Ads
అమెరికా తమ కొత్త అధ్యక్షుడి పదవిలోకి జో బైడెన్ కి స్వాగతం పలికింది. ఇటీవల జరిగిన ఎన్నికల్లో మెజారిటీ ఓట్లతో జో బైడెన్ గెలవగా, డోనాల్డ్ ట్రంప్ ఓడిపోయారు. జనవరి 20 వ తేదీన అమెరికా 46 వ అధ్యక్షుడిగా జో బైడెన్ ప్రమాణ స్వీకారం చేస్తారు. అప్పటి వరకు డోనాల్డ్ ట్రంప్ అధ్యక్షుడు పదవిలో ఉంటారు.
Video Advertisement
ఎన్నికలపై దాదాపు నాలుగు రోజుల ఉత్కంఠ నెలకొన్న తర్వాత రిజల్ట్ వెల్లడయింది. కొత్త అధ్యక్షుడిగా జో బైడెన్ ప్రమాణ స్వీకారం జనవరిలో ఉన్నా కూడా రాబోయే కొత్త అధ్యక్షుడికి, ఉపాధ్యక్షులకు రాజ్యాంగబద్ధంగా ప్రభుత్వ కార్యాలయాలను కేటాయిస్తారు.
అలా జో బైడెన్ కి, అలాగే వైస్ ప్రెసిడెంట్ గా ఎన్నికైన కమల హ్యారిస్ కి తాత్కాలిక కార్యాలయ సదుపాయాలు కల్పించారు. దాంతో వీరికి ప్రమాణ స్వీకారం లోపు ప్రభుత్వం లోని వివిధ పదవులపై అనలైజ్ చేసే వీలు దొరుకుతుంది. అమెరికా ప్రభుత్వం మాజీ అధ్యక్షులకి కూడా కొన్ని ప్రయోజనాలు కల్పిస్తోంది.
దేశానికి సేవలందించిన కారణంగా ప్రభుత్వం వీళ్ళకి పెన్షన్ ఇస్తుంది. సెక్రటరీ ఆఫ్ ట్రెజరీ, ఏడాదికి 2,19,200 డాలర్లు అంటే దాదాపు రూ.1.6 కోట్ల రూపాయల పెన్షన్ మంజూరు చేస్తుంది. ఆన్యువల్ రివ్యూ ఆధారంగా పెన్షన్ లో మార్పులు జరుగుతాయి.
మాజీ అధ్యక్షుడి భార్యకి ఏడాదికి 20 వేల డాలర్ల పెన్షన్ అందజేస్తారు. అధ్యక్షుడి స్థానం నుండి తప్పుకుని, వైట్ హౌస్ వీడిన తర్వాత ఏడు నెలల పాటు వ్యక్తిగత ఆఫీస్ ఏర్పాటు చేసేందుకు ఖర్చు అయ్యే అద్దె, పోస్టల్, టెలిఫోన్, ప్రింటింగ్ కి అయ్యే మొత్తాన్ని ప్రభుత్వం ఇస్తుంది.
End of Article
