Ads
అదితిరావు హైదరి అందరికి సుపరిచితురాలైన నటే. సమ్మోహనం సినిమాతో తెలుగువారిని అలరించిన ఈ బ్యూటీ “వి” సినిమాతో ప్రేక్షకులకు మరింత చేరువైన సంగతి తెలిసిందే. తెలుగులోనే కాదు మలయాళంలో కూడా ఈ బ్యూటీ సినిమాలు చేసింది. ప్రస్తుతం తెలుగులో “మహాసముద్రం” అనే సినిమాలో నటిస్తోంది.
Video Advertisement
శర్వానంద్, సిద్ధార్థ హీరోలుగా నటిస్తున్న ఈ మూవీ లో అదితి రావు, అను ఇమ్మాన్యుయేల్ హీరోయిన్లుగా నటిస్తున్నారు. కాగా.. ఈ నెల 14 న ఈ సినిమా విడుదల కాబోతోంది. ఈ సందర్భం ఈ చిత్ర యూనిట్ ప్రస్తుతం ప్రమోషన్స్ పనిలో బిజీగా ఉంది. నటి అదితిరావు హైదరి కూడా ప్రమోషన్స్ లో భాగంగా ఇంటర్వ్యూ ఇచ్చారు. ఈ సందర్భం గా ఈ సినిమా షూటింగ్ టైంలో జరిగిన పలు ఆసక్తికర విషయాలను ఆమె పంచుకున్నారు.
తనకు ఛాలెంజింగ్ పాత్రలు అంటే చాలా ఇష్టమని ఈ సందర్భంగా ఆమె చెప్పుకొచ్చారు. అయితే.. తనకు తెలుగు అంతగా రాదనీ.. అయినా డైలాగ్స్ ను బట్టీపట్టి చెప్పేస్తూ ఉంటానని.. షూటింగ్ కి ముందే డైలాగ్స్ ను బాగా ప్రాక్టీస్ చేస్తానని చెప్పుకొచ్చారు. నిద్దర్లో లేపి అడిగినా ఏ డైలాగ్ ఏ పేజీ లోదో కూడా చెప్పేయగలనని చెప్పుకొచ్చారు.
డైలాగ్స్ ను బాగా ప్రాక్టీస్ చేసి షూటింగ్ జరుగుతున్నప్పుడు టైం వేస్ట్ అవ్వకుండా చూసుకుంటానని చెప్పుకొచ్చింది. కానీ, ఓ రోజు “మహా సముద్రం” షూటింగ్ జరుగుతున్నప్పుడు నా ప్రాక్టీస్ పూర్తికాకుండానే షూటింగ్ లో పార్టిసిపేట్ చేయాల్సి వచ్చిందని గుర్తు చేసుకున్నారు. వెంటనే చెప్పాల్సి రావడంతో చెప్పలేకపోయానని.. ఆరోజు సెట్స్ లోనే ఏడ్చేసానని చెప్పుకొచ్చారు.
End of Article
