‘పుష్ప 2 ‘ లో ఆ సీనియర్ ఫ్యామిలీ హీరో కీలక పాత్ర..??

సుకుమార్ దర్శకత్వంలో అల్లు అర్జున్, రష్మిక జంటగా వచ్చిన పాన్ ఇండియన్ సినిమా ‘పుష్ప’ ఎంత పెద్ద విజయం సాధించిందో అందరికి తెలిసిందే. అల్లు అర్జున్ సినిమా తెలుగు, మలయాళంలోనే హిట్ అవుతుందనుకుంటే, మొత్తం దేశాన్నే షేక్‌ చేసింది ఈ సినిమా. భారీ అంచనాల మధ్య విడుదలైన ఈ సినిమా బాక్సాఫీస్ వద్ద మంచి విజయాన్ని సాధించింది. ఇక ఈ సినిమా రెండవ భాగమైన “పుష్ప: ది రూల్” పైన అంచనాలు రోజు రోజుకీ పెరుగుతూ వస్తున్నాయి.

ప్రస్తుతం పుష్ప ది రూల్ సినిమాకు సంబంధించి చిత్ర యూనిట్ వర్క్ చేస్తోంది. అయితే ఈ చిత్రం లో కీలక పాత్రల కోసం పలువురు స్టార్ నటులను ఎంపిక చేసినట్లు వార్తలు వస్తున్నాయి. ఇప్పటికే ఈ చిత్రం లో పలు కీలక పాత్రల కోసం మెగా పవర్ స్టార్ రామ్ చరణ్, సాయి పల్లవిలను పుష్ప చిత్ర బృందం సంప్రదించినట్లు వార్తలు వచ్చాయి. అయితే తాజాగా ఈ లిస్ట్ లో మరో సీనియర్ నటుడి పేరు కూడా చేరింది.

సుకుమార్ తీసిన నాన్నకు ప్రేమతో, రంగస్థలం చిత్రాల్లో విలన్ పాత్రల్లో నటించిన జగపతిబాబు కూడా తాజాగా పుష్ప 2 లో చేరినట్లు తెలుస్తోంది. పుష్ప 1లో ఆయనకు ఛాన్స్ ఇవ్వలేదు కానీ పార్ట్ 2 లో ఫవాద్ ఫాజిల్, సునీల్, అనసూయ, రావు రమేష్ తో పాటు మరో బలమైన విలన్ ఉండాలని జగపతి బాబుని కూడా దించుతున్నాడట సుకుమార్. ఈ చిత్రం లో జగపతి బాబు ఒక రాజకీయ నాయకుడి పాత్ర పోషిస్తున్నట్టుగా కూడా తెలుస్తోంది. ఇంతకు ముందు ఈ పాత్ర కోసం తమిళ నటుడు విజయ్ సేతుపతి పేరు వినిపించింది కానీ ప్రస్తుతం జగపతిబాబు ఫైనల్ అయినట్టు తెలుస్తోంది.

అయితే తన సినిమాల్లో నటుల్ని ఎక్కువగా రిపీట్ చేయని సుకుమార్ ఈ చిత్రం తో జగపతిబాబు కి హ్యాట్రిక్ ఛాన్స్ ఇస్తున్నారు. ఇప్పటికే నాన్నకు ప్రేమతో, రంగస్థలం చిత్రాల్లోని పాత్రల ద్వారా జగపతిబాబు కి మంచి పేరు వచ్చింది. ప్రస్తుతం ఈ చిత్ర షూటింగ్ శరవేగంగా జరుగుతోంది. ఫిబ్రవరి నుంచి హీరోయిన్ రష్మిక షూటింగ్ లో పాల్గొననున్నట్లు ఇటీవల వెల్లడించింది. అలాగే ఈ చిత్రం లో సాయి పల్లవి కూడా నటించనున్నట్లు చిత్ర బృందం ఇప్పటికే ప్రకటించింది.