ప్రస్తుతం ఎండలు దంచి కొడుతున్నాయి. ఈ ఎండ వేడి నుంచి మనం శరీరాన్ని చల్లగా ఉంచుకోవడానికి చల్లని పానీయాలతో పాటుగా పుచ్చకాయ తప్పనిసరి తినాల్సిందే.
మనం రోడ్డు పైకి వెళ్ళగానే ఎక్కడపడితే అక్కడ వాటర్ మిలాన్స్ దర్శనమిస్తాయి. అయితే ఇతర పండ్లు మనం కొనేటప్పుడు అవి బాగున్నాయా లేదా అని చూసుకుంటాం. కానీ పుచ్చకాయను చూడలేం..
మరి లోపల అది బాగుందా లేదా అని ఎలా తెలియాలో ఓ సారి చూద్దాం..? పుచ్చకాయ అనేది ఆరోగ్యానికి ఎంతో మేలు చేస్తుంది. శరీరాన్ని చల్లగా ఉంచేందుకు అధిక దాహాన్ని కూడా తీర్చేందుకు ఉపయోగపడుతుంది. ప్రస్తుతం మార్కెట్లో రకరకాల పుచ్చకాయలు అందుబాటులో ఉన్నాయి.
వాటిని కొనే ముందు జాగ్రత్తగా చూసి తీసుకోవాలని ఆరోగ్య నిపుణులు తెలియజేస్తున్నారు. మరి పుచ్చకాయను కోస్తే కానీ అది లోపల ఎర్రగా ఉందా లేదా అనేది మనకు తెలియదు. ఒకవేళ కోస్తే మూడు నుంచి నాలుగు గంటల్లోనే దాన్నీ తినేయాలి లేదంటే పాడవుతుంది. కాబట్టి పుచ్చకాయ బాగుందా లేదా అనేది తెలుసుకోవాలంటే ఈ విషయాలు మీరు తెలుసుకోవాల్సిందే..?
#1 కనీసం రెండు కిలోల పైన బరువుండే పుచ్చకాయను ఎంచుకోవాలి..
#2 పుచ్చకాయ ఏ రంగులో ఉన్నా పర్లేదు. చారలు ఉన్నా లేకపోయినా ఇబ్బంది ఏమీ కాదు. కానీ పైన ఉన్నటువంటి తొడిమ ఎండిపోయి ఉండాలి.
#3 కొన్ని వాటర్ మిలన్స్ పైన గోధుమ లేదా పసుపు రంగులో మచ్చలు ఉంటాయి. ఆ మచ్చలు ఎంత ఎక్కువగా ఉంటే ఆ పుచ్చకాయ అంత ఎర్రగా ఉంటుంది.
#4 పుచ్చకాయ ఎంత ఎర్రగా ఉంటే అన్ని పోషకాలు ఉంటాయి.