ముగ్గురు మాజీ ముఖ్యమంత్రులు ఖైదీలుగా వెళ్లిన ఈ రాజమండ్రి సెంట్రల్ జైలు ప్రత్యేకతలు ఏంటో తెలుసా..?

టీడీపీ అధినేత, మాజీ ముఖ్యమంత్రి నారా చంద్రబాబు నాయుడు కొద్ది రోజులుగా రాజమండ్రి సెంట్రల్ జైల్లో రిమాండ్ ఖైదీగా ఉన్నారు. ఆంధ్రప్రదేశ్ హిస్టరీలోనే అత్యధిక కాలం సీఎంగా ఉన్న వ్యక్తిగా చంద్రబాబు నాయుడు నిలిచారు.

ప్రస్తుతం ఆయనను కోర్టు ఆదేశాలతో ఈ జైలులోనే సీఐడీ ఆఫీసర్లు విచారిస్తున్నారు. కోర్టు ఇచ్చిన సీఐడీ కస్టడీ పౌరతి కావడంతో సీఐడీ కోరిన విధంగా చంద్రబాబు రిమాండ్‌ను ఏసీబీ కోర్టు పొడిగించింది. అక్టోబర్ 5 వరకు ఆయన రాజమండ్రి సెంట్రల్ జైల్లోనే ఉండనున్నారు. ఈ నేపథ్యంలో రాజమండ్రి సెంట్రల్ జైల్ వార్తల్లో నిలిచింది. ఈ జైలు ప్రత్యేకతలు ఏమిటో ఇప్పుడు చూద్దాం..
బీబీసి న్యూస్ తెలుగు ప్రకారం, రాజమండ్రి సెంట్రల్ జైలుకు వందల సంవత్సరాల నాటి చరిత్ర ఉంది. డచ్ వారు 1602 లో ఒక కోటను నిర్మించారు. ఆ కోటనే ఆ తరువాత కాలంలో జైలుగా మార్చారని హిస్టరీ పుస్తకాల్లో ప్రస్తావించారు. బ్రిటిష్ పాలకులు డచ్ వారు నిర్మించిన కోటను జైలుగా మార్చినట్టుగా చెబుతున్నారు. ఆ జైలు రికార్డుల ప్రకారంగా చూస్తే, 1864 సమాయనికే ఈ కోట జిల్లా జైలుగా ఉన్నట్టు తెలుస్తోంది. ఈ జైలుకు 1890లో సెంట్రల్ జైలుగా గుర్తింపు వచ్చింది. రాజమండ్రి సెంట్రల్ జైలుకు 133 సంవత్సరాల సుదీర్ఘమైన చరిత్ర ఉంది.
స్వాతంత్ర్య సమరంలో చంద్రశేఖర్ ఆజాద్‌, భగత్ సింగ్ సహచరులను లాహోర్ కుట్రకేసులో ఈ జైలుకు ఖైదీలుగా తరలించారు. స్వాతంత్య్రం వచ్చిన అనంతరం వివిధ ఉద్యమాలకు లీడర్ గా ఉన్నవారిని కూడా ఈ జైలులో ఖైదీలుగా ఉంచారు. రాజమండ్రి సెంట్రల్ జైలు వైశాల్యం పరంగా దేశంలో 4వ పెద్ద జైలు. ఇది 212 ఎకరాల విస్తీర్ణంలో ఉంది. దీనిలో 39.02 ఎకరాల్లో జైలు నిర్మించారు. అత్యంత కట్టుదిట్టమైన భద్రత ఉండే విధంగా సెంట్రల్ జైలును  నిర్మించారు.