Anudeep

పవర్ స్టార్ పవన్ కళ్యాణ్ ఓ వైపు రాజకీయాల్లో బిజీ గా ఉంటూనే వరుస సినిమాలను ఒప్పుకుంటున్న సంగతి తెలిసిందే. సినిమా లలో రీ ఇన్నింగ్స్ మొదలు పెట్టాక పవన్ జోరు పెంచారు. కరోనా కారణం గా సినిమా షూటింగ్ లు ఆలస్యమైనప్పటికీ తిరిగి వేగం పెంచారు. ఇప్పటికే, వకీల్ సాబ్ షూట్ ను కంప్లీట్ చేసిన పవన్ వరుస సినిమాలను లైన్ లో పెట్టారు.

క్రిష్ దర్శకత్వం లో పవన్ ఓ సినిమా చేస్తున్న సంగతి తెలిసిందే. ఈ సినిమా కి టైటిల్ ను ఖరారు చేసినట్లు తెలుస్తోంది. ‘హరిహర వీరమల్లు’ అనే టైటిల్ ను ఈ సినిమా కోసం అనుకుంటున్నారట. అయితే, ఇప్పటివరకు ఈ టైటిల్ గురించి ప్రకటన చేయలేదు. ఇది పవన్ కు 27 వ సినిమా కానుంది. పవన్ – రానా కాంబినేషన్ లో ఈ సినిమా తెరకెక్కుతున్న సంగతి తెలిసిందే. మలయాళ చిత్రం ‘అయ్యప్పనుమ్ కోషియమ్’కు ఈ సినిమా రీమేక్.

సాధారణం గా తెలుగు సినిమాల్లో ఎక్కువ అవకాశాలు ముంబై , బాలీవుడ్ నుంచి వచ్చే భామలనే వరిస్తుంటాయి. తెలుగు అమ్మాయిలు అంత ఫ్రీ గా నటించలేరు అన్న అపోహ.. మరేదైనా కారణం తోనో వారికి తక్కువ అవకాశాలు వస్తూఉంటాయి. అయితే, ఈషా రెబ్బ మాత్రం ప్రతికూల పరిస్థితుల్లో కూడా అవకాశాలు దక్కించుకుంటోంది. ‘లైఫ్ ఈజ్ బ్యూటిఫుల్’ సినిమా తో ఈషా వెండితెరకు పరిచయం అయింది.

ఆ తరువాత ఆమెకు అందివచ్చిన అవకాశాలతో తనను తాను ప్రూవ్ చేసుకుంటూ వచ్చింది. ప్రస్తుతం ఈషా మోస్ట్ ఎలిజిబుల్ బ్యాచిలర్’, ‘పిట్టకథలు’ సినిమాలలో నటిస్తోంది. తాజాగా, ఈమెకు గుణశేఖర్ “శాకుంతలం” సినిమా లో ఆఫర్ వచ్చినట్లు తెలుస్తోంది. ఈ పౌరాణికం సినిమాలో ఈషా రెబ్బ సమంత కు చెలికత్తెగా కనిపించనుందని తెలుస్తోంది. అయితే ఇందుకు సంబంధించి అధికారిక ప్రకటన రావాల్సి ఉంది.

ఈరోజు సాయంత్రం సమయం లో ఆదిపురుష్ సినిమా షూటింగ్ స్పాట్ లో అగ్ని ప్రమాదం జరిగిన సంగతి తెలిసిందే. ఈ సంఘటన ఇంకా మరవకముందే మరో ప్రమాదం జరిగింది. సలార్ చిత్ర యూనిట్ రోడ్డు ప్రమాదం బారిన పడ్డారు. గోదావరిఖని-శ్రీనగర్ జాతీయ రహదారిపై యు టర్న్ తీసుకుంటున్న సమయం లో ఈ ప్రమాదం జరిగిందని తెలుస్తోంది.

యూనిట్ సభ్యులు ఉన్న వ్యాన్ లారీ ని ఢీకొట్టడం తో ఈ ప్రమాదం జరిగింది. పెద్దపల్లి జిల్లాలో ఈ రోడ్డు ప్రమాదం జరిగింది. అయితే, ఈ ఘటనలో సలార్ యూనిట్ సభ్యులు గాయపడడం తో వీరిని వెంటనే మమతా ఆసుపత్రి కి తరలించారు. అయితే కంగారు పడక్కర్లేదని, స్వల్ప గాయాలే తగిలాయని యూనిట్ సభ్యులు చెబుతున్నారు.

ప్రముఖ నిర్మాత ఎం ఎస్ రాజు తనయుడు, టాలీవుడ్ హీరో సుమంత్ అశ్విన్ ఓ ఇంటివాడు కాబోతున్నాడు. సుమంత్ అశ్విన్ “తూనీగ తూనీగ” సినిమా తో తెలుగు తెర కు పరిచయం అయిన సంగతి తెలిసిందే. ఈ సినిమా విఫలం అయినా.. ఆ తరువాత వచ్చిన “అంతకుముందు ఆ తరువాత ” సినిమా మంచి పేరు తెచ్చుకుంది. ఈ సినిమా కి ఇంద్రగంటి మోహన్ కృష్ణ దర్శకత్వం వహించాడు. ఆ తరువాత సుమంత్ అశ్విన్ లవర్స్, చక్కిలిగింత, కేరింత, కొలంబస్, రైట్ రైట్, ఫ్యాషన్ డిజైనర్, హ్యాపీ వెడ్డింగ్, ప్రేమ కథా చిత్రం 2 సినిమాలలో నటించి మంచి పేరు ప్రఖ్యాతలు తెచ్చుకున్నాడు.

తాజాగా సుమంత్ అశ్విన్ ఓ ఇంటివాడు కాబోతున్నాడు. వారి బంధువుల అమ్మాయి అయిన దీపికను సుమంత్ అశ్విన్ ఇరు కుటుంబాల పెద్దల సమక్షం లో పెళ్లి చేసుకోనున్నాడు. హైదరాబాద్ నగర శివార్లలోనే వీరిద్దరి వివాహం జరగనుంది. ఈ నెల 13న సుమంత్ అశ్విన్ వివాహం జరగనుంది. పెళ్లి కూతురు పేరు దీపిక అని తెలుస్తోంది. ఆమె డల్లాస్ లో ఎం ఎస్ చేసారు. ఇరు పక్షాల పెద్దల సమక్షం లోనే వీరి వివాహం జరగనుంది.

టాలీవుడ్ లో సెటిల్ అయిన ముంబై భామ రకుల్ ప్రీత్ సింగ్ తాజాగా బాలీవుడ్ వైపు దృష్టి సారిస్తున్నట్లు తెలుస్తోంది. టాలీవుడ్ కి వచ్చిన కొత్తల్లో వరుస అవకాశాలతో అగ్రతారగా కొనసాగింది. టాలీవుడ్ లో దాదాపు అందరు హీరోల పక్కన చేసింది. అయితే ప్రస్తుతం టాలీవుడ్ లో అవకాశాలు తగ్గడం తో బాలీవుడ్ వైపు మొగ్గు చూపుతున్నట్లు తెలుస్తోంది. దానికి తోడు ఈ భామ కు అక్కడ అవకాశాలు కూడా ఎక్కువే వస్తున్నాయి.

అమితాబ్ బచ్చన్, అజయ్ దేవగన్ లు ప్రధాన పాత్రలుగా “మే డే” చిత్రం రూపొందుతున్న సంగతి తెలిసిందే. ఈ చిత్రం లో ముంబై భామ రకుల్ ప్రీత్ సింగ్ కథానాయిక గా నటిస్తోంది. మరో సినిమా “థాంక్ గాడ్” లో అజయ్ దేవగణ్, సిద్ధార్థ్ మల్హోత్రా హీరోలుగా నటిస్తున్నారు. ఈ సినిమా లో కూడా రకుల్ నటిస్తోంది. ఈ రెండు కాకుండా మరో సినిమా ‘డాక్టర్ జి’ సినిమాలో కూడా నటించడానికి రకుల్ ప్రీత్ సింగ్ సంతకం పెట్టేసిందట.

ఈ సినిమా లో ఆయుష్మాన్ ఖురానా సరసన ఆమె నటిస్తోంది. ఈ సినిమా లో ఆమె డాక్టర్ గా నటించనుందట. ఈ సినిమా కి అనురాగ్ కశ్యప్ దర్శకత్వం వహిస్తున్నారట. జంగిల్ పిక్చర్స్ సంస్థ ఈ సినిమాకి నిర్మాణ బాధ్యతలు తీసుకుంది. ఇటీవలే, ఈ చిత్ర యూనిట్ లోకి రకుల్ ని ఆహ్వానిస్తున్నట్లు సోషల్ మీడియా ద్వారా వెల్లడించింది. ఇందుకు రిప్లై గా ఈ సినిమాలో నటించడానికి చాల ఎక్సయిటింగ్ గా ఉన్నట్లు రకుల్ పేర్కొంది. మొత్తానికి రకుల్ బాలీవుడ్ లో వరుస అవకాశాలతో దూసుకెళ్తోంది.