Harika

పవర్ స్టార్ పవన్ కళ్యాణ్ హీరోగా నటించిన హరి హర వీరమల్లు సినిమా టీజర్ వచ్చింది. దాదాపు నాలుగు సంవత్సరాల నుండి ఈ సినిమా షూటింగ్ జరుగుతోంది. మధ్యలో కొంత కాలం బ్రేక్ పడింది. మళ్లీ ఈ సినిమా షూటింగ్ ఇటీవల మొదలుపెట్టారు. నిధి అగర్వాల్ ఈ సినిమాలో హీరోయిన్ గా నటిస్తున్నారు. అయితే ఇప్పుడు ఈ సినిమా రెండు భాగాల్లో విడుదల అవుతుంది అని టీజర్ చూస్తే తెలుస్తోంది. మొదటి భాగానికి స్వార్డ్ వర్సెస్ స్పిరిట్ అని పేరు పెట్టారు. యానిమల్ సినిమాతో గుర్తింపు తెచ్చుకున్న బాబీ డియోల్ ఈ సినిమాలో విలన్ పాత్రలో నటిస్తున్నారు.

గతంలో ఈ పాత్రకి అర్జున్ రాంపాల్ ని అనుకున్నారు. షూటింగ్ కూడా అయ్యాక సినిమా మధ్యలో నుండి వెళ్లిపోయారు. ఇప్పుడు క్రిష్ జాగర్లమూడి కూడా ఈ సినిమా దర్శకత్వ బాధ్యతలు తీసుకోవట్లేదు. జ్యోతి కృష్ణ ఈ సినిమా డైరెక్ట్ చేస్తారు. క్రిష్ జాగర్లమూడి దర్శకత్వ పర్యవేక్షణలో జ్యోతి కృష్ణ ఈ సినిమాకి డైరెక్షన్ చేస్తారు. జ్యోతి కృష్ణ ఇటీవల రూల్స్ రంజన్ సినిమాకి దర్శకత్వం వహించారు. ఇది ఒక పిరియాడిక్ డ్రామా. క్రిష్ జాగర్లమూడి ఇలాంటి సినిమాలు చాలా బాగా తీస్తారు అని పేరు ఉంది. అలాంటిది ఇప్పుడు క్రిష్ దర్శకత్వ బాధ్యతలు తీసుకోకపోవడం అనేది ఆందోళనకి గురి చేసే విషయంగా మారింది. టీజర్ చూస్తూ ఉంటే కూడా ఎక్కడా ఒక్క హై మూమెంట్ కూడా లేదు. ఏదో అలా వెళ్ళిపోయింది.

ఒకరకంగా చెప్పాలి అంటే టీజర్ లో ఇవే మైనస్ పాయింట్స్ అని అంటున్నారు. పవన్ కళ్యాణ్ చేత ఒక్క డైలాగ్ చెప్పించినా కూడా బాగుండేది అంటూ కామెంట్స్ చేస్తున్నారు. ఇదంతా పక్కన పెడితే, ఇప్పుడు ప్రతి సినిమా రెండు భాగాలుగా విడుదల అవ్వడం అనేది ఒక ట్రెండ్ గా మారింది. బాహుబలి సినిమా నుండి చాలా సినిమాలు ఇలాగే వస్తున్నాయి. ఇప్పుడు పుష్ప సినిమా రెండవ భాగం వస్తోంది. గ్యాంగ్స్ ఆఫ్ గోదావరి సినిమాకి కూడా రెండవ భాగం వస్తుంది అని చెప్పారు. టిల్లు స్క్వేర్ ఇటీవల విడుదల అయ్యి సూపర్ హిట్ అయిన సంగతి తెలిసిందే. జూనియర్ ఎన్టీఆర్ హీరోగా నటిస్తున్న దేవర సినిమా కూడా రెండు భాగాలుగా రూపొందుతోంది.

అయితే ప్రతి సినిమాని ఇలా రెండు మూడు భాగాల్లో చిత్రీకరించడం అనేది కాస్త రిస్క్ తో కూడుకున్న విషయమే. ఎందుకంటే, సినిమా స్క్రీన్ ప్లే గ్రిప్పింగ్ గా లేకపోతే సినిమా తెర మీద ఆసక్తికరంగా కనిపించే అవకాశాలు తక్కువగా ఉంటాయి. ఇప్పుడు రెండు భాగాలుగా విడుదలవుతున్న చాలా సినిమాల్లో ఇలాగే జరుగుతోంది. ఒక సీన్ కి ఎక్కువ సమయం కేటాయించే బదులు స్క్రీన్ ప్లే తో ఫాస్ట్ గా నడిపించి సినిమాని ఒకటే భాగంలో ముగించే అవకాశాలు ఉంటాయి. మరి ఈ సినిమా రెండు భాగాలుగా విడుదల చేయడానికి కారణాలు ఏంటో తెలుసుకోవాలి అంటే సినిమా విడుదల అయ్యేంతవరకు ఆగాల్సిందే. కానీ టీజర్ లో చూపించిన ఈ విషయాల మీద మాత్రం కామెంట్స్ వస్తున్నాయి.

watch video :

ALSO READ : నందమూరి హీరో “కళ్యాణ్ చక్రవర్తి” గుర్తున్నారా..?? ఇప్పుడెలా ఉన్నారో తెలుసా..??

ఒక సినిమా అంటే ఫైటింగ్ సీన్లు, భారీ బడ్జెట్ పాటలు ఉండాల్సిన అవసరం లేదు. మామూలు కథని ఆసక్తికరంగా చూపించినా కూడా ప్రేక్షకులు చూస్తారు. అలాంటి ఒక కథతో వచ్చిన సినిమా ఇదే. ఈ సినిమా పేరు, అర్చన 31 నాట్ అవుట్. ఐశ్వర్య లక్ష్మి ముఖ్య పాత్రలో నటించిన ఈ సినిమాకి అఖిల్ అనిల్ కుమార్ దర్శకత్వం వహించారు. ఈ సినిమా కథ విషయానికి వస్తే, ఒక ఊరిలో టీచర్ గా పనిచేస్తూ ఉంటుంది అర్చన (ఐశ్వర్య లక్ష్మి). ఎన్నో పెళ్లి సంబంధాలు చూసిన తర్వాత 31వ పెళ్లి సంబంధం అర్చనకి నచ్చుతుంది. పెళ్లి ఏర్పాట్లు జరుగుతూ ఉంటాయి.

పెళ్లికి ముందు రోజు పెళ్ళికొడుకు గతంలో అతనిని ప్రేమించిన అమ్మాయితో వెళ్ళిపోతున్నట్టు చెప్తాడు. కానీ ఈ విషయాన్ని అర్చన తన ఇంట్లో వాళ్లకు చెప్పదు. పెళ్లి ఏర్పాట్లు అన్నీ కూడా జరుగుతూ ఉంటాయి. కానీ ఇంట్లో వాళ్ళు ఎవరికీ కూడా ఈ విషయం తెలియదు. ఆ తర్వాత ఏం జరిగింది అనేది మిగిలిన కథ. ఒకే ఒక్క రోజులో సినిమా కథ చాలా వరకు మొత్తం నడుస్తుంది. అయినా కూడా తర్వాత ఏమవుతుంది అని ఆసక్తితో సినిమా నడిపించారు. 2022 లో వచ్చిన ఈ సినిమా మలయాళం భాషలో అమెజాన్ ప్రైమ్ లో స్ట్రీమ్ అవుతోంది.

ఈ సినిమాలో డైలాగ్స్ చాలా ఎమోషనల్ గా ఉంటాయి. అందులోనూ సినిమా చివరిలో హీరోయిన్ తీసుకునే నిర్ణయం, అప్పుడు హీరోయిన్ ఇచ్చే స్పీచ్ చాలా బాగా రాశారు. పెళ్లి అనే ఒక విషయం ఒక అమ్మాయి జీవితాన్ని నిర్ణయించదు అనే విషయాన్ని ఈ సినిమాలో చాలా బాగా చూపించారు. పెళ్లికి ముందు రోజు పెళ్లి చేసుకోవాల్సిన అబ్బాయి పారిపోతే, ఈ విషయాన్ని ఆ అమ్మాయి ఎంత జాగ్రత్తగా పరిష్కరించింది అనేదాన్ని ఈ సినిమాలో చూపించారు. సినిమాలో చాలా తక్కువ మంది నటీనటులు ఉంటారు. పెద్ద పెద్ద సెట్టింగ్స్ కూడా ఉండవు. ఒక ఊరిలో ఇంట్లో సినిమా నడుస్తుంది. ఆడపిల్లలు ఈ సమాజంలో ఎన్ని సమస్యలు ఎదుర్కొంటారో చాలా సున్నితంగా ఇందులో చూపించారు. ఎమోషనల్ సీన్స్ చాలా బాగా చూపించారు.

ALSO READ : “పోకిరి” నుండి “పుష్ప” వరకు… సమాజానికి “చెడు సందేశం” ఇచ్చిన 10 హిట్ సినిమాలు..!

సినిమా ఇండస్ట్రీ లో నెగ్గుకు రావాలి అంటే..ప్రతిభతో పాటు కాస్త అదృష్టం కూడా ఉండాల్సిందే. ఎంతో ప్రతిభతో, వారి స్వయం కృషి తో హీరోలు కానీ, డైరెక్టర్ లు ప్రేక్షకుల మనసుల్లో స్థానం సంపాదించుకుంటారు. అయితే కొన్ని హిట్ లు రాగానే సరైన కథలు ఎంచుకోకుండా సినిమాలు తీస్తూ ఉంటారు.

అసలు అన్యాయం వైపు ఉన్న వ్యక్తుల్ని హీరోలుగా.. వాటిని అడ్డుకున్న వారిని విలన్లుగా చూపించటం ఇప్పటి సినిమాల్లో జరుగుతుంది. అది చూసి ప్రేక్షకులు వారిని అనుకరించటం వంటివి చేయడం మొదలు పెడితే అది చాలా పెద్ద సమస్యగా మారుతుంది. ఇది చాలా మంది హీరోలు, దర్శకులు గుర్తించట్లేదు.

ఒకవైపు అద్భుత చిత్రాలతో తెలుగు చిత్రసీమ ఖ్యాతి ఖండాంతరాలు దాటుతుంటే మరో వైపు ఇటువంటి చిత్రాలు దాన్ని తగ్గిస్తున్నాయి. వాటిలో చాలా వరకు హిట్ టాక్ తెచ్చుకున్నవే..అలాంటి కొన్ని సినిమాలేంటో చూద్దాం.

#1 ఇడియట్

అమ్మాయి మనోభావాలతో సంబంధం లేకుండా కౌగిలించుకో, ముద్దుపెట్టు అని హీరో హీరోయిన్ ను వేధిస్తుంటే అదే ట్రెండ్ అని యూత్ ఫాలో అయిపోతున్నారు.

#2 పోకిరి
ఈ సినిమా ఎంత పెద్ద హిట్టో కొత్తగా చెప్పక్కర్లేదు. ఇది మన యూత్ మీద ఎంతో ప్రభావం చూపించింది .. కృష్ణ మనోహర్ ని చూసి నేర్చుకుందామని ఒకడు కూడా అనుకోడు .. కానీ పండు గాడ్ని చూసి మాత్రం చాలా విధాలుగా చెడిపోయారు యూత్.

#3 చిత్రం
దర్శకుడు ఒక మెసేజ్ ఇద్దామని ట్రై చేస్తే అది చాలా ఎబ్బెట్టుగా మారింది.

#4 ఖతర్నాక్
మనకి విద్య చెప్పే గురువుల్ని గౌరవించేలా రేపటి తరానికి నేర్పించాలి కానీ ఈ సినిమా లో దానికి పూర్తి వ్యతిరేకం గా చూపించారు.

#5 అర్జున్ రెడ్డి
ఈ సినిమా రిలీజ్ అయినపుడు చాలా సెన్సేషన్ క్రియేట్ చేసింది. కానీ ఇందులో హీరో పాత్ర కానీ, హీరోయిన్ తో ప్రవర్తించే విధానం కానీ సరిగా ఉండవు.

#6 నేను లోకల్
ఒక అమ్మాయిని నిజం గా ప్రేమించిన వ్యక్తి తన తండ్రి మాట మేరకు జీవితం లో స్థిర పడ్డాకే వస్తాను అని చెప్పి వెళ్తాడు. అతడు ఈ సినిమాలో విలన్. కానీ ఆ అమ్మాయిని నిత్యం వేధిస్తూ.. ఆమె తండ్రిని కించపరుస్తూ..సరైన చదువు, ఉద్యోగం లేకుండా ఉన్న వాడు హీరో. కానీ ఈ చిత్రం హిట్ అయింది.

#7 హార్ట్ ఎటాక్
ఒక అమ్మాయిని ప్రేమిస్తున్నాను, ఎప్పటికి నీతోనే ఉంటాను అని చెప్పకుండా..హీరో నీ నుంచి ఒక్క ముద్దు ఇస్తే చాలు.. ఇంకేం వద్దు అని చెప్తాడు..ఇదే హీరోయిజం ఈ సినిమాలో.

#8 ఆర్ ఎక్స్ 100
అసలు హీరోని చూసి నచ్చడంతో తన కోసం హీరోయిన్ చేసే దుర్మార్గాలు అన్ని ఈ చిత్రం లో చూపించారు. దీన్ని ప్రేక్షకులు ఏ విధం గా తీసుకున్నారు అన్నది వేరే విషయం.

#9 ఉప్పెన
సరిగా జీవితం అంటే ఏంటో తెలియని ఒక అమ్మాయి.. ఒక పేద వ్యక్తి దగ్గర దొరికిన స్వేచ్చని ప్రేమ అనుకుంటుంది. దాని కోసం ఎన్ని ఆటంకాలు ఎదురైనా అతనితోనే ఉండేందుకు సిద్ధపడుతుంది.

#10 పుష్ప
ఈ చిత్రం లో ఒక నేరస్తుడే హీరో. అతన్ని అడ్డుకొనే పోలీసులు విలన్లు. ఆ హీరో మ్యానరిజాల్ని అనుకరిస్తూ అభిమానిస్తున్నారు ప్రేక్షకులు.

సినిమా నేపథ్యంతో ఇండస్ట్రీలోకి అడుగు పెట్టి, ఇప్పుడు పవర్ స్టార్ గా ఎదిగారు పవన్ కళ్యాణ్. పవన్ కళ్యాణ్ ప్రస్తుతం రాజకీయ కార్యక్రమాల్లో బిజీగా ఉన్నారు. ఆంధ్రప్రదేశ్ ఎన్నికలు దగ్గర పడుతూ ఉండటంతో ప్రచార కార్యక్రమాల్లో పాల్గొంటున్నారు. అనారోగ్య సమస్యలు వచ్చినా కూడా లెక్కచేయకుండా ప్రచార కార్యక్రమాల్లో పవన్ కళ్యాణ్ పాల్గొంటున్నారు. పవన్ కళ్యాణ్ ని చూడడానికి ఎన్నో లక్షల మంది ప్రజలు వస్తున్నారు. మరొక పక్క పవన్ కళ్యాణ్ మూడు సినిమాలు చేస్తున్నారు. కానీ ఇప్పుడు సినిమా షూటింగ్స్ అన్నిటికీ బ్రేక్ పడింది. ఎన్నికలు పూర్తవగానే మళ్ళీ పవన్ కళ్యాణ్ షూటింగ్స్ లో పాల్గొంటారు.

పవన్ కళ్యాణ్ నటిస్తున్న సినిమాల్లో, ఒక సినిమా హరీష్ శంకర్ దర్శకత్వంలో రాబోతున్న ఉస్తాద్ భగత్ సింగ్ అయితే, మరొకటి క్రిష్ జాగర్లమూడి దర్శకత్వంలో రాబోతున్న హరిహర వీరమల్లు. ఇంకొకటి సుజిత్ దర్శకత్వంలో రాబోతున్న ఓజీ. ఈ సినిమా రెండు భాగాలుగా రూపొందుతోంది. ఈ సినిమా షూటింగ్స్ అన్నీ కూడా జరుగుతూ ఉన్నాయి. ప్రస్తుతం పవన్ కళ్యాణ్ లేకపోవడంతో ఈ సినిమా షూటింగ్స్ కి బ్రేక్ పడింది. తర్వాత మళ్లీ మొదలు అవుతాయి. పవన్ కళ్యాణ్ సెప్టెంబర్ 30వ తేదీ, 2013 లో అన్నా లెజ్నెవాని పెళ్లి చేసుకున్నారు. పవన్ కళ్యాణ్ హీరోగా నటించిన తీన్ మార్ సినిమాలో అన్నా లెజ్నెవా నటించారు. అప్పుడే వాళ్ళిద్దరూ ప్రేమలో పడినట్టు సమాచారం.

ఇప్పుడు వీళ్ళిద్దరికీ మార్క్ శంకర్ పవనోవిచ్ అనే కొడుకు, పోలేనా అంజనా పవనోవా అనే కూతురు ఉన్నారు. అన్నా లెజ్నెవా అప్పుడప్పుడు బయట కనిపిస్తూ ఉంటారు. ఇటీవల వరుణ్ తేజ్, లావణ్య పెళ్లి వేడుకల్లో కనిపించారు. అన్నా లెజ్నెవా 1980 లో పుట్టారు. ఇప్పుడు ఆమె వయసు 44 సంవత్సరాలు. పవన్ కళ్యాణ్ సెప్టెంబర్ 2వ తేదీ, 1968 లో పుట్టారు. పవన్ కళ్యాణ్ వయసు ఇప్పుడు 55 సంవత్సరాలు. వీళ్ళిద్దరికీ మధ్య 11 సంవత్సరాల వయసు తేడా ఉంది. అన్నా లెజ్నెవా ప్రస్తుతం వ్యాపారవేత్తగా తన కెరీర్ కొనసాగిస్తున్నారు. దుబాయ్ లాంటి దేశాల్లో హోటల్స్ ఉన్నాయి. వాటి బాధ్యతలు అన్నీ కూడా అన్నా లెజ్నెవా చూసుకుంటున్నారు.

ALSO READ : హీరోయిన్ నగ్మా గుర్తున్నారా..? ఇప్పుడు ఎలా మారిపోయారో చూసారా..?

ఒక భాషలో ఏదైనా ఒక సినిమా హిట్ అయితే ఇంకొక భాషలో రీమేక్ చేయడం అనేది చాలా సహజమైన విషయం. అలా చాలా తెలుగు సినిమాలు ఇతర భాషల్లో రీమేక్ అయ్యాయి. కొన్ని సినిమాలు చాలా ఎక్కువ భాషల్లో రీమేక్ అయ్యాయి. కొన్ని సినిమాలు మాత్రం ఇతర ఇండస్ట్రీలలోకి రీమేక్ అయ్యి ఆ హీరోల కెరీర్ లో కూడా గుర్తుండిపోయే సినిమాలు అయ్యాయి. అందులో మహేష్ బాబు హీరోగా నటించిన ఒక్కడు సినిమా ఒకటి. తెలుగులో ఈ సినిమాకి గుణశేఖర్ దర్శకత్వం వహించారు. ఈ సినిమాని తమిళ్ లో విజయ్ గిల్లి పేరుతో రీమేక్ చేశారు. గత కొంత కాలం నుండి సోషల్ మీడియాలో ఒక్కడు వర్సెస్ గిల్లి అనే డిబేట్ నడుస్తోంది.

తెలుగు వాళ్ళు మా సినిమా బాగుంది అంటే, తమిళ వాళ్లు వాళ్ల సినిమా బాగుంది అని అంటున్నారు. కానీ సరిగ్గా చూస్తే, తమిళ్ రీమేక్ సినిమాలో చాలా ఓవర్ ఎమోషనల్ సీన్స్ ఉన్నాయి. సినిమాటిక్ లిబర్టీ పేరుతో వాళ్ళు చేసిన కొన్ని మార్పులు కామెడీగా అనిపిస్తాయి. అందులో క్లైమాక్స్ ఫైట్ కూడా ఒకటి. ఇది తెలుగులో చాలా సాధారణంగా ఉంటుంది. ప్రకాష్ రాజ్, మహేష్ బాబు మధ్యలో వచ్చే సీన్ పవర్ ఫుల్ గా అనిపిస్తుంది. కానీ ఎక్కడా కూడా హద్దు దాటినట్టు అనిపించదు. కమర్షియల్ సినిమాల్లో ఎక్కువగా ఉండే యాక్షన్ సీన్స్ లాగా అనిపించదు. అంత బాగా ఈ సీన్ ని డిజైన్ చేసుకున్నారు. కానీ తమిళ్ లో ఇందుకు చాలా డిఫరెంట్ గా చేశారు. హీరోకి చెయ్యి పట్టేస్తే చేయిని తిప్పి తర్వాత ప్రకాష్ రాజ్ ని కొడతాడు.

ఆ సీన్ చూడడానికి చాలా కామెడీగా అనిపిస్తుంది. అంత సీరియస్ సీన్ లో ఇలాంటి యాక్షన్ సీన్ పెడితే కాస్త ట్రాక్ తప్పినట్టు అనిపిస్తుంది. దీని విషయంలో కూడా అలాగే జరిగింది. ఈ సినిమాలో ఈ ఒక్క సీన్ మాత్రమే కాదు, స్వప్నని ఓబుల్ రెడ్డి ఎత్తుకెళ్లే సీన్ లో హీరో ఫోన్ మాట్లాడి, తర్వాత హీరోయిన్ ని చూసి, కాస్త కంగారు పడి, ఏం జరిగింది అనేది ఆలోచిస్తూ ఉంటాడు. అదంతా మనకి కొన్ని సెకండ్లలో తెలుగులో చూపిస్తారు. కానీ తమిళ్ సినిమాలో మాత్రం ఈ సీన్ కొంచెం మార్చారు. మిట్ట మధ్యాహ్నం చలికి వేసుకునే జాకెట్ వేసుకొని హీరో జాగింగ్ చేస్తూ ఉంటే, పక్కన నుండి త్రిష ని ప్రకాష్ రాజ్ తీసుకెళ్తూ ఉంటారు. ఆ సీన్ తెలుగు సీన్ బాగా చూసిన వాళ్లకి అంత సీరియస్ గా అనిపించదు.  దాంతో తమిళ్ రీమేక్ సీన్ మీద కామెంట్స్ చేస్తున్నారు.

watch video :

ALSO READ : హీరోయిన్ నగ్మా గుర్తున్నారా..? ఇప్పుడు ఎలా మారిపోయారో చూసారా..?