రోజు లానే పొలం దున్నాడు.. ఆ రోజు మాత్రం దశ తిరిగింది.. ఏమైందంటే..?

కర్నూల్ జిల్లా ను వెనకబడ్డ ప్రాంతం అని అంటున్నా.. ఆ జిల్లాకు ఓ ప్రత్యేకత కూడా ఉంది. కర్నూలు జిల్లా, తుగ్గలి మరియు ఆ చుట్టూ పక్కల ప్రాంతాల్లో వజ్రాలు దొరుకుతూ ఉంటాయి. మీరు విన్నది నిజమే.. వర్షాలు పడి ఆగినప్పుడు ఒక్కోసారి ఆ నెలలో చిన్నవి.. పెద్దవి వజ్రపు రాళ్లు దొరుకుతూ ఉంటాయి.

తాజాగా, తుగ్గలి మండలానికి చెందిన చిన్నజొన్నగిరి గ్రామానికి చెందిన రైతు వేరు సన్నగా పంట పండించడానికి ఏర్పాట్లు చేసుకుంటున్నాడు. ఇందుకోసం పొలం దున్నుతున్న సమయం లో కంది కొయ్యలు తీస్తుండగా.. ఆ రైతుకు ఓ మెరుగు రాయి కనిపించింది. అది వజ్రం అయి ఉంటుందని ఆ రైతు గుర్తించి వజ్రాల వ్యాపారివద్దకు తీసుకెళ్లాడు. అందరి సమక్షం లో ఆ వజ్రాన్ని వేలం వేయగా.. ఓ వ్యాపారి రూ.1.20కోట్ల రూపాయలు చెల్లించి ఆ వజ్రం సొంతం చేసుకున్నాడు. ఆ రైతు దశ తిరిగిందని అందరు అనుకున్నారు. గతం లో కూడా 37 లక్షల విలువైన వజ్రం ఓ వ్యక్తికీ దొరికింది. అయితే. ఇంత విలువైన వజ్రం దొరకడం మాత్రం అరుదుగా జరిగేదే.