ఈ సంవత్సరం వకీల్ సాబ్ తో ఇన్నింగ్స్ మొదలుపెట్టిన పవర్ స్టార్ పవన్ కళ్యాణ్, వచ్చే సంవత్సరం వరుస సినిమాలతో మన ముందుకు రాబోతున్నారు. ఆ సినిమాల్లో మొట్టమొదటిగా విడుదల అవుతోంది భీమ్లా నాయక్. ఈ సినిమా మలయాళం సినిమా అయిన అయ్యప్పనుమ్ కోషియుమ్ కి రీమేక్ గా రూపొందుతోంది.
ఇందులో రానా దగ్గుబాటి కూడా మరొక హీరోగా నటిస్తున్నారు. నిత్యా మీనన్ పవన్ కళ్యాణ్ కి జోడిగా నటిస్తున్నారు. వీరిద్దరూ కలిసి నటించడం ఇదే మొదటిసారి. ఈ సినిమాకి తమన్ సంగీత దర్శకత్వం వహిస్తున్నారు. సంక్రాంతి కానుకగా జనవరి 2022లో ఈ సినిమా ప్రేక్షకుల ముందుకు రాబోతోంది.
రానా దగ్గుబాటికి హీరోయిన్ గా సంయుక్త మీనన్ నటిస్తున్నారు. మొదట ఈ పాత్రలో ఐశ్వర్య రాజేష్ ని అనుకున్నారు. కానీ కొన్ని కారణాల వాళ్ళ ఆ పాత్ర నుండి ఐశ్వర్య తప్పుకున్నారు. రానాకి హీరోయిన్ గా నటిస్తున్న సంయుక్త, ఇటీవల విడుదలైన అడవి తల్లి మాట పాటలో కనిపించారు. సంయుక్త 2016 లో వచ్చిన పాప్ కార్న్ అనే ఒక మలయాళం సినిమా ద్వారా హీరోయిన్ గా కెరీర్ మొదలు పెట్టారు.
ఆ తర్వాత కొన్ని మలయాళం సినిమాలతో పాటు, తమిళ్ సినిమాల్లో కూడా నటించారు. భీమ్లా నాయక్ సంయుక్తకి మొదటి తెలుగు సినిమా. ఇంక సినిమా విషయానికొస్తే, మలయాళం రీమేక్ ని తెలుగు నేటివిటీకి తగ్గట్టుగా కొన్ని మార్పులు చేసినట్టు సమాచారం. కథలో మెయిన్ పాయింట్ అదే అయినా కూడా, కొన్ని సీన్స్ లో కొన్ని చిన్న చిన్న మార్పులు చేశారట. ఈ సినిమాకి త్రివిక్రమ్ అందించిన డైలాగ్స్ ప్రధాన బలంగా నిలవబోతున్నాయి అని సినిమా బృందం తెలిపారు.
