“రాధే శ్యామ్” ఫస్ట్ రివ్యూ..! అంటే సినిమా ఇలాగే ఉండబోతోందా..? రివ్యూలో ఏం చెప్పారంటే..?

ప్రభాస్, పూజా హెగ్డే కాంబినేషన్‌లో రాబోతున్న సినిమా రాధే శ్యామ్. ఈ సినిమా రాధే శ్యామ్ గురించి అభిమానులు దాదాపు రెండున్నర ఏళ్ల నుంచి ఎదురు చూస్తున్నారు. భారతదేశం అంతటా కూడా ఈ సినిమాపై అంచనాలు భారీగా ఉన్నాయి.

ఈ సినిమాలో విక్రమాదిత్య అనే పాత్రలో ప్రభాస్ నటిస్తున్నారు. ప్రేరణ అనే పాత్రలో పూజా హెగ్డే నటిస్తున్నారు. వీరిద్దరూ కలిసి నటించడం ఇదే మొదటిసారి. రాధే శ్యామ్ సినిమా బృందమంతా సినిమాకి సంబంధించిన ప్రమోషన్స్ పనిలో ఉన్నారు. ఇటీవల ఈ సినిమా రెండవ ట్రైలర్ కూడా విడుదల అయ్యింది.

దీంతో ఈ సినిమాపై ఆసక్తి ఇంకా పెరిగింది. రాధే శ్యామ్ సినిమాలో కేవలం లవ్ స్టోరీ మాత్రమే కాదు ఇంకా చాలా ఉన్నాయి అని ఈ ట్రైలర్ చూస్తే తెలుస్తోంది. అలాగే అంతకుముందు విడుదల చేసిన రాధే శ్యామ్ ట్రైలర్, లేదా సినిమాకి సంబంధించిన వేరే వీడియోల్లో కనిపించని కొంత మంది నటులు కూడా ఇందులో కనిపించారు. ఇదిలా ఉండగా ఈ సినిమా మొదటి రివ్యూ వచ్చేసింది. ప్రముఖ క్రిటిక్ ఉమైర్ సంధు ఈ సినిమా చూసి తన రివ్యూ చెప్పారు.

సోషల్ మీడియా ద్వారా ఈ సినిమా రివ్యూని ఉమైర్ సంధు చెప్పారు. తన ఇన్‌స్టాగ్రామ్ స్టోరీలో ఉమైర్ సంధు ఈ విధంగా రాసారు. “రాధే శ్యామ్ ఒక నిజమైన సినిమాటిక్ ఎక్స్పీరియన్స్. ఈ సినిమాలో మిస్టరీ, రొమాన్స్, యాక్షన్, థ్రిల్ అన్నీ ఉన్నాయి. ఇది ఒక పవర్ ప్యాక్డ్ సినిమా. ప్రభాస్ మళ్లీ ట్రాక్‌లోకి వచ్చారు. ఈ సినిమా తన వన్ మ్యాన్ షో” అని రాశారు. ఇటీవల భీమ్లా నాయక్ సినిమాకి కూడా ఉమైర్ సంధు ఇలాగే పాజిటివ్ రివ్యూ ఇచ్చారు. సినిమాకి కూడా సూపర్‌హిట్ టాక్ వచ్చింది. ఇప్పుడు ఈ సినిమా కూడా అలాగే సూపర్‌హిట్ అవుతుందేమో అని అంటున్నారు నెటిజన్లు.