Ads
తెలుగు, తమిళ భాషల్లో ఎన్నో సినిమాల్లో చేసి తెలుగులో కూడా తనకంటూ గుర్తింపు తెచ్చుకున్న నటుడు ఆది పినిశెట్టి. ఆది పినిశెట్టి ఒక V చిత్రం సినిమాతో తన కెరీర్ మొదలు పెట్టారు. ఆ తర్వాత కొన్ని తమిళ సినిమాల్లో నటించారు. వాటిలో కొన్ని తెలుగులో కూడా డబ్ అయ్యాయి. అలాగే తెలుగులో కూడా గుండెల్లో గోదారి సినిమాలో నటించారు.
Video Advertisement
హీరోగా మాత్రమే కాకుండా ముఖ్య పాత్రల్లో కూడా కొన్ని సినిమాల్లో నటించారు. అల్లు అర్జున్ హీరోగా నటించిన సరైనోడు సినిమాలో విలన్ పాత్రలో నటించారు ఆది పినిశెట్టి. ఇటీవల క్లాప్ సినిమాలో నటించారు.
ఇప్పుడు రామ్ పోతినేని హీరోగా నటిస్తున్న ద వారియర్ సినిమాలో విలన్ పాత్రలో నటిస్తున్నారు. ఈ సినిమాకి లింగుస్వామి దర్శకత్వం వహిస్తున్నారు. ఈ సినిమా తెలుగు, తమిళ భాషల్లో రూపొందుతోంది. ఇటీవలే ప్రముఖ నటి నిక్కీ గల్రానీతో ఆది పినిశెట్టి వివాహం జరిగిన సంగతి తెలిసిందే. నిక్కీ గల్రానీతో రిలేషన్ షిప్ లో ఉన్నట్టు ఆది పినిశెట్టి కొంతకాలం క్రితం ప్రకటించారు.
అయితే.. వీరి వివాహంపై వేణుస్వామి సంచలన వ్యాఖ్యలు చేసారు. వీరి జాతకాలను పరిశీలించి చూస్తే.. ఆది పినిశెట్టిది ఆశ్లేష నక్షత్రమని, ఆది మరియు నిక్కీల జాతకాలను పోల్చి చూస్తే వారివి షష్టాష్టకాలు అయ్యాయని.. ఇలా జరిగినప్పుడు దంపతుల మధ్య ఎక్కువ సమస్యలు వచ్చే అవకాశం ఉందని అన్నారు. వారిద్దరూ విడిపోవాలని నేను చెప్పడం లేదని.. కానీ వారి వివాహబంధాన్ని నిలుపుకోవడానికి ప్రయత్నించాలని పేర్కొన్నారు. జాతకాల ప్రకారం షష్టాష్టకాలు అయితే.. వారు పెళ్ళికి దూరంగా ఉండాలని చెప్పుకొచ్చారు. అయితే.. జాతకపరంగా విశ్లేషణలు జరిపి.. పరిహారం చేయించుకుంటే మంచి ఫలితం ఉండొచ్చని చెప్పుకొచ్చారు.
Watch Video:
End of Article
