“మీ అమ్మాయిని ఎవరు పెళ్లి చేసుకుంటారో అని ఆందోళన పడకండి.!” అంటూ…వైరల్ అవుతున్న సమంత ఇంస్టాగ్రామ్ స్టోరీ.!

“మీ అమ్మాయిని ఎవరు పెళ్లి చేసుకుంటారో అని ఆందోళన పడకండి.!” అంటూ…వైరల్ అవుతున్న సమంత ఇంస్టాగ్రామ్ స్టోరీ.!

by Mohana Priya

సోషల్ మీడియాలో యాక్టివ్ గా ఉండే సెలబ్రిటీలలో సమంత ఒకరు. తన సినిమాలకు సంబంధించిన విషయాలను కానీ, లేదా ఇతర విషయాలను కానీ సోషల్ మీడియా ద్వారా తన అభిమానులతో షేర్ చేసుకుంటూ ఉంటారు. అలాగే చాలా సార్లు తన అభిమానులు అడిగిన ప్రశ్నలకు సమంత సోషల్ మీడియా ద్వారా సమాధానం చెప్పారు. ఇవన్నీ మాత్రమే కాకుండా ఎంతో మందిని ప్రోత్సహించేలాగా కూడా సమంత పోస్ట్ చేస్తూ ఉంటారు.

Video Advertisement

samantha answers to how she responds on trolling

సమంత గత కొంత కాలం నుండి సోషల్ మీడియా ద్వారా ఎన్నో కోట్స్ షేర్ చేస్తున్నారు. ఇవాళ కూడా అలాంటి ఒక కొటేషన్ షేర్ చేశారు. సమంత అందులో ఈ విధంగా రాశారు. ” మా అమ్మాయిని ఎవరు పెళ్లి చేసుకుంటారో? అని ఆందోళన పడకుండా ఉండే అంత ధైర్యంగా మీ కూతురిని పెంచండి. అమ్మాయి పెళ్లి గురించి దాచిన డబ్బుని తన చదువు మీద వెచ్చించండి. ఆ అమ్మాయిని పెళ్ళికి ప్రిపేర్ చేసే బదులు, తన గురించి తాను నిలబడేలా తయారు చేయండి. తనని తను ప్రేమించుకోవడం నేర్పించండి. ఎవరినైనా కొట్టాలనిపిస్తే ధైర్యంగా కొట్టే అంత కాన్ఫిడెంట్ గా మీ అమ్మాయిని తయారు చేయండి.” అని రాశారు.

 

సమంత ప్రస్తుతం వెకేషన్ లో ఉన్నారు. సమంత ఇంస్టాగ్రామ్ స్టోరీస్ బట్టి చూస్తే దుబాయ్ కి వెళ్లినట్లు తెలుస్తోంది. తర్వాత మళ్ళీ హైదరాబాద్ కి తిరిగి వచ్చి సైన్ చేసిన సినిమాల షూటింగ్ మొదలుపెడతారు. అంతే కాకుండా అమెజాన్ ప్రైమ్, అలాగే ఆహాలో రెండు వెబ్ సిరీస్ కూడా సమంత చేస్తున్నారు అని సమాచారం. అలా సమంత ఇటు సినిమాలకి, అటు వెబ్ సిరీస్ కి సమానమైన ప్రాధాన్యత ఇస్తున్నారు.


You may also like