త్రివిక్రమ్ చేసిన పనికి షాకైన సునీల్.. 28 రూపాయలతో అలా కూడా చేయవచ్చా?

ఇప్పుడు స్టార్ హోదా అనుభవిస్తున్న చాలామంది సెలబ్రెటీలు ఒకప్పుడు ఇన్నో ఇబ్బందులు ఎదుర్కొన్న వాళ్ళే.. వాళ్ళాలో టాప్ డైరెక్టర్ త్రివిక్రమ్, నటుడు సునీల్ కూడా ఉన్నారు.

త్రివిక్రమ్, సునీల్ వీళ్లద్దరూ ఫ్రెండ్స్ అని అందరికీ తెలిసిందే. సినిమా కెరీర్ ప్రారంభించిన మొదట్లో వీరు అనేక ఇబ్బందులు ఎదుర్కొన్నారు. లక్డీకపూల్ లో ఓ చిన్న అద్దె ఇంట్లో ఉంటూ సినిమా ప్రయత్నాలు ప్రారంభించారు.

ఐతే ఇక్కడే ఒక విచిత్ర సంఘటన జరిగింది. త్రివిక్రమ్ ఒక సందర్భంలో మనిషి జీవితంలో డబ్బు, భయం గురించి చెబుతూ.. తాను, సునీల్ లక్డీకపూల్ లోని అద్దె ఇంట్లో ఉండేవాళ్లమని , సరైన సమయానికి అద్దె చెల్లించకపోవడంతో రూమ్ ఖాళీ చేయాల్సిన పరిస్థితి ఏర్పడిందని త్రివిక్రమ్ తెలిపారు. ఇంటి ఓనర్ అలా చెప్పినప్పుడు నా జేబులో 28 రూపాయలు మాత్రమే ఉన్నాయి, సునీల్ ఏమో తర్వాత రోజు ఆ 28 రూపాయలతో బ్రేక్ ఫాస్ట్, లంచ్, డిన్నర్ ఎలా చేయాలో ఆలోచిస్తుండగా తాను 28 రూపాయలు సునీల్ కి ఇచ్చి రోడ్ అవతలి వైపు ఉన్న షాప్ ని చూపిస్తూ కోక్ టిన్స్” కొని తెమ్మన్నానని, అలా ఆ డబ్బుని అప్పుడే ఖర్చు చేయడంతో సునీల్ షాకయ్యాడని త్రివిక్రమ్ చెప్పుకొచ్చారు.

మొత్తం డబ్బులతో కూల్ డ్రింక్స్ కొంటే రేపు ఎలా తింటామని సునీల్ ప్రశ్నించాడని త్రివిక్రమ్ పేర్కొన్నారు. ఆ డబ్బు రేపు ఖర్చు పెడితే సంపాదన గురించి రేపట్నించి ఆలోచిస్తాం అవి ఇప్పుడే ఖర్చు చేస్తే చచ్చినట్టు ఇప్పటినుంచే ఆలోచిస్తామని చెప్పినట్టు త్రివిక్రమ్ పేర్కొన్నారు. మనం భయపడితే దారులు ఉన్నా కనిపించవని, విషమ పరిస్థితులు ఎదురైతే భయపడకూడదని త్రివిక్రమ్ చెప్పుకొచ్చారు. భయాన్ని వదిలేసి ధైర్యంతో ముందడుగు వేస్తే అనుకున్నది సాధించడం సాధ్యమేనని త్రివిక్రమ్ వెల్లడించారు. త్రివిక్రమ్ చేసిన కామెంట్లు ఇప్పుడు నెట్టింట వైరల్ అవుతున్నాయి.