Ads
కరోనా వల్ల ఎంతో మంది తమ ప్రాణాలను కోల్పోతున్నారు. ఇటీవల ఒక 27 సంవత్సరాల యువతి కరోనాతో మరణించారు. వివరాల్లోకి వెళితే. సంగారెడ్డి జిల్లా శివారు ప్రాంతానికి చెందిన యువతి, ఉన్నత చదువులు చదివి, ఉద్యోగం చేస్తున్న ఒక యువకుడిని ఈ ఏడాది చివరిలో పెళ్లి చేసుకోవాలి అని అనుకున్నారు. అంతలో ఆ యువతికి కరోనా సోకింది.దాంతో కుటుంబ సభ్యులు చికిత్స కోసం ఆ యువతిని హైదరాబాద్ లోని ఒక ప్రైవేటు ఆస్పత్రిలో చేర్పించారు.
Video Advertisement
ఆరోగ్య పరిస్థితి విషమించడంతో ఆ యువతిని వెంటిలేటర్ పై ఉంచి చికిత్స అందించాలి అని చెప్పారు వైద్యులు. వైద్యుల అనుమతితో ఆ యువతిని పెళ్లి చేసుకోబోయే యువకుడు ఐసీయూలో చికిత్స పొందుతున్న యువతితో మాట్లాడారు. “కరోనా ను జయించి నువ్వు క్షేమంగా ఇంటికి వస్తావని” ధైర్యాన్ని ఇచ్చారు. ఆ నిమిషమే ఆస్పత్రి బెడ్ మీద ఉన్న ఆ యువతి మెడలో తాళి కట్టారు.
“నేను నీ భర్తని నేను నేను కాపాడుకుంటాను” అని భరోసా ఇచ్చారు. వెంటిలేటర్ పై ఉన్న ఆ యువతి కొన్ని రోజులు మృత్యువుతో పోరాడి తర్వాత ఈ లోకాన్ని విడిచి వెళ్లిపోయారు. ఆ యువతి సోదరుడు, ప్రేమించిన యువకుడు దగ్గరుండి యువతి అంత్యక్రియలు జరిపించారు. ఆమె మరణించిన విషయం కుటుంబ సభ్యులకు తెలియదు. ఆ యువతి మరణించిన తర్వాత నుంచి తన సోదరుడు, ప్రేమించిన యువకుడు ఈ విషయాన్ని తమలోనే దాచుకుని కుమిలిపోతున్నారు.
End of Article
