Ads
బాలీవుడ్ లో బెస్ట్ యాక్టర్స్ లో విద్యాబాలన్ ఒకరు. విద్యాబాలన్ సౌత్ కి చెందిన వారు అయినా కూడా, తన టాలెంట్ తో బాలీవుడ్ లో స్టార్ హీరోయిన్ గా ఎదిగారు. ఎన్నో సినిమాల్లో తన నటనకి అనేక అవార్డులని కూడా అందుకున్నారు. తెలుగులో కూడా ఎన్టీఆర్ కథానాయకుడు, మహానాయకుడు సినిమాల్లో నటించారు. విద్యాబాలన్ నటించిన శకుంతలాదేవి సినిమా అమెజాన్ ప్రైమ్ లో విడుదలై విజయం సాధించింది.
Video Advertisement
ఇప్పుడు విద్యాబాలన్ షేర్నీ అనే సినిమాలో నటిస్తున్నారు. ఈ సినిమా షూటింగ్ మధ్యప్రదేశ్ అడవుల్లో జరగనుంది. కానీ కొన్ని కారణాల వల్ల సినిమా షూటింగ్ ఆగింది అనే వార్తలు వినిపిస్తున్నాయి. డిఎన్ఏ ఇండియా , ఇండియా.కామ్, టైమ్స్ నౌ న్యూస్ కథనం ప్రకారం మధ్యప్రదేశ్ మంత్రి విజయ్ షా, విద్యాబాలన్ ని డిన్నర్ కి ఆహ్వానించారట. కానీ విద్యాబాలన్ దాన్ని తిరస్కరించారు.
తర్వాత ఈ సినిమా ప్రొడక్షన్ టీంకి సంబంధించిన వాహనాలను అడవిలోకి ఎంటర్ అవ్వకుండా ఆపారు. బాలాఘాట్ డిస్ట్రిక్ట్ ఫారెస్ట్ ఆఫీసర్, కేవలం రెండు వాహనాలు మాత్రమే వెళ్లడానికి అనుమతి ఇచ్చారు. ఈ సంఘటన విద్యాబాలన్ డిన్నర్ ఆహ్వానాన్ని తిరస్కరించిన ఒక రోజు తర్వాత జరిగింది.
ఈ వార్తలపై విజయ్ షా స్పందిస్తూ “షూటింగ్ కోసం అనుమతి తీసుకున్న వాళ్ళు రిక్వెస్ట్ చేయడంతో నేను బాలాఘాట్ దగ్గరే ఉన్నాను. వాళ్లు నన్ను లంచ్ కి కానీ, డిన్నర్ కి కానీ రమ్మని ఆహ్వానించారు. నేను ఇప్పుడు వీలు కాదు అని, మహారాష్ట్రకి వెళ్ళినప్పుడు కలుస్తాను అని చెప్పాను. క్యాన్సిల్ అయింది లంచ్ (లేదా) డిన్నర్ మాత్రమే. షూటింగ్ కాదు” అని పేర్కొన్నారు. ప్రస్తుతానికైతే, ఈ విషయంపై చిత్రబృందం స్పందించలేదు.
End of Article
