Ads
చిన్న సినిమాగా రిలీజ్ అయ్యి సంచలన విజయం సాధించిన చిత్రం ‘ది కేరళ స్టోరీ. ఎన్నో వివాదాల నడుమ థియేటర్లలో విడుదల అయ్యింది. రిలీజ్ కు ముందే దేశవ్యాప్తంగా సంచలనం సృష్టించిన ఈ చిత్రం ఆడియెన్స్ ను ఎంతగానో ఆకట్టుకుంటుంది.
Video Advertisement
కొన్ని రాష్ట్రాలలో ఈ సినిమాని నిషేధించినప్పటికీ, మిగతా రాష్ట్రాలలో భారీ కలెక్షన్స్ వసూలు చేస్తూ థియేటర్ల లో సక్సెస్ ఫుల్ గా దూసుకెళ్తోంది. ది కేరళ స్టోరీ చిత్రంఇప్పటివరకు సుమారు 200 వందల కోట్లకు పైగా వసూల్ చేసి సంచలన విజయాన్ని అందుకుంది. ఈ చిత్రం, ఓటీటీ ప్రేక్షకులను పలకరించడానికి రెడీ అవుతోంది.
‘ది కేరళ స్టోరీ’ సినిమా ఇప్పటికి థియేటర్లలో విజయవంతంగా నడుస్తూ, బాక్సాఫీస్ దగ్గర మంచి కలెక్షన్స్ ను రాబడుతోంది. అయితే తాజాగా అందుటున్న సమాచారం మేరకు ఈ మూవీ జూన్ 23 నుండి జీ5 ఓటీటీలో ప్రసారం అవనున్నట్లు తెలుస్తోంది. జీ5లో ఈ చిత్రం తెలుగులో మాత్రమే కాకుండా తమిళం, హిందీలో కూడా స్ట్రీమింగ్ అవనుంది.
ఈ చిత్రానికి డైరెక్టర్ సుదీప్తో సేన్ దర్శకత్వం వహించారు. హీరోయిన్ అదా శర్మ ఈ మూవీలో లీడ్ రోల్ లో నటించింది. సిద్ధి ఇద్నానీ, యోగితా బిహానీ, సోనియా బలానీ ఇతర ముఖ్య పాత్రలను పోషించారు. మే 5న వివాదాల మధ్య ఈ సినిమా రిలీజ్ అయ్యింది. కేరళ రాష్ట్రంలో అమాయకులైన యువతులను లవ్ జిహాద్ పేరిట మతమార్పిడి చేసి, ఆ యువతులను ఐఎస్ఐఎస్ క్యాంపుల్లోకి పంపించి టెర్రరిస్టులుగా మారుస్తున్నారనే స్టోరీతో ఈ చిత్రాన్ని రూపొందించారు.
దాంతో ఈ చిత్రానికి తీవ్రమైన వ్యతిరేకత ఎదురైంది. ఈ చిత్రం పై కొన్ని రాష్ట్రాలలో బ్యాన్ విధించగా, ఈ చిత్రం పై ఎంతోమంది కేసులు కూడా పెట్టారు. ఎన్ని అడ్డంకులు ఎదురైన చివరికి బ్లాక్ బస్టర్ గా నిలిచింది ఈ చిత్రం. అదా శర్మ ఎన్నో చిత్రాలలో నటించినా రాని గుర్తింపు ఈ చిత్రంతో సంపాదించింది.
Also Read: “మహేష్ బాబు” కి, “జూనియర్ ఎన్టీఆర్” కి… ఈ 4 విషయాలు ఒకే లాగా జరిగాయా..?
End of Article
