ఓటీటీలో రోజుకి ఒక కొత్త సినిమా విడుదల అవుతుంది. ఎన్నో భాషల కంటెంట్ ఇప్పుడు అందరికీ అందుబాటులో ఉంటున్నాయి. అలా ఇటీవల ఒక సినిమా వచ్చింది. ఈ సినిమా సస్పెన్స్ తో సాగుతుంది. ఆ సినిమా పేరు అదృశ్యం. ఈటీవీ విన్ లో విడుదలైన ఈ సినిమాలో అపర్ణ బాలమురళి ముఖ్య పాత్రలో నటించారు. మలయాళం సినిమా అయిన ఈ సినిమా తెలుగులో కూడా అందుబాటులో ఉంది. ఇంక కథ విషయానికి వస్తే, అటవీ ప్రాంతంలో ఉన్న ఒక పోలీస్ స్టేషన్ కి ఒక అమ్మాయి వెళ్లి తాను ఒకరిని చంపాను అని చెప్తుంది. కానీ మిగిలిన వివరాలు ఏవి చెప్పదు.
ఆ తర్వాత ఏం జరిగింది అనేది కథ. సాధారణంగానే సస్పెన్స్ థ్రిల్లర్ సినిమాలని చాలా మంది ఇష్టపడతారు. ఇప్పుడు ఈ సినిమా కూడా అలాంటి సినిమానే. మొదటి నుండి చివరి వరకు ఆ సస్పెన్స్ అనేది సినిమా అంతా క్యారీ చేశారు. తర్వాత ఏమవుతుంది అనే ఆసక్తి సినిమా చూస్తున్నప్పుడు నెలకొంటుంది. నటీనటుల పర్ఫార్మెన్స్ కూడా చాలా బాగుంది. సినిమా సస్పెన్స్ కి వాళ్ళ నటన ఇంకా ప్రధాన బలంగా నిలిచింది. అపర్ణ బాలమురళితో పాటు, ఈ సినిమాలో హరీష్ ఉత్తమన్, కళాభవన్ షాజోన్, సిద్ధిక్, చందునాథ్ జి నాయర్ ముఖ్య పాత్రలు పోషించారు.
జానకి అనే ఒక పాత్రలో అపర్ణ బాలమురళి నటించారు. తన పాత్రకి అపర్ణ బాలమురళి న్యాయం చేశారు. ఈ సినిమాకి సుధీష్ రామచంద్రన్ దర్శకత్వం వహించారు. అరుణ్ రాజ్, వరుణ్ రాజ్ ఈ సినిమాని నిర్మించారు. డైరెక్ట్ ఓటీటీలోనే ఈ సినిమా విడుదల అయింది. రంజిత్ ఉన్ని ఈ సినిమాని రాశారు. చాలా తక్కువ మంది పాత్రలు ఈ సినిమాలో కనిపిస్తారు. కానీ ఉన్న ప్రతి పాత్ర కూడా గుర్తు ఉండే అంత బాగా నటించారు. దర్శకుడు చాలా నీట్ గా సినిమాని ప్రజెంట్ చేశారు. సస్పెన్స్ థ్రిల్లర్ జానర్ సినిమాలని ఇష్టపడే వారికి ఈ సినిమా నచ్చే అవకాశం ఉంది.
ALSO READ : 2023 లో ట్రోల్ చేసారు… 2024 లో పొగుడుతున్నారు..! ఆ నిర్ణయమే ఈ మార్పుకి కారణమైంది.!
