Ads
రెబల్ స్టార్ ప్రభాస్, విశ్వనటుడు కమల్ హాసన్, బిగ్‌బి అమితాబ్, దీపిక పదుకొనే, దిశా పటానీ లీడ్ రోల్స్ లో నటిస్తున్న సైన్స్ ఫిక్షన్ సినిమా ‘కల్కి 2989 AD’. ఈ చిత్రం కోసం ప్రభాస్ ఫ్యాన్స్ తో పాటు, సినీ ప్రేక్షకులందరు ఈగర్ గా ఎదురు చూస్తున్నారు.
Video Advertisement
రీసెంట్ గా రిలీజ్ అయిన గ్లింప్స్ తో మేకర్స్ రెబల్ స్టార్ ఫ్యాన్స్ కు పూనకాలు తెప్పించారు. ఈ వీడియో నెట్టింట్లో వైరల్ అయ్యింది. ప్రాజెక్ట్ K పేరుతో షూటింగ్ స్టార్ట్ చేసిన మేకర్స్ ఈ మూవీకి ‘కల్కి 2898 AD’ అనే టైటిల్ ను ప్రకటించారు. ఈ మూవీకి టైటిల్ ఇలా పెట్టడానికి కారణం ఏమిటనే విషయం ఆసక్తికరంగా మారింది.
ప్రస్తుతం ‘కల్కి 2898 ‘ అంటే అర్ధం ఏమిటనే చర్చ ప్రారంభం అయ్యింది. ఇక ఈ టైటిల్ పెట్టడం వెనుక పెద్ద కథ ఉన్నట్టు తెలుస్తోంది. ఈ క్రమంలో ఈ టైటిల్ ఎందుకు పెట్టాల్సి వచ్చింది. ఈ మూవీ కథ ఎలా ఉండబోతుందనే విషయాన్ని నాగ్ అశ్విన్ తెలిపారు. తాను పురాణాలను మరియు సైన్స్ ఫిక్షన్ ను ఇష్టపడతానని, మహాభారతం మరియు స్టార్ వార్స్ ను చూస్తూ పెరిగానని అన్నారు. ఈ 2 ప్రపంచాలను కలిపి ఒక మూవీగా చేయడం అనేది గొప్పగా అనిపించిందని, ఆ విధంగా ‘కల్కి 2989 AD’ వచ్చిందని చెప్పారు.
కల్కి 2898 AD స్టోరీ యుగాంతం బ్యాక్ డ్రాప్ లో ఉండనుందని సమాచారం. 2898లో అంటే ఫుచర్ లో రాబోయే యుగాంతం ఆధారంగా నాగ్ అశ్విన్ ఈ స్టోరీని రాసుకున్నట్టు చెప్పుకుంటున్నారు. ఈ మూవీని సైన్స్ ఫిక్షన్, టైమ్ మిషన్ నేపథ్యంలో నిర్మిస్తున్నారని తెలుస్తోంది. 
ఈ స్టోరీ గురించి సోషల్ మీడియాలో నెటిజెన్లు సైతం తమ అభిప్రాయాలను చెప్తున్నారు. 18 వ శతాబ్దంలో కొంత, 28 వ శతాబ్దంలో కొంత స్టోరీ జరుగుతుందని, చివరి 20 నిముషాల్లో విలన్ కీలకపాత్ర వహిస్తాడని అంటున్నారు. మరొకరు గ్లింప్స్ ఆధారంగా అమితాబ్ దాచిన వస్తువును కోసం ఒక రోబో 18వ శతాబ్దానికి ప్రయాణిస్తుందని కామెంట్ చేశారు.
Also Read: ప్రభాస్ “కల్కి 2898 AD” గ్లింప్స్ కు ఎక్కువ వ్యూస్ ఎందుకు రాలేదు..? కారణం ఇదేనా..?
End of Article
