Ads
2023 సంవత్సరం దాదాపు చివరి దశకు వచ్చేసింది. అయితే ఈ సంవత్సరం తెలుగులో వందల కొద్ది సినిమాలు విడుదలయ్యాయి. కానీ అందులో కొన్ని మాత్రమే సక్సెస్ అయ్యాయి. ఆ సినిమాల ద్వారా సక్సెస్ పొందిన హీరోయిన్ల లిస్టు ఒక్కసారి పరిశీలిస్తే… తెలుగులో ఒక్క సినిమా కూడా చేయకుండా బాలీవుడ్ సినిమా యానిమల్ తో క్రేజ్ తెచ్చుకున్న హీరోయిన్ త్రిప్తి దిమ్రి. ఈ అమ్మడు చేసిన చిన్న పాత్ర అయినా సరే తెలుగు ఆడియన్స్ కి విపరీతంగా నచ్చేసింది. ఇప్పుడు తెలుగులో ఆఫర్లు క్యూ కడుతున్నాయి.
Video Advertisement
ఇక నెక్స్ట్ మాట్లాడాల్సి వస్తే.. కెరీర్ ముగిసిపోయింది అనుకున్నా తర్వాత మళ్లీ పుంజుకున్న హీరోయిన్ శృతిహాసన్. ఈ ఏడాది వాల్తేరు వీరయ్య, వీర సింహారెడ్డి సినిమాలతో ట్రాక్ లోకి వచ్చింది. మొన్న వచ్చిన హాయ్ నాన్న చిత్రంలో స్పెషల్ సాంగ్ చేసింది. ఇప్పుడు సలార్ సినిమా కోసం ఎదురుచూస్తుంది. ఈ సినిమా సక్సెస్ అయితే శృతిహాసన్ కి మళ్ళీ తిరుగు ఉండదు. శృతిహాసన్ తర్వాత ఆ రేంజ్ లో సక్సెస్ దక్కించుకున్న హీరోయిన్ సంయుక్త మీనన్. సార్, విరుపాక్ష సినిమాలతో అమ్మడికి మంచి హిట్లు పడ్డాయి. ఇప్పుడు కళ్యాణ్ రామ్ తో డెవిల్ సినిమా చేసింది. ఈ సినిమా విడుదల హిట్ అయితే అమ్మడు హాట్ ట్రిక్ కొట్టినట్లే.
సీనియర్ హీరోయిన్ అనుష్క కూడా ఈ ఏడాది మిస్ శెట్టి మిస్టర్ పోలిశెట్టి సినిమాతో హిట్ కొట్టింది. వీరు కాక సింగల్ సినిమాలతో హిట్లు కొట్టిన హీరోయిన్లు కూడా చాలామంది ఉన్నారు. బేబీ సినిమాతో వైష్ణవి చైతన్య, సామజ వరగమన సినిమాతో మౌనిక రెబా జాన్, దసరా సినిమాతో కీర్తి సురేష్, హాయ్ నాన్న చిత్రంతో మృణల్ లు మంచి హిట్లు పడ్డాయి. మిగతా హీరోయిన్లకు చెప్పుకునే సినిమాలు లేవు. 2024 లో అయినా అందరికీ కలిసి వస్తుందేమో చూడాలి.
End of Article
