Ads
ప్రశాంత్ వర్మ అనే పేరు ఈ మధ్య సోషల్ మీడియాలో బాగా వైరల్ అవుతుంది. ప్రశాంత్ వర్మ దర్శకత్వం వహిస్తూ తేజ సజ్జ, అమృత అయ్యర్లు హీరో హీరోయిన్లుగా తెరకెక్కిస్తున్న చిత్రం ‘హనుమాన్’. ఈ సినిమా జనవరి 12 సంక్రాంతికి విడుదల కానుంది. అయితే ఈ సినిమా చాలా ఇబ్బందుల్ని ఎదుర్కొంటుంది. థియేటర్స్ విషయంలో జరుగుతున్న హవా వలన ఈ సినిమాకు మరింత హైప్ పెరిగిపోయింది.
Video Advertisement
ఇప్పటివరకు రిలీజ్ అయిన పాటలు, ట్రైలర్, టీజర్ విశేషంగా ప్రేక్షకులను ఆకట్టుకున్నాయి. ఈ సినిమా మీద ఎంతో మంది ఎన్నో ఎక్స్పెక్టేషన్స్ చూపిస్తున్నారు. ఎన్ని అడ్డంకులు వచ్చినా సంక్రాంతి రేసు నుంచి ఈ సినిమా వెళ్లదు అని మొండిగా కూర్చున్నారు ఈ చిత్రం బృందం. ఎలాగైనా సంక్రాంతికి హిట్ కొడతాము అని ధైర్యంగా ఉన్నారు. అయితే ఈ సినిమా ప్రమోషన్ల కోసం ఇంటర్వ్యూలు కూడా ఇస్తున్నారు ప్రశాంత్ వర్మ.
అయితే ఒక ఇంటర్వ్యూలో ఒకవేళ మీరే గాని మహాభారతం తీయాల్సి వస్తే అందులో కర్ణుడి పాత్రలో ఏ హీరోని పెడదాం అనుకుంటున్నారు అని యాంకర్ అడగగా పవన్ కళ్యాణ్ ని పెడదాం అనుకుంటున్నాను. ఎందుకంటే కర్ణుడు అంటే మనకి గుర్తొచ్చేది బాధలు మాత్రమే. కానీ కర్ణుడు ఎవరేమనుకున్నా పట్టు పట్టి తను చేయాలనుకున్నదే తను చేస్తాడు.. దేనికోసమైనా ఫైట్ చేయాలనుకుంటే ఎవరిని పట్టించుకోడు.
పవన్ కళ్యాణ్ గారి విషయంలో నాకు అదే ఆటిట్యూడ్ కనిపిస్తుంది. తను ఏదో చేయాలనుకుంటున్నారు. ఆ ఆటిట్యూడ్ కర్ణుడిలో ఉంటుంది. అందుకే కర్ణుడు పాత్రలో పవన్ కళ్యాణ్ గారు సరిపోతారు అని పేర్కొన్నారు ప్రశాంత్ వర్మ. అయితే ఈ మాటలు విన్న తర్వాత పవన్ కళ్యాణ్ ఫ్యాన్స్ అందరూ వాహ్ ఏం చెప్పావన్న అని ప్రశాంత్ వర్మ ని పొగిడేస్తున్నారు. ఇదిలా ఉండగా మరి హనుమాన్ సినిమా సంక్రాంతి రేసులో నిలిచి హిట్ కొడుతుందో లేదో తెలియాలంటే జనవరి 12 వరకు ఎదురు చూడాల్సిందే.
End of Article
