Mohana Priya

మామూలుగా మనం అన్నం తినేటప్పుడు ఒక్కొక్కరు ఒక్కో విధంగా తింటారు. అందులో కొంతమంది నీరు పక్కన లేకుంటే అన్నం అసలు తినలేరు.

కొంతమంది అన్నం పూర్తయ్యాక మాత్రమే నీరు తాగుతారు. మరి అన్నం తిన్న వెంటనే నీరు తాగవచ్చా.. లేదా అన్నది ఒకసారి చూడండి..!మన హెల్దీగా ఉండాలంటే నీరు అనేది తప్పనిసరిగా తీసుకోవాలి. ప్రతిరోజు 10 నుంచి 12 గ్లాసుల నీటిని తాగితే ఆరోగ్యంగా ఉంటాం..

కానీ కొంతమంది తాగాల్సిన టైంలో కాకుండా మిగతా టైం లో నీరు తాగుతూ ఉంటారని దీని వల్ల ఆరోగ్య సమస్యలు వస్తాయని కొంతమంది నిపుణులు తెలియజేస్తున్నారు.. తిన్న వెంటనే నీరు తాగొచ్చా.. ఏంటో ఒక సారి చూద్దాం..!!

అయితే తిన్న వెంటనే నీళ్లు తాగకూడదు అని వైద్య నిపుణులు అంటున్నారు. ఎందుకంటే జీర్ణక్రియ నిర్వహణ అనేది అప్పుడే ప్రారంభం అవుతుంది. మనం తిన్న ఆహారం జీర్ణం కావడానికి రెండు గంటల సమయం పడుతుంది.. ఈ క్రమంలో నీరు తాగితే జీర్ణక్రియ వేడి తగ్గుతుంది. దీని వల్ల అది జీర్ణ వ్యవస్థ పై ప్రభావితం అవుతుంది. ఇలాంటి పరిస్థితుల్లో నీళ్లు తాగడం వల్ల ఎసిడిటీ, కడుపు ఉబ్బరం, ఇలాంటి సమస్యలు వస్తాయని నిపుణులు తెలియజేస్తున్నారు..

మరి నీరు ఎప్పుడు తాగాలి..?

వ్యక్తి తిన్న తర్వాత ఒక గంట విరామం తీసుకొని నీరు తాగితే అతని బరువును నియంత్రించ వచ్చు.అలాగే ఉదయం లేవగానే రెండు గ్లాసుల నీటిని తాగితే జీర్ణ వ్యవస్థ బలంగా తయారవుతుంది.

తిన్న గంట తర్వాత నీరు తాగితే గ్యాస్ వంటి సమస్యలకు చెక్ పెట్టవచ్చు.

అలాగే భోజనానికి 30 నిమిషాల ముందు నీరు తాగడం చాలా మంచిది.

వేసవికాలంలో ఎండలు తట్టుకోలేక మనం ఎక్కువగా పానీయాలను తీసుకుంటూ ఉంటాము. నీళ్ల తో పాటుగా ఎక్కువగా పండ్ల రసాలు వంటివి తీసుకుంటూ ఉంటాము. ఎండల వల్ల నీరసం కలగకుండా ఉండాలంటే కొబ్బరి నీళ్ళు కూడా ఎక్కువగా తాగుతూ ఉండొచ్చు. అలానే చెరకు రసాన్ని కూడా ఎక్కువ మంది ఈ వేసవి లో తీసుకుంటూ ఉంటారు.

నిజానికి చెరుకు రసం తాగితే ఎండ నుంచి ఉపశమనం లభించి హాయిగా ఉంటుంది. చెరుకు రసం అప్పుడే ఫ్రెష్ గా తీసాక ఎండ వేళలో తాగుతూ ఉంటే ప్రాణం లేచి వచ్చినట్టు ఉంటుంది. అయితే ఎప్పుడైనా మీరు గమనించారా..?

చెరుకు రసాన్ని తీస్తున్న ప్రక్రియలో చెరకు మధ్యలో నిమ్మకాయని పెట్టి జ్యూస్ చేస్తారు. అయితే తియ్యగా చక్కగా ఉండే చెరుకు రసం లో నిమ్మకాయ ఎందుకు కలుపుతారు..?, నిమ్మకాయ వలన ఏదైనా ప్రయోజనం ఉంటుందా..? లేదంటే అందరూ అలానే చేస్తున్నారని ఈ తరంలో కూడా ఫాలో అవుతున్నారా అనే దాని గురించి ఇప్పుడు చూద్దాం.

source: flickr

చెరుకు రసాన్ని చేస్తున్న ప్రక్రియలో నిమ్మకాయ పెట్టడం వల్ల రెండు ప్రయోజనాలు మనం పొందొచ్చు. ఒకటి ఏంటంటే చెరుకురసం తీసేటప్పుడు చెరుకు మధ్య నిమ్మకాయ పెట్టి తీయడం వలన ఆ జ్యూస్ ని తాగితే మనకి పైత్యం చెయ్యదు. ఒకవేళ నిమ్మకాయ రసం లేదంటే పైత్యం చేస్తుంది. పచ్చి చెరుకురసం పైత్యం చేస్తుందని విరుగుడుగా నిమ్మకాయను పెడతారు.

అలానే ఆరోగ్యానికి హాని చేసే సూక్ష్మ క్రిములు చెరుకుగడలులో ఉంటాయి. ఇటువంటి వాటి వల్ల ఎలాంటి హాని కలగకూడదని నిమ్మరసాన్ని వేస్తారు. నిమ్మ రసం మనకి చెరుకు రసం వల్ల ఎలాంటి హానీ కలగకుండా ఉండేలా చేస్తుంది అందుకే చెరుకురసం తీసేటప్పుడు నిమ్మకాయని మిషన్ మధ్యలో పెట్టి జ్యూస్ తీయడం జరుగుతుంది.

చాలామంది ఇంటిని శుభ్రంగా ఉంచుకోవడానికి చాలా సమయాన్ని కేటాయిస్తారు. ఎందుకంటే మన పరిసరాలు బాగుంటేనే మనం ఆరోగ్యంగా ఉంటాము. అలాంటిది పసి పిల్లలు ఉన్న ఇంట్లో ఎలాంటి జాగ్రత్తలు తీసుకోవాలి..? ఇల్లును ఏ విధంగా ఉంచుకోవాలి..? అనేది చాలా ముఖ్యం.

#1. తల్లులు ఎంతో శుభ్రతను పాటించాలి:

పసిపిల్లలు తల్లితోనే ఎక్కువ సమయం గడుపుతారు. కాబట్టి రోజుకు రెండు సార్లు వాళ్ళ బట్టలు మార్చుకుంటూ ఉండాలి. ముఖ్యంగా పాలు ఇచ్చే తల్లి బట్టల విషయంలో ఎంతో జాగ్రత్త వహించాలి.

#2. తల్లులకు గోళ్లు వుండకూడదు:

పసి పిల్లల తల్లులకు గోర్లు ఉండడం వల్ల పిల్లలకు జబ్బులు వచ్చే అవకాశాలు ఉంటాయి. కాబట్టి తరచుగా గోళ్లను కట్ చేసుకుంటూ ఉండాలి మరియు నెయిల్ పాలిష్ ను అస్సలు ఉపయోగించకూడదు. అంతేకాదు జుట్టు విరబోసుకోవడం మంచిది కాదు. ఎందుకంటే అది కనుక పిల్లల నోట్లో పెట్టుకుంటే ఇబ్బందులు వస్తాయి.

#3. పసిపిల్లల బట్టలను ఇలా ఉతకండి:

ఈ మధ్య ఎక్కువగా ఫ్యాబ్రిక్ సాఫ్ట్నర్లను ఎక్కువగా ఉపయోగిస్తున్నారు. అయితే అవి అసలు ఉపయోగించకూడదు. కేవలం వేడినీళ్ళతో బట్టలను ఉతకడమే మంచిది. కావాలనుకుంటే కొన్ని చుక్కల డెటాల్ ను మాత్రమే వేడి నీటిలో కలిపి బట్టలను ఉతకవచ్చు. తరచుగా హ్యాండ్ గ్లౌజ్, సాక్స్ వంటి వాటిని ఉతుకుతూ ఉండాలి.

#4. ఇంటిని శుభ్రంగా ఉంచుకోవాలి:

ప్రతి రోజు దుమ్ము కనిపించకుండా తుడుచుకోవాలి. ముఖ్యంగా పసిపిల్లలు ఉండే ఇళ్లలో రెండు రోజులకు ఒకసారైనా తడిగుడ్డ పెట్టాలి. అలా అని ఎక్కువగా ఫ్లోర్ క్లీనర్ ను ఉపయోగించకూడదు. తడిగుడ్డ పెట్టేటప్పుడు ఆ నీటిలో కొంచెం ఉప్పు వేసి పెడితే మన పరిసరాలలో ఉండే నెగిటివిటీ తగ్గుతుంది.

#5. ప్లాస్టిక్ ను ఎక్కువగా ఉపయోగించవద్దు:

చాలా వరకు మన చుట్టు ప్లాస్టిక్ కవర్లు, డెకరేషన్ కు సంబంధించిన సామాన్లు వంటివి ఉంటాయి. అయితే వాటివల్ల హానికరమైన టాక్సిన్స్ రిలీజ్ అవుతాయి మరియు పిల్లల ఆరోగ్యం దెబ్బతింటుంది. కాబట్టి వీలైనంత వరకు ప్లాస్టిక్ కు దూరంగా ఉండండి.

#6. తల్లులు తప్పకుండా ఈ దుస్తులను ధరించండి:

పసిపిల్లలను ఎత్తుకున్నప్పుడు వారికి బట్టలు వల్ల ఇబ్బంది కలగకుండా ఉండేటట్లు చూసుకోండి. వీలైనంతవరకు మెత్తటి దుస్తులను ధరించండి. పిల్లలకు కంఫర్టబుల్ గా లేకపోతే ఏడుస్తారు. కాబట్టి బట్టలు విషయంలో కూడా జాగ్రత్తలు తీసుకోండి

ప్రపంచం ఎంతో ముందుకు వెళ్ళింది. టెక్నాలజీ ద్వారా ఎన్నో కొత్త విషయాలను కనుగొన్నాం. ఎన్నో వ్యాధులకు కూడా మందులను కనుగొన్నారు. కానీ ఇప్పటివరకు జలుబుకి మాత్రం సరైన మందు రాలేదు.

ఇందుకు కారణం ఏంటో ఇప్పుడు తెలుసుకుందాం. జలుబు రైనో వైరస్ అనే బ్యాక్టీరియా ద్వారా వస్తుంది. ఇందులో ఒకటి కాదు రెండు కాదు ఏకంగా 200 వైరస్ లు ఉంటాయి.

అందుకే ఇప్పటి వరకు దాదాపు 70 సంవత్సరాల నుండి ఎన్నో ఫార్మా సంస్థలు జలుబుకి మందు కనుక్కోవడానికి ప్రయత్నిస్తున్నా కూడా ఒక్క సరైన మందు కూడా దొరకలేదు. జలుబుకి కారణమైన వైరస్ అనేది మన గొంతు భాగంలో చేరుకొని అక్కడి నుండి వ్యాపిస్తూ ఉంటుంది. అలా మన శరీరంలో జలుబు లక్షణాలు కనిపించినప్పుడు మన శరీరమే జలుబుకి వ్యతిరేకంగా పోరాడడానికి ప్రయత్నిస్తుంది.

సరైన మందు లేకపోయినా కూడా మనం కొన్ని జాగ్రత్తలు తీసుకుంటే జలుబు అనేది ఖచ్చితంగా తగ్గుతుంది. జలుబు చేసినప్పుడు సాధారణ సమయం కంటే ఎక్కువ సేపు నిద్ర పోవాలి. నిద్రపోతున్న సమయంలో మన శరీరం ఇంకా బలంగా ఇన్ఫెక్షన్లతో పోరాడగలుగుతుంది. తక్కువ వ్యాయామం చేయాలి. పోషకాహారం తీసుకోవాలి. ముఖ్యంగా మన శరీరంలో రోగనిరోధక శక్తిని పెంచుకోవాలి.

చేతులను ఎప్పటికప్పుడు శుభ్రంగా కడుక్కుంటూ ఉండాలి. ముక్కు, నోరు, కళ్ళని ఊరికే ముట్టుకోకూడదు.అంతే కాకుండా నీళ్లు ఎక్కువగా తాగాలి. ఈ కారణంగా మనలో ఉండే మ్యూకస్ అనేది పల్చబడిపోతుంది. తొందరగా బయటికి వచ్చేస్తుంది. ఇలా చేస్తే జలుబుని తొందరగా నివారించవచ్చు.

మన ఆరోగ్యానికి మంచిది అనే చెప్పే వాటిలో రెండు ముఖ్యమైన పదార్థాలు వెన్న, నెయ్యి. ఈ రెండు తరచుగా తీసుకుంటూ ఉంటే ఆరోగ్యానికి చాలా మంచిది అని, శక్తి వస్తుంది అని చెప్తారు.

కానీ నెయ్యి, వెన్నలో ఏది ఎక్కువ మంచిది అనేది అందరికీ సహజంగా వచ్చే అనుమానం. నెయ్యి, వెన్నలో ఏది మంచిదో ఇప్పుడు తెలుసుకుందాం.

ఆయుర్వేద నిపుణులు చెప్పిన దాని ప్రకారం వెన్న దగ్గు, హెమరాయిడ్స్, ఏమాసియేటింగ్ డిసీజెస్ నుండి ఉపశమనం కలిగిస్తుంది. జీర్ణశక్తి కూడా బాగుంటుంది. ఇంక నెయ్యి విషయానికి వస్తే, నెయ్యి తెలివి తేటలను, జ్ఞాపక శక్తిని పెంచుతుంది. అరుగుదలకి కూడా సహకరిస్తుంది. రోగ నిరోధక శక్తి కూడా పెరుగుతుంది.

కంటిచూపు, జీవితకాలం పెరగడానికి కూడా నెయ్యి ఉపయోగపడుతుంది. నెయ్యి వల్ల ఆహారంలో ఉండే పోషకాలను శరీరం తేలికగా గ్రహించగలుగుతుంది. లాక్టోజ్ ఇంటోలరెన్స్ ఉన్నవారు నెయ్యిని తీసుకోవచ్చు. నెయ్యి ఎక్కువ రోజులు నిలువ ఉంటుంది. వెన్న కంటే కూడా నెయ్యి వల్ల లాభాలు చాలా ఉంటాయి. నెయ్యితో పోల్చి చూస్తే వెన్నలో సాచ్యురేటెడ్ ఫాట్స్ ఎక్కువగా ఉంటాయి.

వీటి వల్ల కొలెస్ట్రాల్ లెవెల్ పెరుగుతుంది. నెయ్యి కాన్స్టిపేషన్ సమస్యను తగ్గిస్తుంది. కానీ వెన్న కాన్స్టిపేషన్ సమస్యను పెంచుతుంది. డైరెక్ట్ గా పాల నుండి తయారు చేసే నెయ్యి మంచిది కాదు. కఫం ఉన్న వాళ్లు నెయ్యిని తక్కువ మోతాదులో తీసుకోవడం మంచిదని ఆరోగ్య నిపుణులు చెప్పారు. నెయ్యి, వెన్నలో దేని వల్ల ఎక్కువ లాభాలు ఉంటాయో ఈ పాటికే మీకు అర్థమైపోయి ఉంటుంది.

సాధారణంగా వర్షాకాలం అంటే జాగ్రత్తగా ఉండాలి. అసలు మామూలుగానే ఈ సమయంలో ఎక్కువ జాగ్రత్తలు పాటిస్తున్నాం. ఇంక వర్షాకాలం అంటే మాత్రం ఇంకా ఎక్కువగా జాగ్రత్తగా ఉండాలి. ఎందుకంటే వర్షాకాలంలో ఏ వ్యాధి అయినా సరే తొందరగా వ్యాపించే అవకాశాలు ఉంటాయి.

వర్షాకాలంలో మనం తీసుకోవలసిన ఆహారంలో కూడా కొన్ని మార్పులు చేయాల్సి ఉంటుంది. ఎందుకంటే సాధారణ వాతావరణం ఉన్నప్పటికంటే, చలి వల్ల జీర్ణక్రియ మారుతూ ఉంటుంది. దాంతో అరుగుదల తగ్గి డైజషన్ కి సంబంధించిన సమస్యలు వస్తాయి. ఈ కాలంలో రోగనిరోధక శక్తి పెంచుకోవడం కూడా ఎంతో అవసరం. వర్షాకాలంలో తీసుకోవలసిన ఆహారాలు ఏంటో ఇప్పుడు చూద్దాం.

# ఈ కాలంలో బయట ఆహారానికి దూరంగా ఉండడమే మంచిది. ఇంట్లో చేసిన ఆహారం ఎక్కువగా తీసుకోవాలి. అలాగే పసుపు, అల్లం, వెల్లుల్లి, మిరియాలు వంటివి రోగనిరోధక శక్తిని పెంచుతాయి. ఇవి ఆహారంలో ఉండేలా చూసుకోవాలి. అంతే కాకుండా నిమ్మరసం లాంటివి కూడా తాగుతూ ఉంటే ప్రయోజనం ఉంటుంది.

# నారింజ కూడా ఎక్కువగా తీసుకోవాలి. వీటిలో విటమిన్ సి ఉంటుంది. విటమిన్ సి రోగ నిరోధక శక్తి పెంచేందుకు ఎంతగానో ఉపయోగపడుతుంది.

# పెరుగు కూడా ఎక్కువగా తినాలి. ఏ కాలమైనా సరే పెరుగు మాత్రం ఖచ్చితంగా తీసుకోవాలి. వీటితో పాటు ఆకుకూరలు కూడా ఎక్కువగా తీసుకోవాలి.

# కషాయం లేదా హెర్బల్ టీ తరచుగా తీసుకుంటూ ఉండాలి. తులసి, అల్లం, దాల్చిన చెక్క, పసుపు, నల్ల ఉప్పు నీటిలో వేసి, మరిగించి, దాంట్లో నిమ్మరసం, తేనె కలుపుకుని తాగితే ఆరోగ్య సమస్యలు దగ్గరికి కూడా రావట.

# ఈ కాలంలో ఎక్కువగా లభించే పదార్థం మొక్కజొన్న కండె. దీని వల్ల ఆరోగ్యానికి కూడా ఎంతో మేలు జరుగుతుందట. ఎందుకంటే మొక్కజొన్నలో తక్కువ కేలరీలు ఉంటాయి. ఎక్కువ ఫైబర్ ఉంటుంది. దీని వల్ల కంటి చూపు మెరుగుపడుతుంది.

ఇది బరువు తగ్గడంలో సహాయపడుతుంది. అంతే కాకుండా జీర్ణక్రియను మెరుగుపరుస్తుంది. మొక్కజొన్న ని ఉడికించి అయినా తినవచ్చు. లేదా కాల్చుకొని కూడా తినవచ్చు.

ప్రస్తుతం మనం ఉన్న పరిస్థితుల దృష్ట్యా మన ఆరోగ్యం మీద ఇంకా ఎక్కువ శ్రద్ధ పెట్టడం అవసరం. కరోనా నుండి కానీ లేదా ఇతర ఏ అనారోగ్య సమస్యల నుండి కానీ మనల్ని మనం కాపాడుకోవడానికి కావలసినది ఇమ్మ్యూనిటీ.

ఈ ఇమ్యూనిటీ కోసం మనం ఈ కింద చెప్పినవి ఇంట్లోనే తయారుచేసుకుని తరచుగా తీసుకుంటూ ఉంటే రోగ నిరోధక శక్తి పెరుగుతుంది.

#1 మసాలా టీ

ఇంట్లో దొరికే మసాలా సామాగ్రితో ఈ టీ తయారు చేస్తారు. ఇందులో వాడే అల్లం, దాల్చిన చెక్క, లవంగాలు, యాలకులు, మిరియాలు పదార్థాలలో ఇన్ఫెక్షన్లు నివారించే శక్తి ఉంటుంది.

#2 తేనే, నిమ్మరసం

తేనె, నిమ్మరసం కలిపి తీసుకోవడం వల్ల గొంతు సమస్యలు తగ్గుతాయి. అలాగే శ్వాస సంబంధిత సమస్యల నుండి కూడా ఇది కాపాడుతుంది.

#3 పసుపు టీ

పసుపులో ఉండే గుణాల గురించి ప్రత్యేకంగా చెప్పాల్సిన అవసరం లేదు. పసుపులో ఉండే కర్క్యుమిన్ అనే ప్రోటీన్ రోగ నిరోధక శక్తిని పెంచుతుంది. కొంచెం నీటిలో పసుపు కలిపి అందులో రుచి కోసం నిమ్మకాయ కాని తేనె కాని కలిపి తీసుకుంటే ఆరోగ్యానికి చాలా మంచిది.

#4 గ్రీన్ స్మూతీ

కొంచెం బచ్చలికూర తీసుకొని అందులో పైనాపిల్ లేదా మామిడి ముక్కలు, నిమ్మరసం, అల్లం, పాలు లేదా పెరుగు తీసుకొని ఆ పదార్థాల మొత్తాన్ని ఒక మిశ్రమం లాగా చేసుకుని, ఈ మిశ్రమాన్ని వడపోసుకొని తాగాలి. ఇందులో ఉండే విటమిన్ ఏ, విటమిన్ సి, ఫోలిక్ యాసిడ్ తదితర యాంటీ ఆక్సిడెంట్లు కడుపులో మంట వంటి సమస్యలను, అలాగే శరీరంలో ఇన్ఫెక్షన్లను తగ్గిస్తాయి.