OTT Releases

ఈ సంవత్సరం ఎన్నో సినిమాలు విడుదల అయ్యాయి. కానీ కొన్ని సినిమాలు మాత్రం సైలెంట్ గా రిలీజ్ అయ్యి, విజయం సాధించాయి. అందులో కొన్ని డబ్బింగ్ సినిమాలు కూడా ఉన్నాయి. వీటిలో మొదటిగా గుర్తొచ్చే సినిమా ప్రేమలు. ఇటీవల రిలీజ్ అయ్యి సూపర్ హిట్ అయ్యింది. మలయాళం సినిమా అయినా దీన్ని తెలుగులోకి డబ్ చేసి విడుదల చేశారు. సినిమాలో చాలా వరకు హైదరాబాద్ లోనే సాగుతుంది. దాంతో తెలుగు ప్రేక్షకులు ఈజీగా కనెక్ట్ అవుతారు. నస్లెన్ కె గఫూర్, మమిత బిజు హీరో, హీరోయిన్లుగా నటించిన ఈ సినిమాకి గిరీష్ ఏ డి దర్శకత్వం వహించారు.

రాజమౌళి కొడుకు ఎస్ ఎస్ కార్తికేయ ఈ సినిమాని తెలుగులో విడుదల చేశారు. ప్రముఖ నటుడు ఫహాద్ ఫాజిల్, దిలీష్ పోతన్, శ్యామ్ పుష్కరన్ తో కలిసి నిర్మించిన ఈ సినిమాకి విష్ణు విజయ్ సంగీతం అందించారు. ఇది ఒక యూత్ ఫుల్ ప్రేమ కథ గా రూపొందింది. ఇంట్లో గొడవలు పడలేక ఒక అబ్బాయి హైదరాబాద్ కి వచ్చి, ఇక్కడ ఉన్న ఒక అమ్మాయిని ప్రేమిస్తాడు. కానీ ఆ అమ్మాయి ఎలాంటి అబ్బాయిని అయితే కోరుకుంటుందో ఆ లక్షణాలు హీరోలో ఉండవు. ఆ తర్వాత ఏం జరిగింది అనేది కథ. సినిమా స్టోరీ లైన్ చాలా సింపుల్ గా ఉంటుంది.

అసలు ఇలాంటి స్టోరీ ఉన్న సినిమాలు చాలా చూశాం. కానీ టేకింగ్ బాగుంటుంది. ప్రేక్షకులు అప్పుడప్పుడు లైట్ హార్టెడ్ సినిమాలు చూడడానికి కూడా ఇష్టపడతారు. ఈ సినిమా కూడా అలాంటిదే. సోషల్ మీడియా రిఫరెన్స్ లు కూడా ఈ సినిమాలో ఎక్కువగా ఉన్నాయి. 90స్ వెబ్ సిరీస్ కి దర్శకత్వం వహించిన ఆదిత్య హాసన్ ఈ సినిమాకి తెలుగు డైలాగ్స్ రాశారు. ఇటీవల వచ్చిన ఏ ఒక్క సోషల్ మీడియా రిఫరెన్స్ ని కూడా వదలలేదు. అంత బాగా అన్నీ కవర్ చేశారు. ఈ సినిమా తెలుగు వెర్షన్ ఇవాళ నుండి ఆహాలో స్ట్రీమ్ అవుతోంది. సినిమా చూసిన వాళ్ళందరూ కూడా కామెడీ చాలా బాగుంది అంటూ కామెంట్స్ చేస్తున్నారు.

ALSO READ : సుమ డాన్స్ వీడియోస్ లో ఈయన బాగా హైలైట్ అవుతారు..! ఈ వ్యక్తి ఎవరంటే..?

అమెజాన్ ప్రైమ్ లోకి ఒక కొత్త సినిమా వచ్చేసింది. ఆ సినిమా కూడా ఒక తెలుగు సినిమా. దాని పేరు కిస్మత్. ఏప్రిల్ 2వ తేదీ నుండి ఇది అమెజాన్ ప్రైమ్ లో స్ట్రీమ్ అవుతోంది. నరేష్ అగస్త్య, శ్రీనివాస్ అవసరాల, విశ్వదేవ్ రాచకొండ, అభినవ గోమటం, రియా సుమన్ ఈ సినిమాలో ప్రధాన పాత్రల్లో నటించారు. ఇంక ఈ సినిమా కథ విషయానికి వస్తే, మంచిర్యాలకు చెందిన ముగ్గురు యువకులు బిటెక్ పూర్తి చేస్తారు. కానీ ఉద్యోగాలు లేక తిరుగుతూ ఉంటారు. ఒకసారి ఒక గొడవ అవుతుంది. దాని కారణంగా పోలీస్ స్టేషన్ కి వెళ్తారు. ఇంట్లో వాళ్ళు బాగా తిట్టడంతో ఉద్యోగం చేద్దాము అనే ఉద్దేశంతో హైదరాబాద్ కి వెళ్తారు.

అప్పుడే హైదరాబాద్ లో ఎలక్షన్స్ హడావిడి ఉంటుంది. ఆ తర్వాత వీళ్ళకి అనుకోకుండా డబ్బులు దొరుకుతాయి. ఆ డబ్బులు వీళ్ల దగ్గరికి ఎలా వచ్చాయి అనేది మిగిలిన కథ. ఈ సినిమాకి శ్రీనాథ్ బాదినేని దర్శకత్వం వహించగా, రాజు సినిమాని నిర్మించారు. మార్క్ కే రాబిన్ సినిమాకి సంగీత దర్శకుడిగా వ్యవహరించారు. డైరెక్టర్ ఎంచుకున్న స్టోరీ పాయింట్ బాగుంది. సినిమా కూడా ఆసక్తికరంగా నడుస్తుంది. ఎక్కడా బోర్ కొట్టకుండా స్టోరీ రాసుకున్నారు. కొన్ని జోక్స్ కూడా నవ్వు తెప్పించే విధంగానే ఉంటాయి. నటీనటుల టైమింగ్ బాగుంది. అక్కడక్కడ కథ ఏమవుతుంది అనేది తెలుస్తుంది.

కానీ సినిమా చూసే విధంగానే ఉంది. పాటలు కూడా సినిమాకి తగ్గట్టుగా ఉన్నాయి. సినిమాలో సహాయ పాత్రల్లో నటించిన కొంత మంది నటులు కూడా చాలా బాగా నటించారు. అనుభవం ఉన్న నటులు ఈ సినిమాలో చాలా మంది ఉన్నారు. కాబట్టి నటన విషయంలో వంక పెట్టాల్సింది ఏమీ లేదు. ఎవరికి ఇచ్చిన పాత్రల్లో వాళ్ళు బాగా నటించారు. క్లైమాక్స్ కూడా అంతే ఆసక్తికరంగా రాసుకున్నారు. క్రైమ్ థ్రిల్లర్ కాన్సెప్ట్ సినిమాలని ఇష్టపడేవారు ఈ సినిమాని మిస్ అవ్వకండి. ఈ సినిమాలో కామెడీ కూడా బాగుంది. వీకెండ్ కి ఒక్కసారి చూడగలిగే ఒక ఎంటర్టైనర్ గా ఈ సినిమా నిలుస్తుంది.

ALSO READ : “సినిమా అని చెప్పి సీరియల్ చూపించారేంటి..?” అంటూ… విజయ్ దేవరకొండ “ఫ్యామిలీ స్టార్” రిలీజ్‌పై 15 మీమ్స్..!

షార్ట్ ఫిలిమ్స్ ద్వారా, ఆ తర్వాత సినిమాల ద్వారా పాపులర్ అయిన నటుడు హర్ష అలియాస్ వైవా హర్ష. యూట్యూబ్ లో వైవా అనే షార్ట్ ఫిలిం ద్వారా ఎంతో గుర్తింపు సంపాదించుకున్నారు. ఆ షార్ట్ ఫిలింలో హర్ష చెప్పిన డైలాగ్స్ ని ఇప్పటికి కూడా మీమ్స్ లో వాడుతారు. అంత ఫేమస్ అయ్యింది ఆ షార్ట్ ఫిలిం. తర్వాత సినిమా అవకాశాలు కూడా రావడంతో వరుస పెట్టి సినిమాలు చేస్తూ వస్తున్నారు. కొంత కాలం క్రితం వరకు కేవలం కామెడీ పాత్రల్లో మాత్రమే హర్ష నటించారు. కానీ ఇప్పుడు కామెడీ పాత్రలతో పాటు, కథ ముందుకి వెళ్ళడానికి తోడ్పడే ముఖ్య పాత్రల్లో కూడా నటిస్తున్నారు.

ఇటీవల హీరోగా కూడా నటించారు. ఆ సినిమా థియేటర్లలో విడుదల అయ్యి మంచి టాక్ సంపాదించుకుంది. ఆ సినిమా పేరే సుందరం మాస్టర్. ఈ సినిమా ఇప్పుడు ఓటీటీలోకి కూడా వచ్చింది. ఆహాలో ఈ సినిమా స్ట్రీమ్ అవుతోంది. కళ్యాణ్ సంతోష్ దర్శకత్వం వహించిన ఈ సినిమాని, హీరో మాస్ మహారాజా రవితేజ, సుధీర్ కుమార్ కుర్రు కలిసి నిర్మించారు. శ్రీచరణ్ పాకాల సంగీత దర్శకత్వం వహించారు. దివ్య శ్రీపాద హీరోయిన్ గా నటించారు. సుందరం అనే ఒక వ్యక్తి టీచర్ గా పని చేస్తూ ఉంటాడు.

డీఈఓ అయితే కట్నం ఎక్కువ వస్తుంది అనే ఆశతో, ఒక ఊరికి వెళ్లి అక్కడ ఒక పని చేస్తే, డీఈ ఓగా ప్రమోషన్ ఇప్పిస్తాను అని ఆ ఏరియా ఎమ్మెల్యే చెప్పడంతో, కట్నం కోసం అయన చెప్పిన పనికి ఒప్పుకుంటాడు. అప్పుడు మిరియాలమిట్ట అనే ఊరికి వెళ్తాడు. ఆ తర్వాత ఏం జరిగింది అనేది మీరు సినిమా చూసి తెలుసుకోవాల్సిందే. ఈ సినిమాలో కామెడీతో పాటు ఒక మంచి సందేశం కూడా ఉంటుంది. కామెడీతో సమాజానికి ఇంత మంచి మెసేజ్ ఇద్దాం అనే కాన్సెప్ట్ బాగుంది. కామెడీ కూడా చాలా బాగుంది. చాలా సెన్సిటివ్ సబ్జెక్ట్ మీద ఈ సినిమా రూపొందించారు. ఒక్కసారి అయితే తప్పకుండా చూసే సినిమా ఇది. అన్ని వయసుల వారిని ఆకట్టుకుంటుంది. ఆరోగ్యకరమైన కామెడీతో నవ్విస్తుంది.

ALSO READ : ఈ సోషల్ మీడియా స్టార్ కూతురు చాలా ఫేమస్ నటి అని తెలుసా..? ఎవరంటే..?

అందాల రాక్షసి సినిమాతో హీరోగా అడుగు పెట్టి, ఆ తర్వాత వరుస సినిమాలు చేస్తున్న హీరో నవీన్ చంద్ర. నవీన్ చంద్ర కేవలం హీరో పాత్రల్లో మాత్రమే కాకుండా, పాత్రకి ప్రాముఖ్యత ఉన్న సినిమాల్లో కూడా నటిస్తూ ఉంటారు. ఇప్పుడు నవీన్ చంద్ర హీరోగా నటించిన ఒక వెబ్ సిరీస్ నిన్న ప్రేక్షకుల ముందుకి వచ్చింది. అమెజాన్ ప్రైమ్ లో ఈ సిరీస్ విడుదల అయ్యింది. కానీ ఇది తెలుగు సిరీస్ కాదు. ఈ సిరీస్ తమిళ్ లో రూపొందించారు. తెలుగులోకి అనువాదం చేసి విడుదల చేశారు. ఈ సిరీస్ పేరు ఇన్స్పెక్టర్ రిషి.

ఈ సిరీస్ కథ విషయానికి వస్తే, తమిళనాడులో ఉన్న తైంకాడు అనే ప్రాంతంలో వరుసగా కొంత మంది చనిపోతూ ఉంటారు. దాంతో ఈ విషయాన్ని దర్యాప్తు చేయడానికి ఇన్స్పెక్టర్ రిషి నందన్ (నవీన్ చంద్ర) వస్తాడు. రిషి టీంలో అతనితో పాటు ఇన్స్పెక్టర్లు అయిన అయ్యన్నార్ (కన్నా రవి), చిత్ర (మాలినీ జీవరత్నం) కూడా ఉంటారు. క్యాథీ (సునైనా ఎల్లా), సత్య నంబీషన్ (శ్రీకృష్ణ దయాల్), ఇర్ఫాన్ (కుమారవేల్) అటవీ శాఖ అధికారులు. వీళ్లు కూడా రిషికి ఈ కేస్ విషయంలో సహాయం అందిస్తారు. అక్కడ ఉన్న ప్రజలు అందరూ కూడా వనరచ్చి అనే వనదేవత ఇలా చేస్తున్నారు అని నమ్ముతారు.

అసలు ఏం జరుగుతోంది? ఆ మిస్టరీని బయటకి ఎలా తీసుకొచ్చారు? ఇవన్నీ మీరు ఈ వెబ్ సిరీస్ చూసి తెలుసుకోవాల్సిందే. ఇలాంటి స్టోరీలు గతంలో చాలా సినిమాలు, సిరీస్ వచ్చాయి. కానీ ఇందులో మాత్రం హారర్ ఎలిమెంట్స్ కూడా ఉంటాయి. ఇలాంటి స్టోరీ రాసుకున్నప్పుడు ఆసక్తికరంగా ఉన్న స్క్రీన్ ప్లే కూడా ఉంటేనే చూడాలి అని అనిపిస్తుంది. ఇన్స్పెక్టర్ రిషి సిరీస్ లో అలాంటి ఎలిమెంట్స్ చాలా ఉన్నాయి. సిరీస్ మొదలైనప్పటి నుండి, ముగిసేంత వరకు చాలా బాగా రాసుకున్నారు. తర్వాత ఏమవుతుంది అనే ఆసక్తి సిరీస్ చూస్తున్నంత సేపు ఉంటుంది.

కొన్ని మాత్రం తెలిసిపోయేలాగా అనిపిస్తాయి. ఈ సిరీస్ 10 ఎపిసోడ్లతో రూపొందించారు. నందిని జేఎస్ దీనికి దర్శకత్వం వహించారు. సుఖ్‍దేవ్ లహరి నిర్మించిన ఈ సిరీస్ కి, అశ్వత్ సంగీతం అందించగా, భార్గవ్ శ్రీధర్ ఛాయాగ్రహణం అందించారు. టెక్నికల్ గా ప్రతి ఒక్కరూ కూడా చాలా బాగా పనిచేశారు. నిర్మాణ విలువలు కూడా బాగున్నాయి. మిస్టరీ థ్రిల్లర్ సిరీస్ కానీ, సినిమాలు కానీ ఇష్టపడేవారు దీన్ని అస్సలు మిస్ చేయకుండా చూడండి. తమిళ్, తెలుగు భాషలతో పాటు, మలయాళం, హిందీ, కన్నడ భాషల్లో కూడా ఈ సిరీస్ అందుబాటులో ఉంది.

ALSO READ : కల్కి 2898 AD కంటే ముందే… “దీపికా పదుకొనే” తెలుగు సినిమాలో నటించారా..? ఏ సినిమా అంటే..?

సినిమాలు అన్నాక ప్రతి సినిమా భారీ బడ్జెట్ సినిమా అవ్వాల్సిన అవసరం లేదు. కొన్ని తక్కువ బడ్జెట్ తో తీసిన సినిమాలు కూడా, కంటెంట్ బాగుంటే చాలా పెద్ద హిట్ అవుతున్నాయి. నిర్మాతలకు లాభాలు తెచ్చిపెడుతున్నాయి. ఇటీవల ఒక సినిమా సైలెంట్ గా రిలీజ్ అయ్యి సెన్సేషన్ క్రియేట్ చేసింది. ఆ సినిమా పేరు లవర్. ఈ సినిమాని తెలుగులో కూడా డబ్ చేసి విడుదల చేశారు. తెలుగులో ఈ సినిమా పేరు ట్రూ లవర్. మణికందన్, గౌరీ ప్రియ ఈ సినిమాలో హీరో, హీరోయిన్లుగా నటించారు. ప్రభు రామ్ వ్యాస్ ఈ సినిమాకి దర్శకత్వం వహించారు. సీన్ రోల్డాన్ ఈ సినిమాకి సంగీత దర్శకత్వం వహించారు.

అరుణ్, దివ్య కాలేజ్ రోజుల నుండి ప్రేమించుకుంటారు. తర్వాత వారిద్దరికీ మధ్య వచ్చే సమస్యల నేపథ్యంగా సినిమా నడుస్తుంది. సినిమా సబ్జెక్ట్ చాలా బాగా తెలిసిన సబ్జెక్ట్. ఇలాంటి కంటెంట్ ఉన్న సినిమాలు మనం చూసాం. కానీ ఈ సినిమా టేకింగ్ మాత్రం కొత్తగా అనిపిస్తుంది. కొన్ని విషయాలని చాలా సహజంగా డైరెక్టర్ చూపించారు. సాధారణంగా ప్రేమ అనగానే, కేవలం అమ్మాయి, అబ్బాయి ఇద్దరు సంతోషంగా ఉంటారు అనే ఒక్క విషయాన్ని మాత్రమే చాలా సినిమాల్లో చూపించారు. కానీ దానికి మరొక కోణం కూడా ఉంది అనే విషయాన్ని ఈ సినిమాలో చూపించారు.

హీరో, హీరోయిన్ ఇద్దరు పెళ్లి చేసుకుంటే వారి కథ సుఖాంతం అవుతుంది అని చూపిస్తారు. కానీ ఈ సినిమాలో అసలు హీరోయిన్ హీరోని పెళ్లి చేసుకోవడానికి చాలా సంకోచిస్తుంది. అందుకు కారణాలు ఏంటి అనేది కూడా క్లియర్ గా చూపించారు. సినిమాలో ఒక పాత్రను హైలైట్ చేయడానికి మరొక పాత్రని నెగిటివ్ గా చూపించలేదు. ఇద్దరి మనస్తత్వాలు భిన్నంగా ఉంటే ఎన్ని గొడవలు వస్తాయి అనే విషయాన్ని చూపించారు. దాని వల్ల ఒకరి వల్ల ఒకరికి ఎన్ని సమస్యలు వస్తాయి అనేది కూడా చూపించారు.

ప్రేమికులు ఇలాంటి సమస్యలు కూడా ఎదుర్కొంటారా అని కొన్ని సీన్స్ చూస్తూ ఉంటే అనిపిస్తుంది. నటీనటుల పర్ఫార్మెన్స్ చాలా సహజంగా ఉంటుంది. ఫిబ్రవరిలో థియేటర్లలో విడుదల అయిన ఈ సినిమా ఇప్పుడు డిస్నీ ప్లస్ హాట్‌స్టార్‌లో స్ట్రీమ్ అవుతోంది. తమిళ్ తో పాటు, తెలుగులో కూడా ఈ సినిమా అందుబాటులో ఉంది. యూత్ కి, కుటుంబాలకి కూడా ఈ సినిమాలో కొన్ని సీన్స్ బాగా కనెక్ట్ అవుతాయి. అన్ని వర్గాలు ప్రేక్షకులు చూడగలిగే సినిమా.

ALSO READ : THE GOAT LIFE REVIEW : “పృథ్వీరాజ్ సుకుమారన్” హీరోగా నటించిన ఈ సినిమా ఆకట్టుకుందా..? స్టోరీ, రివ్యూ & రేటింగ్.!

వన్ నేనొక్కడినే సినిమాతో కెరీర్ మొదలు పెట్టి, తర్వాత బాలీవుడ్ సినిమాల్లో నటిస్తున్న నటి కృతి సనన్. ఇటీవల మిమి అనే ఒక సినిమాలో తన నటనకి నేషనల్ అవార్డు కూడా గెలుచుకున్నారు. డిఫరెంట్ కాన్సెప్ట్ ఉన్న సినిమాలని ఎంచుకుంటూ ముందుకు వెళ్తున్నారు. స్టార్ హీరోయిన్ గా ఎదిగారు. ప్రస్తుతం కృతి చేతినిండా సినిమాలతో బిజీగా ఉన్నారు. అవన్నీ కూడా నటనకి ఆస్కారం ఉన్న పాత్రలు ఉన్న సినిమాలు మాత్రమే. ఇటీవల కృతి హీరోయిన్ గా, షాహిద్ కపూర్ హీరోగా నటించిన ఒక సినిమా ప్రేక్షకుల ముందుకి వచ్చింది.

ఆ సినిమా థియేటర్లలో చాలా పెద్ద హిట్ అయ్యాక ఇప్పుడు అమెజాన్ ప్రైమ్ లో విడుదల అయ్యింది. ఆ సినిమా పేరు, తేరి బాతో మే ఐసా ఉల్ఝా జియా. ఈ సినిమా ఇటీవల విడుదల అయ్యింది. ఈ సినిమాకి అమిత్ జోషి, ఆరాధనా సాహా దర్శకత్వం వహించారు. ఇంక సినిమా కథ విషయానికి వస్తే, ఆర్యన్ అగ్నిహోత్రి (షాహిద్ కపూర్) రోబోటిక్స్ విభాగంలో పనిచేస్తూ ఉంటాడు. అతనికి ఇంట్లో పెళ్లి గురించి ఒత్తిడి ఎక్కువగా ఉంటుంది. మరొక పక్క ఆర్యన్, అతని మేనత్త అయిన ఊర్మిళ శుక్లా (డింపుల్ కపాడియా) ని కలవడానికి యూఎస్ఏ కి వెళ్తాడు. అక్కడ ఊర్మిళ ఇంట్లో ఉన్న సిఫ్రా (కృతి సనన్) అనే ఒక అమ్మాయిని చూసి ఇష్టపడతాడు. సిఫ్రా కూడా ఆర్యన్ తో ప్రేమలో పడుతుంది.

కానీ తర్వాత ఆర్యన్ కి సిఫ్రా ఒక మనిషి కాదు, రోబోట్ అని, ఊర్మిళ ఇదంతా కూడా టెస్టింగ్ కోసం చేసింది అని అర్థం అవుతుంది. రోబోట్స్ కి ఫీలింగ్స్ ఉంటే ఎలా ఉంటుంది అనే విషయం మీద ఊర్మిళ టెస్టింగ్ చేసే క్రమంలో, ఆర్యన్ తో సిఫ్రా ప్రేమలో పడాలి అని ఇదంతా ముందే చేసినట్టు తెలుస్తుంది. కానీ అప్పటికే ఆర్యన్ సిఫ్రాని ప్రేమిస్తాడు. తర్వాత ఈ రోబోట్ ని ఇండియాలో లాంచ్ చేద్దాం అనుకుంటున్నారు కాబట్టి, ఇండియా వాతావరణంలో ఈ రోబోట్ ఎలా ఉంటుందో తాను టెస్ట్ చేస్తాను అని, ఇందుకోసం సిఫ్రాని తన ఇంటికి తీసుకెళ్తాను ఊర్మిళతో అని చెప్పి ఆర్యన్, సిఫ్రాని తన ఇంటికి తీసుకెళ్లి, తాను ప్రేమించిన అమ్మాయి అని పరిచయం చేస్తాడు.

ఆ తర్వాత ఏం జరిగింది. సిఫ్రా మనుషులు మాట్లాడేవి అర్థం కాక ఎలాంటి పనులు చేసింది. ఇవన్నీ తెలుసుకోవాలి అంటే మీరు సినిమా చూడాల్సిందే. రోబోట్ తో ప్రేమ కథ అనే విషయం మీద రజనీకాంత్ హీరోగా నటించిన రోబో సినిమా వచ్చింది. కానీ ఈ సినిమాలో నిజంగా ఒక రోబోట్ అమ్మాయికి ఫీలింగ్స్ ఉంటాయి ఎలా ఉంటుంది అనే విషయాన్ని చూపించారు. సినిమాలో కామెడీ చాలా ఎక్కువగా ఉంటుంది. చాలా సీన్స్ నవ్వు కూడా తెప్పిస్తాయి. సినిమాకి రెండవ భాగం ఉంటుంది అన్నట్టే ఇది ముగిస్తారు.

సినిమాలో ముందుగా చెప్పుకోవాల్సింది కృతి సనన్ పర్ఫార్మెన్స్ గురించి. రోబోట్ పాత్రలో చాలా బాగా నటించారు. ముఖ్యంగా షాహిద్ కపూర్ కి, కృతి సనన్ కి మధ్య వచ్చే కామెడీ సీన్స్ తెరపై చాలా బాగా కనిపించాయి. ప్రస్తుతం అయితే ఈ సినిమా అమెజాన్ ప్రైమ్ లో రెంట్ కి అందుబాటులో ఉంది. మరి అమెజాన్ ప్రైమ్ లో ఈ సినిమా ఉచితంగా రావాలి అంటే ఇంకా కొద్ది రోజులు ఆగాల్సిందే. ఒకవేళ రెంట్ కడితే ఈ సినిమాని ఇప్పుడే చూసే అవకాశం కూడా ఉంది.

ALSO READ : రామ్ చరణ్ “జరగండి” పోస్టర్‌లో ఇది గమనించారా..? ఈ పుస్తకానికి ఇంత గొప్ప చరిత్ర ఉందా..?

ఈమధ్య మంచి థ్రిల్లర్ జానర్ మూవీలు…మూవీ లవర్స్ ని బాగా ఆకట్టుకుంటున్నాయి.
ప్రతిక్షణం ఉత్కంఠ కలిగిస్తూ తర్వాత ఏం జరుగుతుందో అనే క్యూరియాసిటీ కలిగించడంలో డైరెక్టర్లు సఫలమవుతున్నారు. ఈ మధ్య ఓటిటి పుణ్యమా అంటూ ప్రతి భాషలోనూ సూపర్ హిట్ అయిన మూవీలు అందరికీ అందుబాటులోకి వస్తున్నాయి. గత ఏడాది సెప్టెంబర్లో తమిళ్లో విడుదలైన పరంపొరుల్ మూవీ తాజాగా ఈటీవీ విన్ ఓటిటి యాప్ లో స్టీమ్ అవుతుంది. ఇక ఈ సినిమా కథ విషయానికి వొస్తే……!

గౌరీ(అమితాశ్ ప్రధాన్‌) ఒక సాధారణ మధ్యతరగతి యువకుడు. అతని చెల్లి అనారోగ్య సమస్య వల్ల ఇబ్బంది పడుతూ ఉంటుంది. ఆమెను బతికించుకోవడానికి డబ్బుకోసం కష్టపడుతుంటాడు. అయితే తండ్రిలా కష్టపడి సంపాదించకుండా ఈజీగా సంపాదించాలని దొంగతనాలు చేస్తాడు. గౌరీ ఒకప్పుడు అక్రమంగా విగ్రహాలను స్మగుల్ చేసే సద్గుణ దగ్గర పనిచేస్తాడు. అతడు చనిపోవడంతో తర్వాత దొంగతనాలు చేస్తూ ఉంటాడు. ఇక ఒక రాత్రి పోలీసాఫీసర్ అయిన మైత్రేయన్ (శరత్ కుమార్) ఇంట్లో దొంగతనం చేయడానికి వెళ్లి దొరికిపోతాడు. ఇక లంచగొండి అయిన మైత్రేయన్.. ఎక్కువ డబ్బు సంపాదించి రిటైర్ అయ్యి.. హ్యాపీ గా జీవించాలని ఆశపడతాడు. అంతేకాకుండా విడిపోయిన భార్య, కూతురుకు ఎలాంటి బాధలు లేకుండా చేయాలని ఆరాటపడతాడు.

అలాంటి సమయంలోనే విగ్రహాలను అక్రమంగా తరలించే సద్గుణ దగ్గర పనిచేసిన గౌరీ చేతికి చిక్కడంతో…అతడిని వాడుకొని అక్రమంగా డబ్బు సంపాదించాలని ప్లాన్ చేస్తాడు. ఇక ఆ ప్లాన్ ను గౌరికి చెప్పి… చెయ్యకపోతే జైలుకు పంపిస్తానని బెదిరిస్తాడు. ఒకపక్క చెల్లి ఆపరేషన్.. ఇంకోపక్క జైలు.. దీంతో గౌరీ చేసేదేం లేక మైత్రేయన్ తో చేతులు కలుపుతాడు.

నాగపట్నం దగ్గరలోని ఒక ఊరి చివర పొలంలో దాదాపు 1000 సంవత్సరాల క్రితం నాటి ఒక బుద్ధ విగ్రహన్ని స్మగుల్ చేయాలని గౌరికి ఆఫర్ వస్తుంది. ఇక ఆ డీల్ ను ఎలా అయినా సెట్ చేసి రూ.50 కోట్లు తీసుకోవాలని ప్లాన్ చేస్తారు. ఆ విగ్రహాన్ని తీసుకొని డీలర్స్ దగ్గరకు వెళ్లి రూ. 15 కోట్లకు బేరం ఆడతారు. అయితే ఆ విగ్రహం కోసం వెతికే మరో గ్యాంగ్ వీరిపై అటాక్ చేయడంతో మధ్యలో ఆ విగ్రహం విరిగిపోతుంది. దీంతో తాము అనుకున్న డబ్బులు రావేమో అని అలాంటి విగ్రహాన్ని మరొకటి తయారుచేయించి అమ్మడానికి ప్లాన్ చేస్తారు. దానికోసం మైత్రేయన్ అప్పటివరకు అక్రమంగా సంపాదించిన డబ్బు మొత్తాన్ని ఒక ప్రొఫెసర్ కు లంచంగా ఇస్తాడు. అది ఒరిజినల్ అని డీలర్స్ కు ప్రొఫెసర్ చెప్పడంతో డీల్ ఓకే అయ్యి డబ్బు చేతికి వచ్చాకా గౌరీని చంపేయాలని మైత్రేయన్ ప్లాన్ చేస్తాడు. ఇక లాస్ట్ మినిట్ లో పోలీసులు డీల్ జరిగే ప్రదేశానికి వచ్చి మైత్రేయన్ ను, డీలర్స్ ను అరెస్ట్ చేస్తారు.

ఇక్కడే మైత్రేయన్ కు దిమ్మతిరిగే షాక్ తగులుతుంది.మొదట్లో గౌరీనీ గొర్రె అనుకున్న మైత్రేయన్ కు.. అసలు గొర్రె తానే అర్థమవుతుంది.అసలు గౌరీ ఎవరు..? మైత్రేయన్ పై ఎందుకు పగ తీర్చుకున్నాడు..? పర్ఫెక్ట్ గా ప్లాన్ చేసి మైత్రేయన్ ను జైలుకు ఎందుకు పంపాడు అనేది సినిమా చూసి తెలుసుకోవాల్సిందే…! ఈ సినిమా ఇప్పుడు థ్రిల్లర్ ప్రేక్షకులను బాగా ఆకట్టుకుంటుంది. ప్రధాన నటులు నటన సినిమాకు బాగా ప్లస్ అయింది. దర్శకుడు టేకింగ్ బాగుంది. ఇక ఈ చిన్న సినిమాకు యువన్ శంకర్ రాజ సంగీతం అందించడం విశేషం.

గతంలో కంటే ఇప్పుడు ప్రేక్షకులు సినిమాలు చూడడం అనేది ఎక్కువ అయ్యింది. అందుకే ఓటీటీలో కూడా కొత్త కాన్సెప్ట్ ల మీద సినిమాలు వస్తున్నాయి. ఇప్పుడు అలాగే మరొక కొత్త సినిమా వచ్చింది. ఇది ఒక ప్రేమ కథ. ఈ సినిమా పేరు ఓండు సరళ ప్రేమ కథే. ఇందులో వినయ్ రాజ్‌కుమార్, మల్లికా సింగ్ హీరో హీరోయిన్లుగా నటించారు. సుని ఈ సినిమాకి దర్శకత్వం వహించారు. ఇంక ఈ సినిమా కథ విషయానికి వస్తే, ఒక వ్యక్తి మ్యూజిక్ డైరెక్టర్ అవ్వాలి అని అనుకుంటాడు. ఒక గొంతు కోసం అతను వెతుకుతూ ఉంటాడు. ఆ గొంతు ఉన్న వ్యక్తిని ప్రేమించాలి అని అనుకుంటాడు.

ఇదే కాన్సెప్ట్ మీద సినిమా అంతా నడుస్తుంది. ఈ సినిమా ఇప్పుడు అమెజాన్ ప్రైమ్ వీడియోలో స్ట్రీమ్ అవుతోంది. ఇది ఒక కన్నడ సినిమా. ఇప్పుడు ఈ సినిమా కేవలం కన్నడ భాషలో మాత్రమే స్ట్రీమ్ అవుతోంది. కాకపోతే సబ్ టైటిల్స్ కూడా అందుబాటులో ఉన్నాయి. ఈ సినిమాకి వీర్ సమర్థ్ సంగీత దర్శకత్వం వహించారు. మైసూర్ రమేష్ ఈ సినిమాని నిర్మించారు. కన్నడలో ఫిబ్రవరి 8వ తేదీన ఈ సినిమా విడుదల అయ్యింది. సైలెంట్ గా ఎటువంటి అంచనాలు లేకుండా విడుదల అయ్యి మంచి టాక్ సంపాదించుకుంది. మల్లికా సింగ్ ఈ సినిమాతో హీరోయిన్ గా అడుగు పెట్టారు.

రాధాకృష్ణ సీరియల్ లో మల్లికా సింగ్ రాధా పాత్రలో నటించారు. ఆ సీరియల్ ద్వారా మల్లికా సింగ్ చాలా మందికి తెలుసు. ఇప్పుడు సినిమా ద్వారా ప్రేక్షకులని పలకరించారు. నటీనటులు అందరూ కూడా తమ పాత్రలకి తగ్గట్టు నటించారు. ప్రేమ కథకి ముఖ్యమైనది సంగీతం. ఈ సినిమా పాటలు కూడా చాలా పెద్ద హిట్ అయ్యాయి. తెలుగులో లేకపోయినా పర్వాలేదు, సబ్ టైటిల్స్ తో చూడొచ్చు అని అనుకునేవారు ఈ సినిమాని మిస్ అవ్వకుండా చూసేయండి. తెలిసిన కథ అయినా కూడా, ఒక ఫీల్ గుడ్ సినిమా ఇది. ఒక మంచి సినిమా చూశాం అనే అనుభూతిని ఇస్తుంది. లవ్ స్టోరీస్ ఇష్టపడే వారిని ఈ సినిమా అస్సలు నిరాశపరచదు. కాబట్టి మిస్ కాకుండా చూసేయండి.

ALSO READ : చాలా సినిమాలని సాయి పల్లవి రిజెక్ట్ చేస్తే… సాయి పల్లవికే హీరో నో చెప్పాడంట.? ఎవరంటే.?

ఎంటర్టైన్మెంట్ రంగంలో ఇప్పుడు కొత్త ట్రెండ్ నడుస్తోంది. ఇంతకుముందు కొత్త సినిమాల కోసం ఎదురుచూసే ప్రేక్షకులు రాను రాను ఓటీటీ లో సినిమాలు, వెబ్ సిరీస్ విడుదల కోసం వెయిట్ చేస్తున్నారు. ఎందుకంటే హాల్ కి వెళ్లి చూసే టైం, ఇంట్రెస్ట్ లేని వాళ్ళు హ్యాపీగా ఇంట్లో కూర్చొని సినిమాలోని వెబ్ సిరీస్ ని చూస్తున్నారు.

వారం, వారం కొత్త కొత్త సినిమాలు, కొత్త కొత్త వెబ్ సిరీస్ లు ఓటీటీ లో రిలీజ్ అవుతూ ఉండటంతో వాటికే ఎక్కువ ప్రిఫరెన్స్ ఇస్తున్నారు నేటి యువత. యువత అభిరుచులకు తగ్గట్టుగానే ఫ్యామిలీ ఎంటర్టైన్మెంట్, హర్రర్, క్రైమ్ థ్రిల్లర్ జోనర్ లో వెబ్ సిరీస్ ఆడియన్స్ కి బాగా కనెక్ట్ అవుతున్నాయి. భాష ఏదైనా సరే కంటెంట్ బాగుంటే సబ్ టైటిల్స్ తో అయినా సదరు సినిమాను గాని సీరీస్ ని గాని ఎంజాయ్ చేస్తున్నారు.

అలాగే ఇప్పుడు ఓటీటీ లో మెడికల్ జోనర్ లో వచ్చిన హార్ట్ బీట్.. ది రిథమ్ ఆఫ్ లైఫ్ సిరీస్ స్ట్రీమింగ్ అవుతుంది. ఇది తమిళ వెర్షన్ వెబ్ సిరీస్. ఉమెన్స్ డే సందర్భంగా మార్చి 8 నుంచి డిస్నీ ప్లస్ హాట్ స్టార్ లో స్ట్రీమింగ్ అవుతుంది. రొమాంటిక్ యూత్ ఫుల్ సిరీస్ గా తెరకెక్కించబడింది. కథ విషయానికి వస్తే ట్రైనీ డాక్టర్ రీనా పాత్ర చుట్టూ కథ తిరుగుతుంది. ఒక పెద్ద కార్పొరేట్ హాస్పిటల్ లో రీనా అనే ట్రైనీ డాక్టర్ మొదటి రోజు ఆలస్యంగా వస్తుంది. దానివల్ల సీనియర్ డాక్టర్ రాధిక కోపానికి గురవుతుంది.

తర్వాత ఆమె ఎక్కడికి వెళ్ళినా ఇబ్బందులు ఎదురవుతూనే ఉంటాయి. అయితే ఆ ఇబ్బందులను రీనా ఎలా సాల్వ్ చేసుకుంటుంది. ఆమె నేపథ్యం ఏమిటి అన్నదే కధ. ఈ సిరీస్ ని అమెరికన్ షో గ్రేస్ అనాటమీ ఆధారంగా తెరకెక్కించారు. సుందర రాజన్ దర్శకత్వంలో తెరకెక్కిన ఈ సిరీస్ లో మలయాళీ నటి అనుమోల్, యోగలక్ష్మి, థాపా, దీపా బాలు, చారుకేష్, జయరావు, గిరి ద్వారకేష్, దేవిశ్రీ, కవితాలయ కృష్ణన్ తదితరులు నటించారు.

View this post on Instagram

A post shared by Disney+ Hotstar Tamil (@disneyplushotstartamil)