Harika

ఏపీ డిప్యూటీ సీఎం, జనసేన అధినేత పవన్ కళ్యాణ్ చిన్న కుమారుడు మార్క్ శంకర్ సింగపూర్‌లో స్కూల్ లో జరిగిన అగ్ని ప్రమాదంలో గాయపడ్డాడు. ప్రమాదంలో అతని చేతులకు, కాళ్లకు గాయాలయ్యాయి. అంతేకాదు ఊపిరితిత్తుల్లోకి పొగ వెళ్లడంతో స్వల్ప అస్వస్థతకు గురయ్యాడు. స్కూల్ లో జరిగిన ఈ అగ్నిప్రమాదంలో పవన్ కొడుకుతో పాటు 14 మంది విద్యార్థులు గాయాల పాలయ్యారు అంట. ఈ ఘటన జరిగినప్పుడు పవన్ కళ్యాణ్ అల్లూరి సీతారామరాజు జిల్లా పర్యటనలో ఉన్నారు. ఈ విషయం తెలిసిన వెంటనే ఆయన పర్యటనను ముగించుకుని సింగపూర్ చేరుకున్నారు. మరో వైపు మెగాస్టార్ చిరంజీవి కూడా భార్య సురేఖతో కలిసి సింగపూర్ వెళ్లారు. ప్రస్తుతం మార్క్ శంకర్ సింగపూర్ హాస్పిటల్ లో చికిత్స పొందుతున్నాడు. కోలుకుంటున్నాను అని సిగ్నల్ ఇచ్చిన ఫోటో ప్రస్తుతం వైరల్ అవుతుంది. గాయాలు పూర్తిగా తగ్గే వరకు మరో రెండు మూడు రోజులు ఆసుపత్రిలో ఉండే అవకాశం ఉంది అంట.

ఈ ఘటన గురించి తెలిసిన వెంటనే ఆంధ్రప్రదేశ్ ముఖ్యమంత్రి చంద్రబాబు నాయుడు మరియు అతని కుమారుడు నారా లోకేష్ ట్విట్టర్ ద్వారా స్పందించారు. శంకర్ త్వరగా కోలుకోవాలని భగవంతుని ప్రార్థిస్తున్నానని సీఎం చంద్రబాబు ట్వీట్ చేసారు.

ఇది ఇలా ఉంటే…అసలు పవన్ కుమారుడు సింగపూర్ లో ఎందుకు ఉన్నారు అనే చర్చ ప్రస్తుతం సోషల్ మీడియాలో జరుగుతుంది. పవన్ కళ్యాణ్ భార్య అన్నా లెజ్‌నేవా గతేడాది సింగపూర్‌లోని నేషనల్ యూనివర్సిటీ నుంచి మాస్టర్ ఆఫ్ ఆర్ట్స్ డిగ్రీ పట్టా అందుకున్నారు. తన చదువు కోసం అన్నా లెజ్‌నేవా కుమారుడిని కూడా సింగపూర్‌లో ఉంటున్నారు. మార్క్ శంకర్ పవనోవిచ్‌ రివర్ వాలీ టొమాటో కుకింగ్ స్కూల్‌లో చదువుతున్నాడు. ఈ స్కూల్ లో 6 నుండి 14 సంవత్సరాల వయసున్న పిల్లలకు పలు రకాల ఇంటర్నేషనల్ డిషెస్ రెస్టారెంట్ స్టైల్ లో కుక్ చేయడం నేర్పిస్తారు.

అన్నా లెజ్‌నేవా రష్యాలోని సెయింట్ పీటర్స్‌బర్గ్ యూనివర్శిటీ నుంచి ఓరియంటల్ స్టడీస్‌లో డిగ్రీని పూర్తి చేశారు. ఓరియంటల్ స్టడీస్ అంటే ఆసియా దేశాల భాషలు గురించి, జీవన విధానం గురించి పరిశోధనలు చేయడం. ఈ పరిశోధనలో థాయిలాండ్ చరిత్ర గురించి తప్పకుండా స్టడీ చేస్తారు. అందుకే పవన్ భార్య సింగపూర్ లో ఉంటున్నారు. కుమారుడిని కూడా అక్కడే స్కూల్ లో జాయిన్ చేసారు. గతేడాది పవన్ కళ్యాణ్ తన భార్య యూనివర్శిటీలో మాస్టర్స్ డిగ్రీ అందుకునే కార్యక్రమానికి హాజరయ్యారు.

చిన్న స్థాయి నుంచి కన్స్ట్రక్షన్ రంగంలో అగ్రగామిగా ఎదిగిన మై హోమ్ గ్రూప్ అధినేత డాక్టర్ జూపల్లి రామేశ్వర్ రావు, ఆయన కుమారుడు, సంస్థ ఎగ్జిక్యూటివ్ వైస్ ఛైర్మన్ జూపల్లి రామురావు ఈరోజు(నవంబర్ 7న) ప్రధాన మంత్రి నరేంద్ర మోదీని స్నేహ పూర్వకంగా, మర్యాదపూర్వకంగా కలుసుకున్నారు. ప్రధాని మోదీకి శాలువా కప్పి సత్కరించారు. కలియుగ దైవం వేంకటేశ్వర స్వామి విగ్రహాన్ని బహుమతిగా అందించారు.

ప్రధానమంత్రి నరేంద్ర మోదీ తన లోతైన ఆధ్యాత్మిక విలువలు, దేశానికి సేవ చేయాలనే బలమైన నిబద్ధత వల్ల ప్రపంచవ్యాప్తంగా గుర్తింపు పొందారు. ఆయన నాయకత్వ శైలి, ప్రజా సేవ పట్ల తనకున్న అంకితభావం అందరికీ తెలిసిందే. భారతదేశంలో సమానత్వాన్ని నెలకొల్పేందుకు మోదీ చేస్తున్న కృషి ఎనలేనిది. తనలో ఉన్న ఆ భావనకు నిదర్శనంగానే.. 2022లో హైదరాబాద్‌లో ‘స్టాట్యూ ఆఫ్ ఈక్వాలిటీ’ని ఆయన ప్రారంభించారు. శ్రీ రామానుజాచార్య గౌరవార్థం చిన జీయర్ స్వామి ఈ విగ్రహాన్ని ఏర్పాటు చేశారన్న సంగతి తెలిసిందే.

మోదీ విలువలు, ఆయన ఆలోచనలు భారతదేశపు భవిష్యత్తు మహత్తరపూర్వకంగా తీర్చిదిద్దుతాయి. ఇది వ్యక్తిగత వినయం, ఇతరులను ఉద్ధరించాలనే కోరిక, కరుణ, సేవా సూత్రాల ద్వారా మార్గనిర్దేశం చేస్తాయి. ఇటీవల న్యూయార్క్‌లో జరిగిన ఒక చారిత్రాత్మక శిఖరాగ్ర సమావేశంలో ప్రసంగిస్తూ.. “మానవ కేంద్రీకృత విధానానికి” అత్యధిక ప్రాధాన్యత ఇవ్వాలని మోదీ అన్న విషయం తెలిసిందే.

కార్తీక మాసాన్ని హిందువులందరూ అత్యంత పవిత్రమైన మాసంగా భావిస్తూ ఉంటారు. శివ కేశవులకు సైతం అత్యంత ప్రీతిపాత్రమైన మాసంగా కార్తీక మాసం గురించి ఎంతో విశిష్టంగా చెబుతూ ఉంటారు. ఇక హైదరాబాదులో కార్తీకమాసం అనగానే హిందువులందరికీ భక్తి టీవీ ఎన్టీవీ సంయుక్తంగా నిర్వహించే కోటి దీపోత్సవం కార్యక్రమం జ్ఞప్తికి రాకుండా ఉండదు. హైదరాబాదులో ప్రతి ఏడాది జరిగేటట్టుగానే ఈ ఏడాది కూడా నవంబర్ 9వ తేదీ నుంచి నవంబర్ 25వ తేదీ వరకు అత్యంత వైభవంగా కన్నుల పండుగగా కార్తీక కోటి దీపోత్సవాన్ని నిర్వహించేందుకు సర్వం సిద్ధమైంది.. 2012లో శృంగేరి పీఠాధిపతి జగద్గురు భారతీ తీర్థ మహాస్వాముల వారి అమృత హస్తాల మీదుగా ప్రారంభమైన కోటి దీపోత్సవ కార్యక్రమాన్ని నిర్విరామంగా నిర్వహిస్తూ వస్తున్న భక్తి టీవీ- ఎన్టీవీ యాజమాన్యం ఈ ఏడాది కూడా భక్త జనం ఒళ్ళు పులకరించేలా హైదరాబాదులోని ఎన్టీఆర్ స్టేడియం వేదికగా కార్యక్రమాన్ని నిర్వహించడానికి అన్ని కార్యక్రమాలు సిద్ధం చేసింది. ఈ ఏడాది 17 రోజులపాటు అనేక కార్యక్రమాలు నిర్వహించేందుకు ప్రణాళికల సిద్ధం చేశారు. శివకేశవులని ఒకేవేదికపై కోటీదీపాల మధ్య దర్శించుకునే యోగమే ఈ కోటి దీపోత్సవం. జనం గుండె లోతుల్లో దాగిన భక్తిభావాలను వెలికి తీసే పవిత్ర కార్యంగా ఈ కోటిదీపోత్సవంను ఎన్టీవీ భక్తి టీవీ సంయుక్తంగా నిర్వహిస్తూ వస్తున్నాయి.

ఈ కార్యక్రమంలో పాల్గొనడానికి దేశం నలుమూలల నుంచి పీఠాధిపతులు, మహాయోగులు, ఆధ్యాత్మికవేత్తలు తరలి వస్తుండగా వారి ప్రవచనామృతంతో మొదలై, ప్రత్యేక అర్చనలతో పవిత్రత సంతరించుకుని, దేవదేవుల కళ్యాణ మహోత్సవాలు, లింగోద్భవం, నీరాజనాలతో భక్తులకు నిండైన ఆధ్యాత్మిక ఆనందాన్ని పంచే ఈ మహోత్సవాన్ని కనులారా వీక్షించడం ఒక గొప్ప అదృష్టం. ప్రతిరోజు కళ్యాణ మహోత్సవం అనంతరం ఉత్సవ విగ్రహాల ఊరేగింపు చూసి తరలించాల్సిందే తప్ప వర్ణించడానికి మాటలు లేవు. ప్రసిద్ధ పుణ్యక్షేత్రాల దేవతామూర్తులను చూసి భక్తకోటి పులకించిపోయే అద్భుత దృశ్యం ఈ కోటిదీపోత్సవంలో ప్రతిరోజూ సాక్షాత్కారమవుతుంది. కోటి దీపాల మహోత్సవాన్ని చూసేందుకు రెండు కళ్ళు చాలవనడంలో ఎలాంటి సందేహం లేదు. నవంబర్ 9 నుంచి ప్రారంభం కాబోతున్న ఈ వేడుకను నవంబర్ 25వ తేదీ వరకు హైదరాబాదులోని ఎన్టీఆర్ స్టేడియం వేదికగా అత్యంత భక్తిశ్రద్ధలతో నిర్వహించనున్నారు.

సరికొత్త డాన్సింగ్ టాలెంట్‌ను ప్ర‌పంచానికి ప‌రిచ‌యం చేస్తోన్న వ‌న్ అండ్ ఓన్లీ టాలెంటెడ్ షో ఢీ. ఈ షోకు వ‌స్తున్న ఆద‌ర‌ణ గురించి ప్ర‌త్యేకంగా చెప్ప‌న‌క్క‌ర్లేదు. బుల్లితెరపై ఢీ షో క్రియేట్ చేసిన సంచలనాలు అన్నీ ఇన్నీ కావు. ప్రతీ సీజన్‌కి ఓ కొత్త థీమ్, కొత్త యాంకర్లతో బరిలోకి దిగుతూ ఎప్పటికప్పుడు ఢీ షోకి ఉన్న రూపు రేఖలు మార్చేస్తున్నారు. 2009లో ప్రారంభ‌మైన ఈ డాన్స్ షో ప్ర‌స్తుతం 18వ సీజ‌న్‌తో ప్రేక్ష‌కుల‌ను రంజింపు చేస్తోంది. అలాగే ఢీ షో.. ద‌క్షిణాదిలోనే టీవీ రంగంలో టాప్ షోగా పాపులారిటీని సంపాదించుకుని జాతీయ స్థాయిలో అంద‌రి దృష్టిని ఆక‌ర్షించింది.

డాన్స్‌ల‌ను అమితంగా ప్రేమించే అభిమానుల‌కు ఢీ షో ఎప్ప‌టిక‌ప్పుడు కొత్త టాలెంట్‌ను ప‌రిచ‌యం చేస్తూ అందరి మ‌న‌సుల్లో చెర‌గ‌ని స్థానాన్ని సంపాదించుకుంది. 15కి పైగా కొరియోగ్రాఫ‌ర్స్‌ను తెలుగు చిత్ర సీమ‌కు అందించి త‌న‌దైన చెర‌గ‌ని ముద్ర వేసింది ఢీ షో.

పాటల కార్యక్రమంలో సుధీర్ఘంగా నడిచిన షోగా పాడుతా తీయగా రికార్డులు క్రియేట్ చేస్తోంది. ఈ షోకు సపరేట్ ట్రాక్ రికార్డ్ ఏర్ప‌డిందంటే మామూలు విష‌యం కాదు. ఎస్‌.పి.బాల‌సుబ్ర‌హ్మ‌ణ్యం హోస్ట్‌గా ప్రారంభ‌మైన ఈ పాటల కార్య‌క్ర‌మం ఇప్పుడు ఆయ‌న త‌న‌యుడు ఎస్‌.పి.చ‌ర‌ణ్ ఆధ్వ‌ర్యంలో ముందుకు సాగుతోంది. ఈయ‌న‌తో పాటు ఆస్కార్ అవార్డ్ గ్రహీత, ప్రముఖ పాటల రచయిత చంద్రబోస్ ఈ షోకు జడ్జ్‌గా వ్యవహరిస్తున్నారు. సునీత, విజయ్ ప్రకాష్ వంటి ప్రముఖ సింగర్లు ఈ షోలో జడ్జ్‌లుగా ఉంటూ తమ సంగీత జ్ఞానాన్ని కంటెస్టెంట్లకు, ఆడియెన్స్‌కు పంచుతున్నారు. ఇప్పటి వరకు పాడుతా తీయగా షోలో 500కి పైగా కంటెస్టెంట్లు పాల్గొన్నారు. 1996లో ప్రారంభమైన ఈ సింగింగ్ షో ఎంతో మంది గాయ‌నీ గాయ‌కుల‌ను తెలుగు చిత్ర ప‌రిశ్ర‌మ‌కు ప‌రిచ‌యం చేసింది.

* పాడుతా తీయ‌గా ద్వారా ఇప్ప‌టివ‌ర‌కు 30కిపైగా సింగ‌ర్స్ టాలీవుడ్‌కు ప‌రిచ‌య‌మ‌య్యారు. అందులో కొంద‌రు టాప్ సింగ‌ర్స్‌లో కొన‌సాగుతోన్నారు.
* సింగ‌ర్ ఉషా, గోపిక పూర్ణిమ పాడుతా తీయ‌గా ద్వారానే వెలుగులోకి వ‌చ్చారు. ఉష తెలుగుతో పాటు ఇత‌ర భాష‌ల్లో క‌లిపి వెయ్యికిపైగా పాట‌లు పాడింది. గోపిక పూర్ణిమ ఐదు వంద‌ల పాట‌లు పాడ‌టం గ‌మ‌నార్హం.
* తెలుగులో ఎన్నో మ‌ధుర‌మైన పాట‌ల‌తో మ్యూజిక్ ల‌వ‌ర్స్‌ను మెప్పించిన కౌస‌ల్య కూడా పాడుతా తీయ‌గా ద్వారానే సింగ‌ర్‌గా టాలీవుడ్‌లోకి ఎంట్రీ ఇచ్చింది.
* నిత్య సంతోషిణి, లిప్సిక‌, దామిని భ‌ట్ల‌, మ‌నిషా ఎర‌బ‌త్తిని, సాహితి చాగంటి, హ‌రిణి ఇవ‌టూరి, స్మిత‌, శ్రీల‌త కూడా పాడుతా తీయ‌గా ద్వారా పాపుల‌ర్ అయ్యారు. సినిమాల్లో అవ‌కాశాల్ని ద‌క్కించుకున్నారు.
* తెలుగులో ఎనిమిది వంద‌ల‌కుపైగా పాట‌లు పాడిన సింగ‌ర్ హేమ‌చంద్ర పాడుతా తీయ‌గానే లైఫ్ ఇచ్చింది. టాలీవుడ్ టాప్ సింగ‌ర్స్‌లో ఒక‌రిగా కొన‌సాగుతోన్న అనురాగ్ కుల‌క‌ర్ణి, మ‌ల్లిఖార్జున్‌లు పాడుతా తీయ‌గా ద్వారానే అవ‌కాశాల్ని అందుకున్నారు.
* ఇండియ‌న్ ఐడ‌ల్ విన్న‌ర్ కారుణ్య కూడా పాడుతా తీయ‌గాలో కంటెస్టెంట్‌గా పాల్గొన్నాడు. అత‌డితో పాటు సందీప్‌, పార్థు, రోహిత్ ఈ సింగింగ్ షో ద్వారానే మ్యూజిక్ ల‌వ‌ర్స్‌కు చేరువ‌య్యారు.