Anudeep

నెల్లూరు కృష్ణ పట్నం ఆనందయ్య చేస్తున్న వైద్యం వలన చాలా మందికి నయమవుతోందన్న వార్తలు వస్తున్న సంగతి తెలిసిందే. అయితే.. ఈ క్రమం లో కొందరు ఆనందయ్య ముందుకు శాస్త్రీయత లేదని.. కరోనా అందరికి తగ్గడం లేదు అని జగిత్యాల ఎమ్మెల్యే డాక్టర్ సంజయ్ షాకింగ్ కామెంట్స్ చేసారు. నిన్న కృష్ణపట్నం నుంచి మందును తీసుకొచ్చి జగిత్యాలలో కొందరికి ఇచ్చారని.. కళ్ళలో మంటలు వచ్చాయి కానీ.. కరోనా తగ్గలేదు అంటూ ఆయన కామెంట్స్ చేసారు.

ఓ ప్రభుత్వ ఆసుపత్రి లో ఆకస్మిక తనిఖీ చేసిన ఎమ్మెల్యే డా సంజీవ్ ఆనందయ్య ముందుకు ప్రచారం చేయవద్దంటూ కోరారు. ఓ ఎమ్మెల్యే గా, కంటి వైద్యుడి గా తానూ చెపుతున్నానని.. ఇంతటి శాస్త్ర పరిజ్ఞానం అందుబాటులోకి వచ్చాక కూడా నాటు వైద్యం నమ్మడం దురదృష్టకరం అని పేర్కొన్నారు. ఆనందయ్య మందు మంచి గా పని చేస్తే జగిత్యాలలో ఉన్న 45 కొవిడ్ రోగులకు కూడా ఆ మందే ఇచ్చేవాళ్లమని.. ఇంతమంది వైద్యులు, నర్సులు కష్టపడే వారు కాదు కదా అంటూ మాట్లాడారు.

యాస్ తుఫాను ప్రభావం పశ్చిమ బెంగాల్ పై కూడా పడుతున్న సంగతి తెలిసిందే. ఈ నేపధ్యం లో నష్టపడ్డ ప్రాంతాలను దేశ ప్రధాని నరేంద్ర మోడీ ఏరియల్ వ్యూ ద్వారా పరిశీలించారు. ఆ తరువాత జరిగే సమావేశానికి ముఖ్యమంత్రి మమతా బెనర్జీ తో సహా పలువురు అధికారులు హాజరు కావాల్సి ఉంది. అయితే, ఈ సమావేశానికి బెంగాల్ ముఖ్యమంత్రి మమతా బెనర్జీ గైర్హాజరు అయ్యారు. ఇతర అధికారులు కూడా హాజరు కాకపోవడం కొంత ఆశ్చర్యాన్ని కలుగచేసింది.

ఆ తరువాత కలైకుందా ఎయిర్‌బేస్‌లో కూడా అధికారుల తో పీఎం నరేంద్ర మోడీ ముఖ్య సమావేశాన్ని ఏర్పాటు చేసారు. ఈ సమావేశానికి కూడా సీఎం తో పాటు ముఖ్య కార్యదర్శి హాజరు కావాల్సి ఉంది. అయితే.. ఇందుకు కూడా మమతా బెనర్జీ అరగంట ఆలస్యం గా వచ్చారట. ఓ నివేదిక ను ఇచ్చిన తరువాత ఓ పావుగంట సేపు ఉండి ఇతర కార్యక్రమాలకు వెళ్లాలంటూ.. ఆమె అక్కడనుంచి వెళ్లిపోయారట. దీనితో పలువురు రాజకీయవేత్తలు ఆశ్చర్యం వ్యక్తం చేస్తున్నారు. ఇతర అధికారులు అయినా హాజరు అవ్వాల్సి ఉంది.. అయితే సీఎం మమతా ఉద్దేశ్యపూర్వకం గా నే ఇలా చేసారని పలువురు భావిస్తున్నారు.

భర్తలపై భార్యలకు అనుమానం వస్తుండడం సహజమే. అయితే.. ఏది మితిమీరి అవతలి వారికి ఇబ్బందికలిగించే విధం గా ఉండకూడదు. భర్త చెప్పే విషయాన్నీ కూడా విని అర్ధం చేసుకోవాలి. ఇవేవి ఆలోచించకుండా.. కేవలం భర్త పై అనుమానం తో భర్త ఫోన్ పై నిఘా పెట్టింది దుబాయ్ కి చెందిన ఓ మహిళ. ఆమె భర్త లేని సమయం లో ఫోన్ చెక్ చేయడం, అతని పనులను ఆరాతీయడం వంటివి చేసేది.

దీనితో.. విసుగు చెందిన భర్త కేసు పెట్టాడు. కోర్టు లో తన ఇబ్బందులను తెలియచెప్పాడు. కుటుంబం లో తనను అవమానించిందని, మానసిక శాంతి లేకుండా చేసిందని, తన ప్రైవసీ కి భంగం కలిగించిందని, ఇంట్లో వారి ముందు తలెత్తుకోనివ్వకుండా చేసిందంటూ ఆరోపించారు. ఈ కేసు కారణం గా ఆఫీస్ కి కూడా వెళ్లలేక, జీతం అందుకోలేకపోయానని.. ఈ న్యాయవాది ఫీజు కూడా ఆమెనే చెల్లించాల్సింది గా కోరుతున్నానని కోర్టు కు విన్నవించాడు సదరు భర్త. ఆమె డేటా సేకరించిన ఆధారాలను కూడా చూపించాడు. దీనితో.. ఆమె తన భర్త కు లక్ష నష్ట పరిహారం చెల్లించాలని కోర్టు తీర్పు ఇచ్చింది. సదరు మహిళ తరపు న్యాయవాది కూడా భర్త ఇబ్బందిపెట్టినట్లు చెప్పగా… ఆధారాలు ఇవ్వాలని జడ్జి పేర్కొన్నారు.

టీనేజ్ లో ఆకర్షణ కారణం గా పుట్టే ప్రేమలు కన్నవారికి కడుపుకోతను మిగులుస్తూనే ఉన్నాయి. తాజాగా ఇలాంటి ఘటనే కర్ణాటకలోని చిక్‌బళ్లాపురంలో చోటు చేసుకుంది. పదిహేడు సంవత్సరాల అమ్మాయి తానూ ప్రేమించిన అబ్బాయినే పెళ్లాడింది. చివరకు చిన్న కారణానికే అలిగి ఆత్మహత్య చేసుకుంది. వివరాల్లోకి వెళితే, కర్ణాటకలోని చిక్‌బళ్లాపుర్ జిల్లాలో బేవినహళ్లి గ్రామం లో రాజు కుటుంబం నివసిస్తోంది. రాజు కుమార్తె మమతా కు 17 సంవత్సరాలు.

ఆమె స్కూల్ లో పదవతరగతి చదువుతున్న రోజుల్లోనే తోటి విద్యార్థి అయిన మణికంఠ ను ప్రేమించింది. అయితే ఈ విషయం తల్లి తండ్రులకు తెలియడం తో 2020 జనవరి లో మణికంఠ పై కేసు పెట్టారు. దీనితో వారిద్దరూ మరింత మొండికెక్కారు. తామిద్దరం ప్రేమించుకుంటున్నామని.. పెళ్లిచేసుకుంటామని నొక్కిచెప్పారు. మూడు నెలల క్రితమే వీరిద్దరూ పెళ్లి చేసుకున్నారు.

అయితే.. చదువు పూర్తి చేయని మణికంఠ కు మమతా ను పోషించడం కష్టతరం గా మారింది. ఈ క్రమం లో మమతా పుట్టిన రోజు రావడం తో తనకు కొత్త డ్రెస్ కొనివ్వాలని కోరింది. అయితే, లాక్ డౌన్ కారణం గా షాపులు లేవని కొత్త డ్రెస్ తేలేనని మణికంఠ చెప్పడం తో మమతా చిన్నబుచ్చుకుంది. ప్రేమించి పెళ్లి చేసుకున్నామన్న మాటే కానీ కనీసం డ్రెస్ కూడా కొనివ్వలేవని అలిగిన మమత ఇంట్లో ఎవరు లేని సమయం చూసి ఫ్యాన్ కు ఉరి వేసుకుని ఆత్మహత్య చేసుకుంది. అయితే మణికంఠ తల్లితండ్రులే ఆమెని చంపి ఆత్మహత్య గా చిత్రీకరిస్తున్నారని పోలీస్ స్టేషన్ లో ఫిర్యాదు చేసారు. పోలీసులు కేసు నమోదు చేసి దర్యాప్తు చేస్తున్నారు.

గత సంవత్సరంతో పోలిస్తే 2020-21లో కొత్తగా రూ .2,000 నోట్లను సరఫరా చేయలేదని ఆర్‌బిఐ గురువారం తెలిపింది. అయితే, ఇది 2019-20లో 13,390 లక్షల నోట్లను సరఫరా చేసింది. మరో వైపు 20 రూపాయల నోట్ల సరఫరాను 2020-21లో 38,250 లక్షల నోట్లకు పెంచింది.

రిజర్వ్ బ్యాంక్ చివరిసారిగా 2018-19లో 467 లక్షల 2000 రూపాయల నోట్లను సరఫరా చేసింది. మొత్తం నోట్ల సరఫరా 0.3 శాతం తగ్గి 2,23,875 గా ఉండాల్సినది.. 2,23,301 లక్షల నోట్లు గా ఉంది. గత ఏడాది తో పోలిస్తే.. బ్యాంకు నోట్ల సంఖ్య కూడా 9.7 శాతం తగ్గింది. కాయిన్ల సరఫరా కూడా 11.8 శాతం తగ్గింది. 2020-201 మధ్యకాలంలో చెలామణిలో ఉన్న నోట్ల విలువ మరియు వాల్యూమ్ వరుసగా 16.8 శాతం మరియు 7.2 శాతం పెరిగింది, ఇది 2019-20లో చూసినప్పుడు వరుసగా 14.7 శాతం మరియు 6.6 శాతం పెరిగింది. విలువ పరంగా, రూ .500 మరియు రూ .2,000 నోట్ల వాటా 2021 మార్చి 31 నాటికి చెలామణిలో ఉన్న మొత్తం నోట్ల విలువలో 85.7 శాతం, 2020 మార్చి 31 నాటికి 83.4 శాతంగా ఉంది.