హుకుం…’సోమవారం నాడు విడుదలై మంచి పాజిటివ్ బజ్ సంపాదించింది. ఈ పాట ఎంత పవర్ ఫుల్ గా ఉంటుంది అనేది చెబుతూ రజినీకాంత్ చెప్పిన సంభాషణతో ఓ వీడియోని కూడా మూవీ టీం విడుదల చేయడం జరిగింది.

ఇది పులి హుకుం అంటూ సందడి చేసిన రజినీకాంత్ వీడియో బాగా వైరల్ అయింది. ఈ చిత్రంలో రజనీకాంత్ మంచి పవర్ఫుల్ మాస్ రోల్ లో కనిపించనున్నట్లు తెలుస్తోంది. అయితే రీసెంట్ గా ఈ చిత్రానికి సంబంధించిన స్టోరీ లైన్ లీక్ అయినట్లుగా సోషల్ మీడియాలో ఓ న్యూస్ హల్ చల్ చేస్తుంది . ఇందులో నిజం ఎంత ఉందో తెలియదు కానీ.. ఇదే గనుక స్టోరీ లైన్ అయితే…పిక్చర్ వేరే రేంజ్ లో ఉండడం కన్ఫామ్ అని నటిజెన్లు అభిప్రాయపడుతున్నారు.

వస్తున్న వార్తల సారాంశం ప్రకారం ఈ మూవీలో రజనీకాంత్ ఒక జైలు వార్డెన్ గా కనిపించబోతున్నారు. రజినీకాంత్ జైలర్ గా వ్యవహరిస్తున్న జైల్లో ఖైదు చేయబడిన తమ లీడర్ ని కాపాడడం కోసం జైల్ ను బ్రేక్ చేయడానికి ఒక గ్యాంగ్ ప్లాన్ చేస్తుంది. మిగిలిన స్టాఫ్ ఆ గ్యాంగ్ ను ఎదుర్కోలేక చేతులెత్తేసే సమయంలో రజినీకాంత్ వంటి చేత్తో ఆ గ్యాంగ్ నుంచి కాపాడడం మూవీ యొక్క మెయిన్ స్టోరీ లైనట.

సింగిల్ ఎజెండాగా సాగే ఈ చిత్రం డైరెక్షన్ వహిస్తున్న నెల్సన్ ఇంతకుముందు ఇదే తరహాలో విజయ్ తో బీస్ట్ చిత్రాన్ని నిర్మించారు. అందులో కూడా ప్రధాన కథాంశం షాపింగ్ మాల్ అటాక్ చేసిన టెర్రరిస్ట్‌ల నుంచి విజయ్ మాల్ లో ఉన్న అందరిని ఎలా రక్షిస్తాడు అనే పాయింట్ చుట్టూ సాగుతుంది.

ఎంతో ఆసక్తిగా ఆ చిత్రాన్ని తెరకెక్కించిన విజయ్ జైలర్ మూవీ ని కూడా మరింత ఆసక్తికరంగా రూపొందించి ఉంటారు అని కొందరు అభిప్రాయపడుతున్నారు. వచ్చే నెల పదవ తేదీన ఈ చిత్రం గ్రాండ్ గా రిలీజ్ అవుతుంది. ఇందులో మోహన్ లాల్, శివ రాజ్ కుమార్ ప్రత్యేక క్యామియో రోల్ లో కనిపించనున్నారు.

టాలీవుడ్ ఇండస్ట్రీలో ఎంతో మంచి దర్శకుడుగా గుర్తింపు తెచ్చుకున్న పూరీ జగన్నాథ్ గత కొద్ది కాలంగా మంచి సక్సెస్ లేక ఇబ్బంది పడుతున్నారు. చాలా రోజుల తర్వాత రామ్ హీరోగా ఇస్మార్ట్ శంకర్ మూవీతో మంచి సక్సెస్ను అందుకున్న పూరీకి ఆ తర్వాత పెద్దగా హిట్లు లేవని చెప్పవచ్చు. వినూత్నమైన కాన్సెప్ట్ తో మంచి మాస్ యాంగిల్ లో రామ్ ని సరికొత్తగా చూపించిన మూవీ ఇస్మార్ట్ శంకర్.

ఈ మూవీ రామ్ కి కూడా మంచి కెరియర్ బ్రేక్ ఇచ్చిందని చెప్పవచ్చు. ఈ సినిమా తర్వాత ఫామ్ లోకి వచ్చిన రామ్ తర్వాత అనుకున్న రేంజ్ సక్సెస్ లను అందుకోలేకపోయాడు. ఈ సినిమాతో హీరోయిన్ గా మంచి గుర్తింపు తెచ్చుకున్న నిధి అగర్వాల్ ఆ తర్వాత మంచి సక్సెస్ అందుకోలేకపోయింది. ఒకే సినిమాతో సక్సెస్ అందుకున్న హీరో హీరోయిన్ మరియు డైరెక్టర్ ఆ తర్వాత పెద్దగా అవకాశాలు లేకపోవడం విశేషం.

ఈ నేపథ్యంలో డబల్ ఇస్మార్ట్ శంకర్ అని ఇస్మార్ట్ శంకర్ మూవీకి సీక్వెల్ ని తీయబోతున్న పూరి జగన్నాథ్ హీరోయిన్లకు అన్యాయం చేస్తున్నారని కొందరు భావిస్తున్నారు. ఈ సినిమాలో మొదట నటించిన హీరో హీరోయిన్ ని కాదని బాలీవుడ్ హీరోయిన్ ని తీసుకోవడానికి ఆసక్తి చూపుతున్నారు. నిధి అగర్వాల్, నభానటేష్ ను పక్కన పెట్టి ఈసారి మూవీ లో సారా అలీ ఖాన్, శ్రద్ధ కపూర్ ను తీసుకోవాలనుకుంటున్నట్లు తెలుస్తోంది.

ఏకంగా ఈసారి పూరి ఈ సినిమాని పాన్ ఇండియన్ స్థాయిలో రూపొందించబోతున్నట్లు తెలుస్తోంది. అందుకే బాలీవుడ్ ఇండస్ట్రీలో కూడా డిమాండ్ పెంచుకోవడం కోసం అక్కడ స్టార్ హీరోయిన్లకే అతని ఓటు వేస్తున్నాడు. ఈ విషయానికి సంబంధించిన అధికారిక ప్రకటన త్వరలో విడుదల కానున్నట్లు తెలుస్తోంది.

మాస్ మహారాజ రవితేజ మరియు ప్రముఖ దర్శకుడు హరీష్ శంకర్ కు సంబంధించి ఒక వార్త ప్రస్తుతం సోషల్ మీడియాలో బాగా వైరల్ అయింది.

వీళ్ళిద్దరి క్రేజీ కాంబోలో త్వరలో ఇంకో చిత్రం రానున్నట్లు వార్తలు వినిపిస్తున్నాయి. అది కూడా ఈ చిత్రం బాలీవుడ్ లో మంచి కలెక్షన్స్ రాబట్టిన ఒక సూపర్ హిట్ చిత్రానికి రీమేక్ అని తెలుస్తుంది.

ఈ సంవత్సరం వాల్తేరు వీరయ్య మరియు రావణాసుర లాంటి రెండు బ్యాక్ టు బ్యాక్ హిట్స్ తో బరిలోకి దిగిన రవితేజ ఈ తాజా రీమేక్ చిత్రానికి కూడా గ్రీన్ సిగ్నల్ ఇచ్చినట్లు తెలుస్తోంది. ఇంతకీ అది ఏ చిత్రం అనుకుంటున్నారా ఐదు సంవత్సరాల క్రితం అజయ్ దేవగన్ మెయిన్ క్యారెక్టర్ లో రూపొందిన రైడ్ చిత్రాన్ని ఇప్పుడు తెలుగులో రీమేక్ చేయబోతున్నారట.

ఒక ఇన్కమ్ టాక్స్ అధికారి మరియు రాజకీయనాయకుడు చుట్టూ తిరిగే ఈ కథ పైన రవితేజ సినిమా తీయనున్నట్లు తెలుస్తోంది. ఈ సినిమాకు హరీష్ శంకర్ డైరెక్టర్ గా వ్యవహరించబోతున్నట్లు ఓ చిన్ని పుకారు షికారు చేస్తోంది. అయితే ప్రస్తుతం హరీష్ శంకర్ పవన్ కళ్యాణ్ హీరోగా ‘ఉస్తాద్ భగత్ సింగ్’మూవీ చేస్తున్న విషయం తెలిసిందే.

కానీ ఎన్నికలు దగ్గర పడడంతో ప్రచారాల్లో బిజీగా ఉన్న పవన్ కారణంగా చిత్రం కాస్త డిలే అవుతున్నట్లు సమాచారం. వార్తల ప్రకారం పవన్ సినిమా వాయిదా పడడం నిజమే అయితే హరీష్ శంకర్ రవితేజ తో మూవీకి రెడీ అయినట్లే. ఇప్పటికే వీరిద్దరి కాంబినేషన్లో నిప్పు మరియు నేనైతే లాంటి బ్యాక్ టు బ్యాక్ హిట్ చిత్రాలు వచ్చి ఉన్నాయి. ఇప్పుడు తాజాగా వచ్చే ఈ మూడవ చిత్రం సక్సెస్ అయితే కచ్చితంగా ఈ కాంబో హ్యాట్రిక్ సాధించినట్లే.

ALSO READ : ఎన్టీఆర్‌ “దేవర” మూవీలో అల్లు అర్హ..! రెమ్యునరేషన్‌ ఎంతంటే..?

డైరెక్టర్ సాయి రాజేష్ నేతృత్వంలో రీసెంట్ గా రిలీజ్ అయి బాక్సాఫీస్ వద్ద సంచలనం సృష్టిస్తున్న చిత్రం బేబీ. మొదటి రోజే ఏడు కోట్ల గ్రాస్ కలెక్షన్స్ సొంతం చేసుకొని రికార్డు సృష్టించింది ఈ చిన్న సినిమా. ఈ వీకెండ్ పూర్తయ్య సరికి చిత్రం బ్రేక్ ఈవెన్ కూడా చేరుకుంటున్నట్లు తెలుస్తుంది. ఈ మూవీ హీరోయిన్ గా వైష్ణవి చైతన్యకు మంచి క్రేజ్ తెచ్చిపెట్టింది.

ఈ చిత్రం లో నటించిన ఆనంద్ దేవరకొండ, విరాజ్ అశ్విన్ కూడా ప్రేక్షకుల ముందు మంచి మార్కులు తెచ్చుకున్నారు. ఈ మూవీ గురించి మాట్లాడిన డైరెక్టర్ సాయి రాజేశ్…తాను 20 సంవత్సరాల ముందు ఒక అమ్మాయిని ప్రేమించడం వల్ల ఎంతో దారుణమైన బాధ అనుభవించాల్సి వచ్చిందని చెప్పారు.

అప్పుడు తాను పడ్డ బాధని స్క్రీన్ పై ఒక క్యారెక్టర్ రూపంలో తీసుకురావాలి అనే ఉద్దేశంతో ఈ చిత్రాన్ని రాసినట్లు అయన తెలిపారు. అయితే ఇప్పటికీ తన ఫస్ట్ లవ్ తన భార్య అని అయన క్లారిటీ ఇచ్చారు.ఈ మూవీని హీరో పాయింట్ అఫ్ వ్యూలో రాయడం జరిగిందని.. వైష్ణవి పాత్రను బ్యాడ్ చేయకూడదు అన్న ఉద్దేశంతో చిత్రం లెంత్ ఎక్కువైనా పర్వాలేదని భావించినట్లు ఆయన తెలిపారు.

వైష్ణవి పాత్ర స్క్రీన్ టైం కోసం తగ్గించి ఉన్నట్లయితే ఆమె నెగిటివ్ క్యారెక్టర్ గానే మిగిలిపోయేదన్ని ఆయన తెలిపారు.స్క్రీన్ టైం తక్కువగా ఉన్న కారణంగా విరాజ్ పాత్రకు సరిగ్గా న్యాయం చేయలేకపోయాను అని ఆయన పేర్కొన్నారు.ప్రస్తుతం ఉన్న మార్కెట్ స్ట్రాటజీ ప్రకారం చిత్రానికి బేబీ అని పేరు పెట్టాల్సి వచ్చింది అట.

పైగా చిన్న టైటిల్స్ అయితే ప్రేక్షకుల మధ్యకు ఫాస్ట్ గా వెళ్తాయి అని భావించినట్లు డైరెక్టర్ తెలిపారు. మూవీ లెంత్ ఎక్కువ అవడంతో కొన్ని పాత్రలకు సంబంధించిన చాలా పాయింట్స్ మిస్ అయ్యాయని, అందువల్ల కొన్ని వివాదాలు ఎదుర్కోవలసి వస్తోంది సాయి రాజేశ్ చెప్పుకొచ్చారు.

ALSO READ : “బేబీ” మూవీలో “హీరోయిన్ ఫ్రెండ్” గా నటించిన అమ్మాయి ఎవరో తెలుసా..? ఆమె బ్యాక్‌గ్రౌండ్‌ ఏంటంటే..?

ప్రస్తుతం టాలీవుడ్ స్టార్ కిడ్స్ లో ఎక్కువగా వినిపిస్తున్న పేరు ఎవరిది అంటే మహేష్ బాబు కూతురు ఘట్టమనేని సితార.‌ సోషల్ మీడియాలో తన పోస్టుల ద్వారా అలానే యూట్యూబ్లో తన వీడియోల ద్వారా బాగా ఫేమస్ అయిన సితార ఈ మధ్యనే తన తండ్రి సర్కార్ వారి పాట చిత్రంలో ఒక ప్రమోషనల్ పాటలో కనిపించి అందరిని ఆకట్టుకుంది.

ఇక అంతే కాదు ఈమధ్య ఏకంగా ఒక భారీ ప్రాజెక్టుకి బ్రాండ్ అంబాసిడర్ గా చేసి అందరిని ఆశ్చర్యపరిచింది. పీఎంజే జ్యువెల్లర్స్ బ్రాండ్ అంబాసిడర్‌గా తొలి అడుగు వేసిన సితార, అదే విషయం గురించి తన ఆనందాన్ని పంచుకుంటూ ఈ మధ్య ఒక ఇంటర్వ్యూ ఇచ్చింది. ఈ క్రమంలో తొలి రెమ్యూనరేషన్ తల్లి లేదా తండ్రికి ఇచ్చారా? అని ఒక ప్రశ్న తనకు ఎదురవగా.. దానికి సమాధానముగా ఈ సూపర్ స్టార్ కూతురు తన మొదటి రెమ్యునరేషన్ ఛారిటీకి ఇచ్చానని బదులిచ్చింది.

అంతేకాదు తన మొదటి యాడ్ చూసి తండ్రి చాలా మెచ్చుకున్నాడని, అలానే న్యూయార్క్ టైమ్ స్క్వేర్‌లో తన ఇమేజ్ లాంచ్ చేశారని నాన్న చెప్పగానే, గట్టిగా హత్తుకుని ఏడ్చేశానని తెలిపింది.

మొత్తం పైన తన తండ్రి ఒకపక్క చిన్నపిల్లలకి హార్ట్ ఆపరేషన్ చేయిస్తూ ఉంటే, సితార కూడా తన మొదటి రెమ్యునరేషన్ ఇలా ఇవ్వటం పై అభిమానులు ఎంతగానో అభినందిస్తున్నారు.

ఇక మహేష్ బాబు సినిమాల విషయానికి వస్తే ప్రస్తుతం ఈ హీరో త్రివిక్రమ్ దర్శకత్వంలో గుంటూరు కారం చిత్రం షూటింగులో బిజీగా ఉన్నాడు. ఎంతోకాలంగా షూటింగ్ వాయిదా పడుతూ వచ్చిన ఈ చిత్రం ప్రస్తుతం శరవేగంగా షెడ్యూల్ స్ఫూర్తి చేసుకుంటూ త్వరలోనే విడుదలకు సిద్ధమవుతోంది. అయితే మొన్నటి వరకు ఈ చిత్రంలో హీరోయిన్ పూజా హెగ్డే అనుకోగా, ఇప్పుడు మాత్రం ఆ ప్లేస్ లోకి శ్రీ లీలా రావడం గమనర్హం.