Bigg Boss Telugu-5: బిగ్‌బాస్‌లో మిగిలిన కంటెస్టెంట్స్ తో మాట్లాడకపోవడంపై స్పందించిన దీప్తి సునైనా..!

బిగ్ బాస్ లో ఎవరు ఊహించని విధంగా రవి ఎలిమినేట్ అయ్యారు. ఫైనల్స్ వరకు వస్తారు అనుకున్న కంటెస్టెంట్స్ లో రవి ఒకరు. కానీ రవి ఎలిమినేట్ అవ్వడంతో ప్రస్తుతం షోపై తీవ్ర స్థాయిలో విమర్శలు వస్తున్నాయి.

“మా ఓట్లు మీద ఎలిమినేట్ అయ్యే వారిని నిర్ణయించనప్పుడు మేము ఓట్లు వెయ్యడం ఎందుకు? అసలు ఓటింగ్ పెట్టడం ఎందుకు?” అని కామెంట్స్ చేస్తున్నారు నెటిజన్లు. రవి కూడా తాను ఎలిమినేట్ అవుతాను అని ఎక్స్పెక్ట్ చెయ్యలేదు అని బిగ్ బాస్ బజ్ లో చెప్పారు. ఇదిలా ఉండగా, గత వారం కంటెస్టెంట్స్ ని కలుసుకోవడానికి వారి కుటుంబ సభ్యులు వచ్చిన విషయం తెలిసిందే. ఇది మాత్రమే కాదు వీకెండ్ ఎపిసోడ్ లో కూడా కొంత మంది కుటుంబ సభ్యులు, స్నేహితులు వచ్చి కంటెస్టెంట్స్ ని పలకరించారు.

వారిలో షణ్ముఖ్ గర్ల్ ఫ్రెండ్ దీప్తి సునైనా కూడా ఉన్నారు. దీప్తి వచ్చి షణ్ముఖ్ తో మాట్లాడి బాగా ఆడమని చెప్పి వెళ్లారు.  ఈ నేపధ్యంలో సోషల్ మీడియాలో ట్రోలింగ్‌కి గురయ్యారు దీప్తి. షోలో షణ్ముఖ్ తో తప్ప మిగిలిన కంటెస్టెంట్స్ తో మాట్లాడలేదు అని నెటిజెన్స్ నెగటివ్ గా కామెంట్స్ చేస్తున్నారు. ఈ కామెంట్స్ పై దీప్తి సునైనా స్పందించారు. “ఆటిట్యూడ్ కాదు అని, అక్కడ ఆటిట్యూడ్ ఎందుకు చూపిస్తా” అని అన్నారు.

“అంతే కాకుండా తాను లాస్ట్ లో వెళ్లినట్టు, టీం హడావిడి పెట్టడంతో షన్నుతో మాత్రమే మాట్లాడి వచ్చినట్టు, బయటికి వచ్చేశాక మిగిలిన వారితో మాట్లాడలేదు అని గుర్తుకి వచ్చినట్టు” చెప్పారు. “చాలా రోజుల తర్వాత షన్నుని చూడడంతో ఆ ట్రాన్స్ లో ఉండిపోయినట్టు, అందుకే ఇంకా చాలా మాట్లాడాలి అని ఉన్నా కూడా హడావిడిలో మాట్లాడలేకపోయినట్టు, తన పరిస్థితిని కూడా అర్ధం చేసుకోమని” ఇంస్టాగ్రామ్ స్టోరీలో పెట్టారు దీప్తి సునైనా.